ကြံ့ဖွံ့အမတ် ဦးခင်ရွှေရတဲ့ ဒေါက်တာဘွဲ့ အတုဖြစ်နေ

ကြံ့ဖွံ့အမတ် ဦးခင်ရွှေရတဲ့ ဒေါက်တာဘွဲ့ အတုဖြစ်နေ

အမျိုးသားလွှတ်တော် ကြံ့ဖွံ့အမတ် ဦးခင်ရွှေရတဲ့ ဒေါက်တာဘွဲ့ အတုဖြစ်နေ

ဂျက်ဖရီ ဆန်းမောင် စုဆောင်းတင်ပြသည်

ဦးခင်ရွှေနဲ့စစ်အစိုးရ ဆက်ဆံရေး

ဇေကမ္ဘာကုမ္ပဏီပုိုင်ရှင် ဦးခင်ရွှေကြီးပွားချမ်းသာလာခြင်းဟာ စစ်အစိုးရက သူကောင်းပြုတဲ့ စီမံကိန်းတွေနဲ့ ခေတ်ပျက်သူဌေးဖြစ်ပီး ချမ်းသာလာသူဖြစ်ပါတယ်။ နအဖ န၀တ စစ်အစိုးရအဆက်ဆက် ကျေးဇူးကြောင့် ချမ်းသာလာတဲ့ ဦးခင်ရွှေကုို စစ်အစိုးရကလဲ ထိုက်ထိုက်တန်တန် အသုံးချခဲ့ပါတယ်။

၁၉၉၇ ခုနှစ် အမေရိကန်ဆန်ရှင်ခေါ် စီးပွားရေး ပိတ်ဆုို့မှုကြောင့် မြန်မာစစ်အစိုးရ အလူးအလဲ ခံနေရချိန်မှာ အမေရိကန်စီးပွားရေး ပိတ်ဆုို့မှုပြန်ဖွင့်ရေး၊ နုိုင်ငံတကာမှာ စစ်အစိုးရ သိက္ခာပြန်တင်နုိုင်ရေးအတွက် အမေရိကန် Public Relations ကုမ္ပဏီတွေကုို ဇေကမ္ဘာကုမ္ဗဏီပုိုင်ရှင် ဦးခင်ရွှေကတဆင့် ငှားရမ်းခဲ့ပါတယ်။

၁၉၉၀ ပြည့်နှစ်အစောပုိုင်းကစပီး Jafferson Waterman International ဆုိုတဲ့ ကုမ္ပဏီကုို တနှစ် အမေရိကန်ဒေါ်လာ ၄ သိန်းနဲ့ စစ်အစိုးရက ငှားပီး လော်ဘီလုပ်ခဲ့ပေမဲ့ မအောင်မြင်ခဲ့ပါဘူး။ ဒိနောက်မတော့ Bain & Associates ကုမ္ပဏီကုို တနှစ် ဒေါ်လာ ၂ သိန်းခွဲကျော်ပေးပီး ဇေကမ္ဘာကုမ္ပဏီပုိုင်ရှင် ဦးခင်ရွှေကတဆင့် ငှားခဲ့ပါတယ်။ ဒါလဲ မအောင်မြင်ခဲ့ပါဘူး။

ဒိနောက် Atlantic Group ကုမ္ပဏီကုို ဒေါ်လာအမြောက်အများပေးငှားပေမဲ့လဲ စစ်အစိုးရ သိက္ခာတက်မလာခဲ့ပါဘူး။ ဒိနောက် ၂၀၀၂ ခုမှာ DCI Group ဆုိုတဲ့ အမေရိကန် ကုမ္ဗဏီကုို ရှစ်လတွက် ဒေါ်လာ ၃ သိန်းခွဲနဲ့ ငှားခဲ့ပေမဲ့ နောက်ဆုံး ဒီကုမ္ပဏီနဲ့လဲ စစ်အစိုးရ ခွဲပြဲခဲ့ပါတယ်။

ဒီအခြေအနေတွေကုိုကြည့်ရင် ဦးခင်ရွှေဟာ စစ်အစုိုးရလက်ထက်ကထဲက ဘယ်လောက် အတိုင်အတာထိ အရေးပါနေသလဲ သိသာပါတယ်။

