နှစ်ပွင့်ဆိုင် တွေ့ ဆုံဆွေးနွေးပွဲမှသည် ငြိမ်းချမ်းရေးမုဒ်ဦးဆီသို့ 

မည်သို့ ပင်ဆိုစေ ရုပ်သေးသမတ ဦးသိန်းစိန်အစိုးရက စစ်အစိုးရထက် လူထုပါးစပ်ဖျား သတင်းတွေ ထွက်လာသည် ။ အဓိကမှာ ဒေါ်အောင်ဆန်းစုကြည်နင့် တွေ့ ဆုံသည့်အခါ ဗိုလ်ချုပ်အောင်ဆန်း ဓါတ်ပုံရှေ့မှာ ရိုက်ပြထားလိုက်ခြင်းကြောင့်ဖြစ်သည်။ ရှေ့တွင် မည်သို့ ဆောင်ရွက်မည်ဟု စောဒကတက်စရာတွေ ရှိလာနိုင်ကောင်းသော်လည်း တခုခုတော့ လုပ်ပြလိုက်ခြင်းက အကျိုးကျေးဇူး ဖြစ်လာခြင်းပင် ။ ဤအခွင့်အရေးကို ရှေ့ဆက်ပြီး ထိမ်းသိမ်းသွားစေချင်သည်။ စီးပွါးရေးအလုပ်ရုံဆွေးနွေးပွဲ အပြီး ယင်းဆွေးနွေးချက်များမှ ပညာရပ်များကို အကောင်အထည် ဖေါ်ဆောင်ခြင်း မဆောင်ခြင်းမှာ သူတို့ အပိုင်းဖြစ်သည်။ ယင်းဆွေးနွေးပွဲ အပြီး နိုင်ငံရေးအလုပ်ရုံ ဆွေးနွေးပွဲကိုလည်း ရှေ့ဆက်ပြုလုပ်သွားစရာရှိသည်ဟု အသံတွေ ကြားလိုက်ရသည်။ ပဋိပက္ခများရှိရာအရပ်မှာ အဖြေရှာ တွေ့ ဆုံဆွေးနွေးခြင်းများကို ထာဝစဉ်ပြုလုပ်နိုင်ခြင်းသည် တန်ဖိုးအရှိဆုံးဖြစ်သည်။ ထို့ ကြောင့် နိုင်ငံရေးဆွေးနွေးပွဲ အလုပ်ရုံကို ပြုလုပ်မည် ဆိုလျှင် ကောင်းသည်ဟု ပထမဦးစွာ လက်ခုပ်လက်ဝါး တီးပေးချင်သည်။ သို့ သော် ချက်ချင်းလတ်တလော ကြိုဆိုခြင်းတော့ မလုပ်ချင် ။ အကြောင်းမှာ ကြိုဆိုပါသည်ဟု ပြော၍မဆုံးမှီ အဖျားရှူးပြီး ပြသနာတွေ တပုံတခေါင်းနှင့် ဖြစ်နေသော အရာတွေက ရှေ့မှာ တသီတတန်းကြီး ရှိနေခဲ့  ပြီ ။ မည်သို့ ပင်ဆိုစေ ဤကိစ္စကို ဆွေးနွေးလိုသည်။

 

