ဂစ္ဆပသတင်းဋ္ဌာန
သြဂုတ်လ (၂၃)ရက်၊ ၂၀၁၁၊ ညနေ (၄)နာရီ။
http://www.gissapa.blogspot.comhttp://www.freerakhaing.blogspot.com
မြန်မာ-ဘင်္ဂလာ JWG တတိယအကြိမ်မြောက် ဆွေးနွေးပွဲပြီးဆုံး
မြန်မာ-ဘင်္ဂလာ နှစ်နိုင်ငံကြား စီးပွားရေးဆိုင်ရာ ပူးပေါင်းလုပ်ငန်းအဖွဲ့ (Join Working Group-JWG)အနေဖြင့် အကျိုးတူ တိုးမြင့် လုပ်ဆောင်နိုင်ဖို့အရေး တတိယအကြိမ်မြောက် ဆွေးနွေးပွဲတရပ်ကို ကော့စ်ဘဇားမြို့ Long Beach ဟိုတယ်ခန့်မတခု၌ တနင်္လာနေ့ နေ့လည်(၂)နာရီတွင် ကျင်းပပြုလုပ်ခဲ့ကြောင်း သတင်းရရှိသည်။
JWG အဖွဲ့ဝင်များ Long Beach ဟိုတယ် ကော့စ်ဘဇားမြို့တွင် ဆွေးနွေးနေကြပုံ။
နှစ်နိုင်ငံ စီးပွားရေးဆိုင်ရာ တိုးမြင့်ဆောင်ရွက်နိုင်ဖို့အရေး JWG ဆွေးနွေးပွဲသို့ မြန်မာမှ အဖွဲ့ဝင် ၁၂ ဦးနှင့် ဘင်္ဂလာမှ တာခ်နာမြို့နယ် အကြီးအကဲ အာ နော် မော် နာဇိမ် အူဒိန် (UNO) ဦးဆောင်၍ အဖွဲ့ဝင် ၁၄ ဦး စုစုပေါင်း ၂၆ ဦးတို့ တက်ရောက်ဆွေးနွေးနေကြသည်ဟု သိရှိရသည်။
JWG ဆွေးနွေးပွဲတွင် ဘင်္ဂလာမှ နှစ်နိုင်ငံ စီးပွားရေးအရ ဆက်ဆံရေးတွင် ဘာဏ်အစီအစဉ် လုပ်ထုံးလုပ်နည်းများနှင့် ကော့စ်ဘဇားမှ ရခိုင်ပြည်နယ် စစ်တွေမြို့- စစ်တွေမှ ရန်ကုန်နှင့် ရန်ကုန်မှ ဒက္ကား-ကော့စ်ဘဇားမြို့ လေဆိပ်များသို့ လေလိုင်းဖြင့် သွားလာနိုင်အောင် အဓိကထား ဆွေးနွေးခဲ့ပြီး ကျောက်၊ ဆန်စပါး၊ ငါး၊ သစ်နှင့် တခြားကုန်ပစ္စည်းများကို တင်ပို့ရန် ဆွေးနွေးခဲ့ကြောင်း သိရှိရသည်။
မြန်မာဖက်မှ ကိုယ်စားလှယ်များ အနေဖြင့် ဘင်္ဂလာထုတ် ဓါတ်မြေသြဇာ၊ စားဆီ၊ ဆေးဝါးနှင့် အယ်လူမီနီယံတို့ကို တင်ပို့ရန် အဓိကဆွေးနွေး ခဲ့သည်ဟု သိရှိရသည်။
ဘင်္ဂလာဒေ့ခ်ျနိုင်ငံ အစိုးရ အနေဖြင့် ၎င်းတို့၏ ပြည်သူလူထုများအတွက် မြန်မာနိုင်ငံမှ တင်ပို့ကုန်များကို ၁၉၉၇ ခုနှစ် ကတည်းက ၀ယ်လိုအားကောင်းမှု ကြီးမားလာခဲ့သည်မှာ ယနေ့အချိန်ထိဖြစ်သည်။ မြန်မာတင်ပို့ကုန်များကြောင့် ဘင်္ဂလာ နိုင်ငံတော်ဝင်ငွေမှာ တာကာငွေ ကုဋေ (၂၀၀)ကျော်ထိ နှစ်စဉ်နှစ်တိုင်း ရရှိနေကြောင်း သတင်းများအရ သိရှိရသည်။
မြန်မာစစ်အုပ်စု အနေဖြင့် ဘင်္ဂလာမှ ကုန်ပစ္စည်းဝယ်လိုအားကြီးမှုကို တွက်ချက်၍ မြန်မာ့ထွက်ကုန်များကို ကမ္ဘာ့ဈေးကွက် ပေါက်ဈေးအတိုင်း တင်သွင်းနိုင်ရန် စီးပွားရေးကျားကွက်ကို မိမိပြည်သူ စီးပွားရေးသမားများနှင့် လွတ်လွတ်လပ်လပ် ထင်သာမြင်သာ ရှိမှု အဓိက အရေးကြီးသည်။ ပြည်သူများကို လွတ်လပ်စွာ စီးပွားရေးလုပ်ကိုင်နိုင်အောင် လမ်းဖွင့်ပေးဖို့ အရေးကြီးလာသည်။
No comments:
Post a Comment