အယ်ဒီတာ့ အာဘော်
အထူးသတိကြီးစွာ ထားရှိရန်လိုအပ်
နယ်ချဲ့သမားများသည် ရခိုင်ပြည်ရှိ အမျိုးသားများနှင့် ရခိုင်ပြည်မြေပေါ်တွင် နယ်ချဲ့တို့လုပ်မည့် ရည်ရွယ်ချက် / စီမံကိန်းများကို မပြု လုပ်ခင်ကတည်းက အစီအမံများ ကြိုတင်ပြုလုပ်ထားပြီး၊ လက်တွေ့လုပ်လျှင်လည်း ကစဉ်ကလျားဖြစ်အောင်ကို လုပ်လာခဲ့သည်မှာ ၁၁၄၆ (၁၇၈၄) ခုနှစ်၊ ဒီဇင်္ဘာလ (၃၁)ရက်နေ့ ရခိုင်ပြည် အချုပ်အခြာအာဏာ မရှုံးခင်ကတည်းကပင် ယနေ့အထိ ဖြစ်ပါသည်။
ကျွန်ုပ်တို့ ရခိုင်လူမျိုးများသည် ဘုရားကျောင်းကန်စေတီပုထိုးတော်၊ အိမ်၊ ရွာ၊ မြို့၊ နိုင်ငံတော် ထူထောင်လာခဲ့သည်ကအစ အတိတ် နမိတ်များကို သေသေသပ်သပ် သတ်မှတ်ရယူပြီး တည်ဆောက်ဖန်တီးလာခဲ့သည့် လက္ခဏာကို အားလုံးအသိပင်ဖြစ်သည်။ ကျွန်ုပ်တို့ ယနေ့ကာလ နဂိုနမူနာကို ပိုမိုပြီး အသုံးချဖို့နှင့် အစမူရင်းကို မေ့မလျောကြဖို့ရန် အထူးသတိကြီးစွာ ထားရှိဖို့ လိုအပ်လာပါသည်။
ရန်သူနယ်ချဲ့များသည် ရခိုင်ရို့၏ မြို့တည်နဂိုတိုင်၊ နိုင်ငံတော် မင်္ဂလာအုပ်မြစ်၊ ခံတပ်၊ ကျောက်စာ၊ သမိုင်း၊ ယဉ်ကျေးမှုအပြင် အစခမ်းသိမ်း တည်ဆောက်ပုံစနစ်များ၊ ဆုတ်တပ် နယ်မြေများကိုပါမကျန် ဖျက်ဆီးလာခံသည်မှာ ယခုနိုဝင်္ဘာလ (၂၄-၂၅)ရက်နေ့က ဘင်္ဂလာသို့ ရောက်ရှိလာသည့် စစ်အုပ်စု၏ ဒုတိယစစ်ခေါင်းဆောင် အကြီးအကဲ စိုးဝင်းနှင့် အပေါင်းအပါများပင် ဖလောင်းချိပ်မြို့ မဟာသိမ်ရင်ပြင်ကြီးရှိ နှစ်ပေါင်း(၁၉၉)နှစ်ကျော်ကြာတည်ရှိသော သမုတ်သိမ်ပတ်လည်၌ နတ်မင်းကြီးလေးပါးအား ယာယီလွဲ ဖြိုခွင်းမှုများ ပြုလုပ်ရန်အတွက် နည်းမျိုးစုံဖြင့် တူးဖေါ်ခဲ့မှုများ ဖြစ်ပေါ်ခဲ့သည်။ ဤသည် ရန်သူက အစိုင်အလာအားဖြင့် ရခိုင်ကိုတိုက်ခိုက် နေသည်မှာ ထင်ရှားမှုတည်း။
ထို့ပြင် ရခိုင်ပြည်ရှိ လက်ရှိနိုင်ငံရေး အနိုင်ရပါတီများဖြစ်သည့် ALD၊ RNDPနှင့် ပြည်ပရခိုင်နိုင်ငံရေးအဖွဲ့တို့ အကြားလည်း ဖြိုခွင်းရန် ပုံစံမျိုးစုံ ဖန်တီးလျှက် ရှိနေသည်ကို တွေ့ရှိရသည်။ ကျွန်ုပ်တို့၏ လူမျိုးနှင့် တိုင်းပြည်ဂုဏ် အင်္ဂါလက္ခဏာများကို တိုးတက်ဖွံ့ဖြိုးပြီး ထိမ်းသိမ်းစောင့်ရှောက်ရန် ကြိုးပမ်းနေကြသည့် ပါတီများအနေဖြင့် မည်သည့်အချိန်အခါမျိုးပင်ရောက်ရောက် အမျိုးသားလုံခြုံရေး သတိကိုအစဉ်တစိုက် လက်ကိုင်ထားရမည့်ကာလဖြစ်ပါသည်။ ရန်သူ့မိုင်းမိနေခဲ့သည်မှာ နှစ်ပေါင်း(၂၂၈)နှစ်သို့ရောက်လာပြီး ဖြစ်သည်။