  မြန်မာနိုင်ငံ၏ နိုင်ငံရေး ဇတ်ခုံတွင် ဇတ်ကောင်များမှာ အစီအရီ ရှိနေကြသည်။ ရှေးဦးစွာ ပြောရမည်ဆိုလျှ င် သမတဦးသိန်းစိန် အစိုးရသည် ပြည်သူ့ လွှတ်တော်မှ အသိအမှတ် ပြုထားသော အစိုးရတရပ်ဖြစ်သည်။ ဒုတိယအုပ်စုမှာ လက်နက်ကိုင်တပ်မတော်ကို ချုပ်ကိုင်ထားသော ဗိုလ်ချုပ်မှူးကြီး မင်းအောင်လှိုင် အုပ်စုဖြစ်သည်။ တတိယအုပ်စုမှာ ဒေါ်အောင်ဆန်းစုကြည် ဦးဆောင်သော အမျိုးသားဒီမိုကရေစီအဖွဲ့ ချုပ်ဖြစ်သည်။ စတုတ္တအုပ်စုမှာ ပြည်ပမှ ဒီမိုကရေစီ အတိုက်အခံ အုပ်စုအသင်းအပင်းများ ဖြစ်သည်။ ယင်းအုပ်စုလေးမျိုးလေးစားမှာ နိုင်ငံရေးအရ ဆက်စပ်နေ နှီးနှောနေ ရောထွေးယှက်တင်နေ ကြသည်ချည်းဖြစ်သည်။ သို့ သော် ယင်းလေးအုပ်စုစလုံးသည် တချိန်တည်းမှာ တွေ့့ ဆုံဆွေးနွေး၍ အဖြေရှာခြင်းမျိုးကို ပြုလုပ်၍မရ ။လူများ၍ ပွဲမစည်ဆိုသလို ဖြစ်နေသည်။ စင်စစ်အားဖြင့် လူများ၍ ပွဲမစည်ဆိုသလို  ပွဲစည်ရန်လည်း ယခုထက်ထိ မဆောင်ရွက်ခြင်းက ပြသနာဖြစ်နေသည်။ ယခုအချိန်တွင် ရုပ်သေးသမတဦးသိန်းစိန်က ဒေါ်အောင်ဆန်းစုကြည်နှင့် လက်ပွန်းတတီး စကားစမည် ပြောဆိုနိုင် ရီမောနိုင်ခြင်းမှာ ကောင်းသောမြင်ကွင်းတရပ်ဖြစ်သည်။

  သို့ သော် ဒေါ်အောင်ဆန်းစုကြည်၏ မင်္ဂလာခရီးမှာ အမျိုးသားဒီမိုကရေစီအဖွဲ့ ချုပ်၏ အထွေထွေ အတွင်းရေးမှူး အဖြစ်နှင့် သွားရောက်ခြင်းလားဆိုသည်ကို သမတဦးသိန်းစိန်တို့ ၏ အသိအမှတ်ပြုခြင်းကသာ အဆုံးအဖြတ်ပေးနိုင်လိမ့်မည်ဖြစ်သည်။ ထို့ ကြောင့် အဓိပ္ပါယ်ရှိသော မင်္ဂလာခရီးဖြစ်ချင်၍ သမတဦးသိန်းစိန်ကို အကြံပြုချင်လာသည်။ အကြောင်းမှာ မြန်မာနိုင်ငံ၏ နိုင်ငံရေးအကြပ်အတည်း ဖြစ်နေသောပဋိပက္ခများကို ရှိနေသည်ဟု ဦးသိန်းစိန်အစိုးရက လက်ခံထားဖို့ လိုနေသည်။ ဤအကြပ်အတည်းကို မည်သို့ ကုစားမည်နည်း ဆိုခြင်းမှာ အဖြေရှာခြင်းဖြင့် နည်းလမ်းများကို ဆန်းစစ်ကြည့်ရန်လိုသည်။ ကျွန်တော့်အနေဖြင့် တိုက်တွန်းချင်သည်မှာ ပထမဦးစွာ နှစ်ပွင့်ဆိုင် တွေ့ ဆုံဆွေးနွေးရန် ပြုလုပ်သင့်သည်ဟု ထင်သည်။ ဤထင်မြင်ချက်ကို တစိုက်မတ်မတ် ကျွန်တော် ပြောနေ ရေးနေ ဆွေးနေ နေဖြစ်သည်။ လက်ရှိပကတိ အနေအထားအရ ပြည်သူ့ လွှတ်တော်မှ ရွေးချယ်တင်မြှောက်ထား
သော ဦးသိန်းစိန်အစိုးရမှာ နိုင်ငံတော်တည်ငြိမ်အေးချမ်းရေးကို ဆောင်ရွက်စီမံရမည့် အနေအထား ရှိနေသည်။ တာဝန်ကလည်း ရှိနေသည်။ နိုင်ငံရေးစနစ် အခြေခံမကောင်းသောကြောင့် စီးပွါးရေးချွတ်ချုံကျနေမူကို လောလောလတ်လတ် ဆွေးနွေးပြီးခဲ့ ပြီ ။ စီးပွါးရေးစနစ်ကောင်းမှ တိုင်းပြည်တိုးတက်နေမည် ဖြစ်သည်ကိုလည်း ခန့် မှန်းနိုင်ကြပြီ ။ သည်တော့ နိုင်ငံရေးစနစ် မကောင်းခြင်းကို တိုးတက်ကောင်းမွန်ရန် ဦးသိန်းစိန် ဦးဆောင်သော အစိုးရနှင့် ဒေါ်အောင်ဆန်းစုကြည် ဦးဆောင်သော အမျိုးသားဒီမိုကရေစီအဖွဲ့ ချုပ်တို့ မှာ နှစ်ပွင့်ဆိုင် တွေ့ ဆုံဆွေးနွေးပွဲကို ပထမဦးစွာ ပြုလုပ်ရန်လိုသည်။