အမေရိကန် ဆန်ရှင်ပြန်ဖွင့်နိုင်ရေး၊ နုိုင်ငံတကာမှာ စစ်အစိုးရ သိက္ခာတက်လာရေးစီမံကိန်းကို တချိန်က OSS ထောက်လှမ်းရေး စစ်ဗိုလ်တွေလုပ်ခဲ့တာမုို့ ဦးခင်ရွှေဟာ ထောက်လှမ်းရေးအဖွဲ့က လက်ရင်းထား အားကုိုးခံခဲ့ရသူ လုပ်ငန်းရှင်ကြီး တဦးဆုိုလဲ မမှားပါဘူး။ ဒီစီမံကိန်းသာအောင်မြင်ခဲ့ရင် ဦးခင်ရွှေဟာ ဒိထက်ပုိုပီး သူကောင်းပြုခံရမှာ ဧကန်ဖြစ်ပါတယ်။ ဒါပေမဲ့ ဒီစီမံကိန်းကုို အနောက်နုိုင်ငံ စာနယ်ဇင်းတွေက ဖော်ထုတ်ခဲ့တဲ့အတွက် ဦးခင်ရွှေပါ စစ်အစိုးရနဲ့အတူ ရောပီး သိက္ခာကျခဲ့ပါတယ်။

ဗိုလ်ချုပ်ခင်ညွန့်လက်ထက်က ဦးခင်ရွှေကို သုံးပီး အမေရိကန်ကို လိမ်ဖို့ ထောက်လှမ်းရေးအဖွဲ့က ကြိုးစားခဲ့တာတွေကို အမေရိကန်မှာ နိုင်ငံရေး ခိုလှုံခွင့်ရသွားတဲ့ ထောက်လှမ်းရေးဟောင်း ဗိုလ်မှူး အောင်လင်းထွဋ်ကလဲ ခုထိ ဖော်ထုတ်ခြင်း မပြုဘဲ ငြိမ်နေပါတယ်။

ဦးခင်ရွှေ ဒေါက်တာဘွဲ့အတု ဘယ်လုိုရသလဲ

စစ်အစိုးရဟာ တဘက်က ဦးခင်ရွှေကုို အသုံးချပီး အမေရိကန် PR ကုမ္ဗဏီတွေနဲ့ သိက္ခာတက်အောင် ကြိုးစားနေချိန်မှာ တဘက်ကလဲ ဦးခင်ရွှေကုို ဒေါက်တာဘွဲ့တခု ရအောင် ဖန်တီးပေးပီး PR ကမ်ပိန်း အရှိန်ရအောင် ကြိုးစားခဲ့တာဖြစ်တယ်လုို့ ဦးခင်ရွှေရတာ ဒေါက်တာဘွဲ့အတုဖြစ်ကြောင်း ဖော်ထုတ်ခဲ့တဲ့ အမေရိကန်တွေဘက်က မြင်ပါတယ်။

ဦးခင်ရွှေဟာ စစ်အစိုးရ သိက္ခာတက်ရေးအတွက် Bain & Associates ကုမ္ပဏီနဲ့ အလုပ်များနေတုံးမှာ ဦးခင်ရွှေကုို အမေရိကန်နုိုင်ငံ ၀ါရှင်တန်တက္ကသိုလ်က ပေးအပ်တဲ့ Business Administration ဆုိုင်ရာ ဂုဏ်ထူးဆောင် ဒေါက်တာဘွဲ့ ချီးမြှင့်တဲ့အခမ်းအနားလုပ်တဲ့အကြောင်း စစ်အစိုးရသတင်းကုို ကုိုးကားပီး အမေရိကန် Washington Post သတင်းစာက ဖော်ထုတ်ခဲ့ပါတယ်။

မြန်မာနုိုင်ငံက ကောလိပ် တက္ကသိုလ်တွေကုို ပိတ်ထားတာ တနှစ်ကျော်နေတဲ့အချိန်မှာ စစ်အစိုးရက ဦးခင်ရွှေသတင်းကုို ထုတ်ပြန်လုိုက်လုို့ ပြည်ပရောက် ဒီမိုကရေစီရေး မြန်မာအတုိုက်အခံတွေလဲ အံ့အားတသင့် ဖြစ်ကုန်ပါတယ်။

စစ်အစိုးရ သတင်းစာတွေအရဆုိုရင် ဦးခင်ရွှေကုို ဒေါက်တာဘွဲ့ပေးတဲ့အခမ်းအနားမှာ အမေရိကန်ပညာရေး ဖောင်ဒေးရှင်းအဖွဲ့ရဲ့ ကမကထနဲ့ ၀ါရှင်တန် တက္ကသုိုလ် ပါမောက္ခ ဒေါက်တာ Carey Rosenthal နဲ့ ၀ါရှင်တန် တက္ကသိုလ် ဂုဏ်ထူးဆောင် သုတေသန ကော်မီတီ ဥက္ကဌ ဒေါက်တာ Jom Lim တုို့ကနေ ပေးအပ်ခဲ့တာလုို့ ဆုိုပါတယ်။

