<နှစ်ပေါင်း ၂၃၀ ခန့်က ရခိုင်ရှေ့ဟောင်းသင်္ဘောပျက်နှင့် တစေ့တစောင်း

မေ ၂၂ ရက်၊ ၂၀၁၃ (သဇင်ဥ) ဂစ္စပသတင်းဌာန (http://www.gissapa.blogspot.com) ဘင်္ဂလာဒေ့ခ်ျနိုင်ငံ အ၀ကျွန်းခရိုင်အတွင်းရှိ ကံဆိုက်ကျေးရွာအနီးတွင် လွန်ခဲ့သော နှစ်ပေါင်း ၂၃၀ ခန့်က ရခိုင်ပြည်ရေတပ်မတော်၌ အသုံးပြုခဲ့သော ရခိုင်ရေတပ် ရှေ့ဟောင်းသင်္ဘောပျက်တစီးကို ပင်လယ်ကမ်းခြေ မြေအောက်မှ ဖေဖေါ်ဝါရီတွင် တွေ့ရှိခဲ့ပြီး သက်ဆိုင်ရာက ပြီးမြောက်အောင် တူးဖေါ်နိုင်ခဲ့သည်။ အ၀ကျွန်းခရိုင်ရှိ ကံဆိုက် (Kuakata)ကျေးရွာမှ ၃ ကီလိုမီတာ ဝေးကွာသော ပင်လယ်ကမ်းစပ်တခုတွင် ယင်းအား တွေ့ရှိတူးဖေါ်၍ ရရှိပြီးဖြစ်သော်လည်း သက်ဆိုင်ရာက ယင်းရခိုင်သမိုင်းဝင်ရေတပ် ရှေ့ဟောင်းသင်္ဘောပျက်အား ယခုအချိန်ထိ တန်ဖိုးရှိရှိ ထိမ်းသိမ်း စောင့်ရှောက်ခြင်းကို မပြုလုပ်ဘဲ ပစ်ပယ်ထားသည်ကို တွေ့ရသည်။ ယင်းရခိုင်ရှေ့ဟောင်း အမွေအနစ်မှာ အလျား ပေ ၈၀ ခန့်အထိ ရှိနိုင်ပြီး အနံ ပေ ၄၀ ကျော်ထိရှိမည်ဖြစ်ကာ သင်္ဘောကိုယ် အပြင်ဘက်တခုလုံး၌ ကြေးချပ်များကို ကြေးသံမှိုများဖြင့် ရိုက်ခတ်ထားပြီး ကိုယ်ထည်သစ်သားကို ၂ လက္မအထူနှင့် ကြေးချပ်အကြား လက္မခွဲခန့်ထူသော ကြားခံကပ်စေ့များကို ညှပ်ထားပြီး၊ လက်ရှိတူးဖေါ် ရရှိထားသော သင်္ဘောကိုယ်ထည်အမြင့်မှာ ၄ ပုံ ၁ ပုံခန့်မျှသာ ဖြစ်နိုင်ခြေမြင်တွေ့ရသဖြင့် မြေအောက်တွင်မြှပ်နေသော အောက်ခြေအဆင့်သာ တူးဖေါ်ရရှိခြင်းဖြစ်ကာ ၈ လက္မပတ်လည် သစ်တုံးများကို သံမော်လီကြီးများဖြင့် ရိုက်ခတ်ထားသည်ကို တွေ့ရှိရသည်။ ယင်းဒေသမှ ရခိုင်နှင့် ဘင်္ဂလီ တချို့က “သင်္ဘောကိုကြည့်ပြီး ရခိုင်တို့ အ၀ကျွန်းတွင် ရှေ့အကျဆုံးဖြစ်ကြောင်း၊ သင်္ဘောမှ ကြေးချပ်နှင့် သံမှိုများကို ဖဲ့ခွာယူသွားကြသူများ တွေ့နေရကြောင်းနှင့် ရွှင့်သင်္ဘောဖြစ်နိုင်ပြီး ရခိုင်ပြည် ရေတပ်မတော်တွင် အသုံးပြုခဲ့သော သမိုင်းဝင် သင်္ဘောတစီးဖြစ်နိုင်ကြောင်း ထုထည်ကြီးပြီး ရှည်လျားသော ကျောက်ဟားကြိုးကိုကြည့်၍ သိရှိနိုင်ကြောင်း။”ဟု ရှင်းပြကြသည်။ အဆိုပါ သင်္ဘောတူးဖေါ်ခဲ့သော နေရာမှ ယင်းသင်္ဘောကျောက်ဟားကြိုးကြီးအား တွေ့ရှိခဲ့သော်လည်း ရှည်လျားသည့်အတွက် ယနေ့ အချိန်ထိ တူးဖေါ်မရရှိသေးပေ။ ထို့ပြင် ယင်းရခိုင်ရေတပ်သင်္ဘောအား