      သွားလေသူ ဗိုလ်ချုပ်စောမောင် ပြောသလို  စစ်အစိုးရက တဦးတည်း -လူမျိုး-၁၃၅-မျိုးက အများကြီး ဆိုပြီး ပြသနာတွေ ဖြစ်လာနိုင်စရာ အခုအချိန်မှာ ရှိလာမည်မထင် ။  ပြသနာက ဒေါ်အောင်ဆန်းစုကြည်နှင့် ဦးသိန်းစိန် အစိုးရက နှစ်ပွင့်ဆိုင် တွေ့ဆုံဆွေးနွေးခြင်းသည် ပကတိ မျက်မှောက် နိုင်ငံရေးအရ လိုအပ်ချက်ဖြစ်သည်။ ၁၉၉၀- ခုနှစ် ရွေးကောက်ပွဲရလဒ်ကို အသိအမှတ်ပြုခြင်း မပြုခြင်း ၊ အာဏာလွှဲပြောင်းပေးခြင်း မပေးခြင်း တို့ မှာ ယင်းဆွေးနွေးပွဲက အကောင်းဆုံး အဖြေထုတ်ရှာနိုင်ကြမည်ဖြစ်သည်။ ယင်းတွေ့ ဆုံဆွေးနွေးပွဲ အပြီးမှ သဘောတူ ဆုံးဖြတ်ချက်များမှာ အခြားလွှတ်တော်ပြင်ပ နိုင်ငံရေးပါတီများကို အမျိုးသားဒီမိုကရေစီအဖွဲ့ ချုပ်က တွေ့ ဆုံဆွေးနွေးခြင်းဖြင့် ပြီးမြောက်သွားမည်သာဖြစ်သည်။ တခုတော့ ရှိသည် ။ လွပ်လပ်ပွင့်လင်းသော နိုင်ငံရေးရပ်ကွက်တခုကို ဖန်တီးပေးရန် သို့ မဟုတ် နိုင်ငံရေးအခင်းအကျင်းတရပ်ကို ဖန်တီးနိုင်စွမ်းတော့ သတ္တိ ရှိရန် နှစ်ဖက်စလုံးက ပြုလုပ်ပေးမှ ဖြစ်လိမ့်မည်ထင်သည်။ ပြောချင်သည်မှာ ဒီမိုကရေစီစံနုံး ရရှိစေလိုခြင်းဖြစ်သည်။