တကယ်တော့ ဦးခင်ရွှေဟာ စစ်တပ်ကနေ တပ်ကြပ်ကြီးအဆင့်က အငြိမ်းစားယူခဲ့သူဖြစ်ပီး အတန်းပညာ အထက်တန်းတောင် မအောင်ခဲ့ဘူးလို့ အမေရိကန် သတင်းစာတွေက ရေးပါတယ်။

မှောင်ခို ဒေါက်တာဘွဲ့အတုဆိုတာ ဖော်ထုတ်နိုင်ပြီ

ဦးခင်ရွှေရဲ့ ဒေါက်တာဘွဲနောက်ကြောင်းကုို အမေရိကန် တက်ကြွလှုပ်ရှားသူတွေက စုံစမ်းဖော်ထုတ်ရာမှာ-

၁။ ဦးခင်ရွှေကုို ဒေါက်တာဘွဲ့ပေးတဲ့ အမေရိကန်နုိုင်ငံ ၀ါရှင်တန်တက္ကသုိုလ်ဆုိုတာ အသိအမှတ်ပြုခံထားရတဲ့ တက္ကသုိုလ်မဟုတ်ဘဲ ဟာဝုိုင်အီကျွန်းမှာ မှတ်ပုံတင်ထားပီး ပင်ဆယ်ဗေးနီးယားပြည်နယ် Bryn Mawr မှာ စာတုိုက်သေတ္တာနံပတ်တခုနဲ့ ဘွဲ့တွေ ရောင်းစားနေတဲ့ တက္ကသုိုလ်အတု ဖြစ်နေတာ တွေ့ရပါတယ်။ ဒေါက်တာဘွဲ့တခုကုို အမေရိကန်ဒေါ်လာ ၃၆၀၀ ကနေ ဒေါ်လာ ၆၀၀၀ ကြားဈေးနဲ့ မှောင်ခိုရောင်းနေတဲ့ တက္ကသိုလ်အမည်ခံ မှောင်ခိုလုပ်ငန်းတခုသာ ဖြစ်ပါတယ်။

၂။ ဒါပေမဲ့ ဦးခင်ရွှေကုို မှောင်ခုို ဒေါက်တာဘွဲ့အတုရောင်းတဲ့ တကယ်မရှိတဲ့ နာမယ်တူ ၀ါရှင်တန်တက္ကသိုလ်ရဲ့ သတင်းကြောင့် အမေရိကန်နုိုင်ငံ St. Louis မှာတကယ်ရှိတဲ့ ၀ါရှင်တန်တက္ကသိုလ်က ကြားကနေ အချောင် နာမယ်ပျက်သွားပါတယ်။ ဒီမှာတင် အမှန်တကယ် တည်ရှိတဲ့ St. Louis ၀ါရှင်တန်တက္ကသိုလ်က ဦးခင်ရွှေ ဂုဏ်ထူးဆောင်ဒေါက်တာဘွဲ့ ရတယ်ဆုိုတဲ့ စစ်အစုိုးရသတင်းဟာ မှားယွင်းကြောင်းနဲ့ အထင်လွဲစရာတွေဖြစ်ကုန်ကြောင်းကြေငြာချက်ထုတ်ပြန်ပီး တရားစွဲဘုို့ ပြင်ဆင်ခဲ့ပါတယ်။

(ပင်ဆယ်ဗေးနီးယားအခြေစိုက် စီးပွားဖြစ်လုပ်စားနေတဲ့ ၀ါရှင်တန်တက္ကသိုလ်အတုကို St. Louis ၀ါရှင်တန်တက္ကသိုလ် အစစ်ကနေ ဦးခင်ရွှေကို ပေးတဲ့ဘွဲ့ကိစ္စနဲ့ ပတ်သက်ပီး Federal District တရားရုံးကနေ တရားစွဲခဲ့ရာမှာ နောက်ဆုံး တရားရုံးပြင်ပမှာ ကျေအေးခဲ့ပါတယ်။ ဒါပေမဲ့ စာတိုက်ပုံးတလုံးနဲ့ မှောင်ခို ဒေါက်တာဘွဲ့တွေ ရောင်းစားနေသူတွေအနေနဲ့ တရားရုံးဆုံးဖြတ်ချက်အရ နောက်နောင် ၀ါရှင်တန်တက္ကသိုလ်အစစ်နဲ့ တခြားအမေရိကန်တက္ကသိုလ်တွေရဲ့ အမည်သုံးပြီ်း စီးပွားမလုပ်နိုင်အောင် ဟန့်တားနိုင်ခဲ့ပါတယ်)  