ဘင်္ဂလာအာဏာပိုင်များက ဦးဆောင်တူးဖေါ်ခြင်း မဟုတ်ဘဲ ဘင်္ဂလာဒေ့ခ်ျနိုင်ငံအတွင်းတွင် ပြင်သစ်နိုင်ငံမှ သင်္ဘောဆောက်လုပ်ရေး အင်ဂျီနီယာတဦးဖြစ်သူ အိဖ်မာရိ (Ifmari)က တာဝန်ခံ တူးဖေါ်ခဲ့ခြင်းဖြစ်ကြောင်း ဒေသခံများက ဆိုသည်။ ရခိုင်အမျိုးသားများမှာ ကံဆိုက်ကျေးရွာ (Kuakata)သို့ ကနဦး အခြေချနေထိုင်လာချိန်တွင် သောက်ရေရှားပါးမှုကြောင့် အခက်အခဲ ပေါင်းများစွာရှိခဲ့ရာ သောက်ရေကန်တခု တူးဖေါ်ရာ ယင်းသောက်ရေကန်မှာ ကံဆိုက်ကျွန်း တခုလုံး ပြည့်လျှံစွာ အသုံးပြုခံသောကြောင့် ယင်းတွင်းရေကို အမည်တွင်ကာ ရေငတ်ဘေးမှ လွတ်မြောက်၍ အသက်ဆက်ရမည့် ကံဆိုက်သည်ဟုဆိုကာ ကျေးရွာအမည်ကို ကံဆိုက် ဟူ၍ပေးတွင်ခဲ့ကြောင်း သိရှိရသည်။ ယခုအခါ တခြားဒေသမှ ဘင်္ဂလာဒေ့ခ်ျနိုင်ငံသားများနှင့် တချို့နိုင်ငံမှ ခရီးသည်များမှာ ကံဆိုက်ကျေးရွာသို့ မကြာခဏ အလည်အပတ် လာရောက်ကြည့်ရှုလေ့လာသူများ တဖြည်းဖြည်း များပြားလာနေကြောင်း ဒေသခံများက ဆိုသည်။ ဘင်္ဂလာ အစိုးရက ကံဆိုက်ကျွန်းကို ၂၀၀၉ ခုနှစ်ကစတင်၍ ပင်လယ်ကမ်းနားမြို့အဖြစ် သတ်မှတ်ပေးပြီး တိုင်းရင်းသား ရခိုင်ဒေသခံကျေးရွာသားများအတွက် ဆိုင်တန်းနှင့် အဆောက်အအုံတချို့ လုပ်ဆောင်းပေးခဲ့သည်။ အ၀ကျွန်းတွင် ကျွန်းကြီးစုစုပေါင်း ၆ ကျွန်းရှိပြီး ယင်းတို့မှာ မော်ဒုတ်ပီကျွန်း၊ တိယာခါးလီ၊ ဘောဂျီ၊ ဧည့်လာ၊ ကံဆိုက်နှင့် အရှေ့ဘက်ကျွန်းဟု၍ ဖြစ်ကြကာ ရခိုင်အမျိုးသားများ ပထမဦးဆုံး အခြေချနေထိုင်ခဲ့သော ကျွန်းမှာ မော်ဒုတ်ပီကျွန်း ဖြစ်သည်။ ရခိုင်များမှာ မော်ဒုတ်ပီကျွန်းမှတဆင့် တခြားကျွန်းများကို တဆင့်ချင်းစီ နေထိုင်လာခဲ့ခြင်းဖြစ်သည်။ ကံဆိုက်ကျေးရွာတွင် သီရိမင်္ဂလာအမည်ရှိ ဘုန်းတော်ကြီးကျောင်းအတွင်း လွန်ခဲ့သော ၁၂၈၇ ခုနှစ်က ဘုန်းတော်ကြီး ဦးခေမာနှင့် ကျေးရွာသားများက ဦးဆောင်ပြီး ၅ ပေခွဲရှိ ထိုင်တော်မူ ကြေးဆင်းတု တဆုရှိပြီး အဆိုပါကြေးဆင်းတုမှာ ရှေ့ဟောင်းသမိုင်းဝင် လက်ရာမြောက်ကာ အထူးသပ္ပယ်ကြောင်း တွေ့ရှိရသည်။ ယင်းကျောင်းတွင် သံကျောက်အပါအ၀င် ဘိလပ်မြေဖြင့် သွန်းလုပ်သော ၄ ပေခွဲရှိ ထိုင်တော်မူတဆူကို ယခုလဒုတိယအပတ်က စာရေးသူကိုယ်တိုင်လိုက်ပါ၍ တည်ထားပြီးလျှက်ရှိနေပြီး ဇွန်လအစောပိုင်းတွင် ဆေးရောင်များသုတ်၍ စတင်ကိုးကွယ်မည်ဖြစ်ကြောင်းနှင့် တခြားဗုဒ္ဓဘာသာဝင်များ၏ ထုံးတမ်းအစဉ်အလာအရ ဆည်းကပ်မည့် ရုပ်လုံးတော်များ တည်ဆောက်မည်ဖြစ်ကြောင်း ရွာသားများက ဆိုသည်။ ရခိုင်ပြည် အချုပ်အခြာအာဏာ ကျဆုံးသော ရခိုင်သက္ကရာဇ် ၁၁၄၆ နောက်ပိုင်း ရခိုင်အမျိုးသားများမှာ ဘင်္ဂလား အ၀ကျွန်းသို့ လှေကြီးနှင့် ရေတပ်သင်္ဘောများဖြင့် အကြိမ်ကြိမ်သွားရောက် တိမ်းရှောက်ခဲ့ကြသည်။ ယင်းဒေသသို့ ရခိုင်အမျိုးသားများ စတင်ရောက်ရှိပြီးနောက်ပိုင်း ဒေသတောရိုင်းတိရိစ္ဆာန်များနှင့် ယင်းသို့ ၁၉၅၇ ခုနှစ်မှ စတင်ခဲ့သော မုန်တိုင်းများကြောင့် သေကြေပျက်စီး ဆုံးရှုံးမှုများမှာ ယခုအချိန်ထိ ကိုယ်တွေ့မျက်မြင် ရှိနေပေသည်။ ယင်းသို့စတင်ရောက်ရှိပြီး အခြေချ နေထိုင်လာခဲ့သော ရခိုင်လူမျိုးများ၏ လယ်မြေနှင့် ရှေ့ဟောင်းသမိုင်းဝင် ဘုရားဇာတိပုထိုးကျောင်းတော်များမှာ မတရားသဖြင့် လုယူဖျက်ဆီးသိမ်းကျူးခံရမှုများဖြင့် ရင်ဆိုင်လျှက် ရှိနေသည်။ ယင်းလွန်ခဲ့သော နှစ်များက အ၀ကျွန်းနယ်မြေအတွင်း အိမ်ခြေအမြောက်အများဖြင့် ရခိုင်ကျေးရွာပေါင်း ၁၄၀ ကျော်ရှိခဲ့သော်လည်း ယခုအခါ တဆယ်ကျော်အိမ်ခြေတို့ဖြင့် ကျေးရွာ ၄၄ ရွာအမည်ခန့်သာ တည်ရှိနေပြီး များမကြာမီ လုံးဝပျောက်ကွယ်သွားနိုင်မည့် အခြေအနေဖြင့် ရင်ဆိုင်နေရကြောင်း လေ့လာတွေ့ရှိရသည်။ ယင်းဒေသမှ ကျေးရွာသားအများအပြားမှာ ဗုဒ္ဓဘာသာနိုင်ငံဖြစ်သော မြန်မာနိုင်ငံသို့ အခြေအနေနှင့်အညီ အသုတ်လိုက်ပြောင်းရွေ့မှုများ မုန်တိုင်းစတင်ခဲ့သော နှစ်များကတည်းက ယခုအချိန်ထိ ရှိနေသည်။ ယခုအခါ ရခိုင်ရှေ့ဟောင်းအမွေအနစ်ဖြစ်သော ရခိုင်ပြည်ရေတပ်သင်္ဘောဟောင်း ကိုယ်ထည်တွင် ကပ်လျက်ရှိသော ကြေးပြားနှင့် ကြေးသံမိုများ တစတစ ပျောက်သွားလာနေကြောင်းနှင့် ယင်းကို ရှေ့ဟောင်းအမွေအနစ်အဖြစ် တနစ်တကျ ထိမ်းသိမ်းစောင့်ရှောက် ခြင်းမရှိဘဲ တူးဖေါ်ရရှိသော ပင်လယ်ကမ်းတွင်သာ ထားရှိသောကြောင့် ၁၅ ရက်နေ့က တိုက်ခတ်ခဲ့သော မဟာစင် မုန်တိုင်းကြောင့် ပြန်လည်၍ ပင်လယ်သဲများနှင့် ရေများလွှမ်းသွားခဲ့ပြန်သည်။ အ၀ကျွန်းဒေသတွင် တခြားတချို့သောနိုင်ငံဒေသများအတွင်း ရှာဖွယ်မတွေ့ရှိရသော ကျေးငှက်စသော တောတိရိစ္ဆာန်မျိုးစုံ ပေါများလွန်းပြီး ဆင်မှာ လုံးဝမရှိဟု ဒေသခံများက ဆိုသည်။ ="fullpost">