ဗမာရို့၏ သမိုင်းဦးကာလတွင် သုပညာနဂရာစိန္နမင်း (AD 81)သည် ဒွါရာဝတီမှ စတင်ကျူးကျော်ကာ ၀င်ရောက်လာပြီး မဟာမုနိ ရုပ်ပွားတော်ကို ပင်ဆောင်ရန် ကြိုးပမ်းခဲ့သည်။ ထို့အတူ အနော်ရထာ (AD 1044)တွင် ရခိုင်ပြည်သို့ ကျူးကျော်ဝင်ရောက်ခဲ့သည်ကို တွေ့ရ၏။ အနော်ရထာ၏မြေး အလောင်းစည်သူ လက္ကျာမင်းနန်နှင့် နှမတော် ရွှေကူသာ တို့ကို နန်းတင်ရန် အကြောင်းပြချက်နှင့် ၀င်ရောက်လာခဲ့သော်လည်း မဟာမုနိရုပ်ပွားတော်မြတ် ပေါင်တော်ကို ဖဲ့ယူခြင်းနှင့် ရွှေသားတော်များကို ဖဲ့ခွာယူခြင်းများပြုလုပ် ခဲ့ကြလေသည်။ (ရခိုင်ရာဇ၀င်သစ်ကျမ်း စာ(၃၄၂)ရမ်းဗြဲတောင်ကျောင်း။) ဤမျှလူသားဗီဇာစိတ် အစခမ်းသိမ်းကင်းမဲ့သော နယ်ချဲ့ထက် လွန်စွာ ဆိုးရွားသည့် စစ်အာဏာရှင်စနစ်အတွက်မူ မည်သို့မှ ယုံကြည်စိတ်ချ၍ လုံးဝ (လုံးဝ)ရနိုင်မည် မဟုတ်ပေ။ မိမိတို့အချင်းချင်းက ပိုမို၍ ဂရုတစိုက်ဖြင့် ပါတီနိုင်ငံရေး / တပ်မတော် တော်လှန်ရေးထက် အမျိုးသားအကျိုးစီးပွားအတွက် အမျိုးသားရေးကို ဦးစားပေးလုပ်ရမည့် ကာလဖြစ်သည်။ စစ်အုပ်စု၏ ဖွဲ့စည်းအုပ်ချုပ်ပုံအခြေခံဥပဒေနှင့် ဖိနှိပ်နေခြင်းများမှာ ကျွန်ုပ်တို့အတွက် စည်းလုံးညီညွှတ်မှုကို တည်ဆောက်နေခြင်းဖြစ်သည်ဟု ခံယူထားကာ ရန်သူကို အမြဲတမ်း မျက်ခြေမပြတ် စောင့်ကြည့်ထားရန်လည်း လိုသည်။
နယ်ချဲ့သမားများ၏ အဓိကနယ်ချဲ့ရခြင်းမှာ လူမျိုးပြုန်းတီးအောင် သတ်ဖြတ်မှုသတ်သက်မဟုတ်ဘဲ လူမျိုးနှင့် နိုင်ငံအဖြစ်ရပ်တည် နေသော ယင်း၏ဂုဏ်အင်္ဂါလက္ခာများဖြစ်သည့် မြေပေါ်မြေအောက် သယံဇာတ အမွေအနှစ်နှင့် တန်ဖိုးမဖြတ်နိုင်သည့် ပစ္စည်းဥစ္စာများကို မက်မော၍ဖြစ်သည်။ ယင်း တိုင်းပြည်နှင့် လူမျိုးကို အထူးပြုနေသော သယံဇာတများ ကုန်ခမ်းသွားခဲ့လျှင် ထိုလူမျိုးမှာ အလိုအလျှောက် ပျောက်ကွယ်သွားနိုင်မည် ဖြစ်သည်။ ထို့ကြောင့် ယနေ့ကာလသည် တစိုက်မတ်မတ် ရန်သူနယ်ချဲ့ လှုပ်ရှားမှု၏ အသေးစိပ်ကို မှတ်တမ်းတင်လေ့လာပြီး မိမိတို့ အမျိုးသားအကျိုးစီးပွား လုံခြုံစေဖို့ ဇောင်းပေးလုပ်ဆောင်ကြရန် တင်ပြလိုက်ရပါသည်။
မည်သည့်အဆင့်တွင်မဆို မိမိတို့အမျိုးသားအကြား ညီညွှတ်ရေးနှင့်အတူ ပူးပေါင်းဆောင်ရွက်မှုကို ရယူထားကြရန် လိုအပ်ပါကြောင်း။
ဂစ္ဆပသတင်းဋ္ဌာန
အယ်ဒီတာ
နိုဝင်္ဘာလ (၃၀)ရက်၊ ၂၀၁၁၊ ရခိုင်စံတော်ချိန် နံက် (၉)နာရီ။
No comments:
Post a Comment