၃။ ဦးခင်ရွှေကုို မှောင်ခုိုဒေါက်တာဘွဲအတုပေးတဲ့ အမေရိကန်ပညာရေး ဖောင်ဒေးရှင်းအဖွဲ့ဆုိုတာ စင်္ကာပူနုိုင်ငံမှာသာ အခြေစုိုက်တဲ့အဖွဲ့ဖြစ်နေတာ တွေ့ရပါတယ်။

၎။ စစ်အစုိုးရသတင်းစာပါ ဦးခင်ရွှေကုို ဒေါက်တာဘွဲ့အတုပေးတဲ့ ၀ါရှင်တန် တက္ကသုိုလ် ပါမောက္ခ ဒေါက်တာ Carey Rosenthal ဆုိုတာလဲ အမေရိကန်နုိုင်ငံ Philadelphia မှာရှိတဲ့ Drexell တက္ကသိုလ်က ဓါတုဗေဒ ပါမောက္ခဖြစ်နေတာ တွေ့ရပြီး ဦးခင်ရွှေဘွဲ့ပေးဖို့ သူမြန်မာနုိုင်ငံသွားတဲ့စရိတ်ကုို ဦးခင်ရွှေကဘဲ စိုက်ထုတ်ကျခံတယ်လုို့ သိရပါတယ်။

၅။ တကယ်တော့ ဦးခင်ရွှေရတယ်ဆုိုတဲ့ ဂုဏ်ထူးဆောင် ဒေါက်တာဘွဲ့ဆုိုတာ ဘွဲ ဒီဂရီ ပေးခွင့်မရှိတဲ့ အဖွဲ့အစည်းတခုက ပေးတဲ့ မှောင်ခုိုဒေါက်တာဘွဲ့အတုသာဖြစ်ပီး ဒေါက်တာဘွဲပေးတဲ့ ဖြစ်စဉ်တခုလုံးရဲ့ ကုန်ကျစရိတ်တွေကို ဦးခင်ရွှေကဘဲ အကုန်အကျခံတာ ပေါ်လွင်နေတယ်လုို့ ကုိုလံဘီယာတက္ကသိုလ် နုိုင်ငံတကာရေးရာ ပါမောက္ခ Tom Lansner ကပြောပါတယ်။

ခုလို ဦးခင်ရွှေကုို မှောင်ခုို ဒေါက်တာဘွဲအတုရအောင် စစ်အစိုးရက ဘာကြောင့် လုပ်ပေးရသလဲဆုိုရင် ဒေါ်အောင်ဆန်းစုကြည်ကုို နုိုင်ငံတကာက ဂုဏ်ထူးဆောင် ဒေါက်တာဘွဲ့တွေပေးတာ မနာလုိုတဲ့အတွက် ဖြစ်နုိုင်တယ်လုို့ ဦးခင်ရွှေရတယ်ဆိုတဲ့ ဒေါက်တာဘွဲနောက်ကြောင်းကုို ဖော်ထုတ်သူ အမေရိကန် တက်ကြွလှုပ်ရှားသူတွေက မှတ်ချက်ချပါတယ်။

နိဂုံး

ဦးခင်ရွှေဟာ စစ်အစိုးရအကျိုးစီးပွားကုို နာမယ်ပျက်ခံ ဆောင်ကျဉ်းပေးခဲ့သူဖြစ်တဲ့အတွက် ကနေ့ အမျိုးသားလွှတ်တော်မှာ ကြံ့ဖွံ့အမတ်အနေနဲ့ နုိုင်ငံရေးနယ်ပယ်ထိ ဦးသိန်းစိန်အစိုးရက ခွင့်ပြုခဲ့ရတာ ဖြစ်ပါတယ်။ ဒါကြောင့် စစ်အစိုးရ ဒါမှမဟုတ် ဦးသိန်းစိန်အစိုးရဟာ ဦးခင်ရွှေနဲ့ အကျိုးတူဖြစ်နေတာမုို့ ဒီလုို သိက္ခာမဲ့တဲ့ ပြည်သူ့လွှတ်တော်ကုိုယ်စားလှယ်မျိုးကုို အခြေခံဥပဒေ ၂၀၀၈ အရ လွှတ်တော်ကုိုယ်စားလှယ်အဖြစ်က ရပ်ဆုိုင်းပေးပါရန် (recall) မဲဆန္ဒရှင်တွေက စုပေါင်းလက်မှတ်ထုိုးပြီး ရွေးကောက်ပွဲကော်မရှင်ထံ တောင်းဆုိုခွင့်ရှိပါတယ်။