  နှစ်ပွင့်ဆိုင် တွေ့ ဆုံဆွေးနွေးပြီးမှ အဖြေရရှိခဲ့ ကြပြီဆိုလျှင် အခြားနိုင်ငံတကာရောက် ဒီမိုကရေစီ အတိုက်အခံများနှင့် တွေ့ ဆုံဆွေးနွေးရေးလမ်းစကို ဖန်တီးရန်လိုပါသည်။ သို့ မှသာ တွေ့ ဆုံဆွေးနွေးရေး ဆိုသည်မှာ ခရီးစဉ်များ ချောမွေ့ ပြီး ဖြောင့်ဖြုးသာယာနေပေလိမ့်မည်ဖြစ်သည်။ တဖက်က နိုင်ငံရေးအရ နှစ်ပွင့်ဆိုင် တွေ့ ဆုံဆွေးနွေးပြီးချိန် လက်နက်ကိုင် ပဋိပက္ခပြသနာများကို ဖြေရှင်းနိုင်ရေးအတွက် စစ်ဖက်ဆိုင်ရာ အကြီးအကဲများက ဆွေးနွေး အဖြေရှာထားကြရန်လည်း လိုအပ်နေသည်။ ဗိုလ်ချုပ်မှူးကြီး မင်းအောင်လှိုင် ဦးစီးသော ကာကွယ်ရေးပိုင်းဆိုင်ရာ အုပ်စုနှင့်  သမတ ဦးသိန်းစိန် ဦးဆောင်သော အရပ်သားအစိုးရ အပါအ၀င် နှစ်ပွင့်ဆိုင် တွေ့ ဆုံဆွေးနွေးခဲ့ သော ဒေါ်အောင်ဆန်းစုကြည် ဦးဆောင်သည့်  အမျိုးသား ဒီမိုကရေစီ အဖွဲ့ ချုပ်တို့ မှာ ဒုတိယအကြိမ်မြောက် တွေ့ ဆုံဆွေးနွေးရမည့် အကြောင်းအရာဖြစ်သည်။ ယင်းမှာ ယခုလက်ရှိ မည်သူက အာဏာလက်ကိုင်ထားသည်ကို မည်သူမျှ ခန့့် မှန်း မသိရ၍ဖြစ်သည်။ 

၂၀၀၈- ဖွဲ့ စည်းအုပ်ချုပ်ပုံ အခြေခံ ဥပဒေအရ ပြောရလျှင် နိုင်ငံတော်အာဏာကို မည်သည့်အချိန်မဆို စစ်တပ်မှ သိမ်းနိုင်ခွင့် ရှိသည်ဟု ဖေါ်ပြထားရာ ဗိုလ်ချုပ်မှူးကြီး မင်းအောင်လှိုင်မှာလည်း ဤနေရာတွင် မေ့လျော့ထား၍ ရသည့် လူတန်းစားမျိုး မဟုတ်။ မည်သို့ ပင်ဆိုစေ နိုင်ငံရေးအလုပ်ရုံဆွေးနွေးပွဲ မျိုးကို ပြုလုပ်ချင်သည်ဟု ဆိုကတည်းက နိုင်ငံရေးပြသနာ ရှိနေသည်ဆိုခြင်းကို လက်ခံထား၍ ဖြစ်သည်။ နိုင်ငံရေးအကျဉ်းသားများမှာ  အကျဉ်းထောင်ထဲ၌-၂၀၀၀- ကျော်ရှိနေသမျှ နိုင်ငံရေးအကြပ်အတည်းပြသနာမှာ မည်သည့်အချိန်မျှ ဖြေရှင်း၍ မရ ။ ယင်းပုဂ္ဂိုလ်တို့ ကို ဆောလျင်စွာ လွှတ်ပေးရန်လိုသည်။ သို့ အတူ တိုင်းရင်းသားနယ်မြေများတွင် ထိုးစစ်ဆင်နေသမျှ သေနတ်သံမစဲသမျှ ငြိမ်းချမ်းရေးလည်း ဘယ်တော့မှ မရ ချေ ။ ထို့ ကြောင့် အမြန်ဆုံး နှစ်ပွင့်ဆိုင် တွေ့ ဆုံဆွေးနွေးပွဲကို ပြုလုပ်သင့်ကြောင်း ထင်မြင်ယူဆသည်။ သို့ မှသာ  နှစ်ပွင့်ဆိုင် တွေ့ ဆုံဆွေးနွေးပွဲမှသည် ငြိမ်းချမ်းရေးမုဒ်ဦးဆီသို့  လှမ်းတက်လာနိုင်မည်ဖြစ်ကြောင်း ယုံကြည်မိပါသည်။

ခိုင်အောင်ကျော် ( နယူးယောက် )