မြန်မာ စစ်အုပ်စု လက်ဝေခံ ခေတ်ပျက်သူဌေး ဘူဇွာစောအောင်၏ စေတနာအဆိပ်သင့်နေသော မလေးရခိုင်လူထုကံကြမ္မာ

မြန်မာ စစ်အုပ်စု လက်ဝေခံ ခေတ်ပျက်သူဌေး ဘူဇွာစောအောင်၏ စေတနာအဆိပ်သင့်နေသော မလေးရခိုင်လူထုကံကြမ္မာ

မြန်မာ စစ်အုပ်စု လက်ဝေခံ ခေတ်ပျက်သူဌေး ဘူဇွာစောအောင်၏ စေတနာအဆိပ်သင့်နေသော မလေးရခိုင်လူထုကံကြမ္မာ
အောင်ရဲလင်း စစ်တွေ၏ ဟစ်တိုင်တွင်ဖော်ပြထားသော Capitalist ကြုိးကိုင်လာမည့် မလေးရှားရခိုင် ဒုက္ခသည်ရုံးများ ဆောင်းပါးကိုဖတ်ရချင်း ထပ်ဖြည့်ရေးဖို့ စိတ်ကူးရလိုက်သည်။ ထပ်ဖြည့်ဆိုသည်ထက် ပီပြင်သော ဘူဇွာစောအောင်၏ ပုံပန်းကို ဖော်ထုတ်ဖို့သာဖြစ်သည်။

- ဘူဇွာစောအောင်ဆိုသူဟာ ဘယ်လိုလူစားလဲ ?
- ဘူဇွာစောအောင် လောလောဆည် လုပ်ကိုင် ဆောင်ရွက်နေတာတွေက ဘာတွေလဲ ?
- သူ့လုပ်ငန်း၊ ဆောင်ရွက်ချက်တွေရဲ့  ဦးတည့်ရာ ပစ်မှတ်တွေက ဘာတွေလဲ ?

သာမန်တောရွာသားတစ်ဦးအဆင့်က နိုင်ငံတခု၏ ထိပ်တန်းချမ်းသာသူများစာရင်းဝင်သည်အထိ အချိန်တိုအတွင်း ကြီးပွါးလာခဲ့သူ ဘူဇွာစောအောင်၊ သွေးရိုးသားရိုးအတိုင်းကား မဟုတ်၊ မဆလခေတ်က မြန်မာပြည်တွင် စတင်ခဲ့သည့် ပေါ်ပင်စကားအတိုင်း အကပ်ကောင်းလို့သာဖြစ်သည်။ အကပ်မှ စောအောင်အကပ်က သွေးနှင့်ရင်းခဲ့ရသော အကပ်မျိုးဖြစ်နေသည်။ (၁၉၈၈) နှစ်မှ (၂၀၀၆) နှစ်အထိ ဗိုလ်ချုပ်ခင်ညွန့်ခေတ်တွင် သူ့ညီအရင်းခေါက်ခေါက် ကို ခင်မောင်သန်း (ခ) ခိုင်စင်္ကြာ မှာ ထိုအချိန်က ဗိုလ်ရာဇာ၏ ရခိုင့်တပ်မတော် ( Arakan Army = AA) တွင် တပ်သားတစ်ဦးဖြစ်ခဲ့ပြီး၊ (၁၉၉၇) ခုနှစ်တွင် ဗိုလ်ရာဇာ ဦးဆောင်သော ရခိုင်အမျိုးသား တော်လှန်ရေးကို သစ္စာဖောက်ပြီး ဗိုလ်ချုပ်ခင်ညွန့် အပါးတော်သို့ လျှိုဝင်ရောက်ရှိနိုင်အောင် စောအောင်က လမ်းခင်းပေးခဲ့ပြီး။ နောက်ဆုံး ဗိုလ်ရာဇာ၏ (၁၉၉၁)ခုနှစ်၊ ရန်ကြီးကျော်စစ်ကြောင်း (၁) ချီတက်ရာလမ်းကြောင်း အသေးစိတ်ကို ခင်ညွန့်ထံသို့ အတိကျ သတင်းပို့ပေးခဲ့သည်။ ဤအတွက် စောအောင် အကွက်စပေါ်ပြီး မင်းပါးစိုးခွင် ကပ်ဝင်ခိုမှီ၍ အလုပ်တွေ စဖြစ်လာခဲ့သည်။ စောအောင်ကား သူ့အပြောအရ နိုင်ငံရေးကို လုံးဝစိတ်ပါဝင်စားခြင်းမရှိသဖြင့် နိုင်ငံရေး၊ တော်လှန်ရေးသမားများနှင့် ခပ်စ်ိမ်းစိမ်းနေလာခဲ့သူသာ ဖြစ်သည်ဆို၏။ တဖက်က (မင်သေသေနှင့် ထိုသို့ပြောပြီး) ပတ်ဝန်းကျင်ကို အာရုံလွှဲထားနိုင်လေ သူနှင့် သူ့မိန်းမတို့ပိုင်ဆိုင်သည့် ဒေါင်းမင်းကုမ္ပဏီအတွက် လုပ်ကွက်ကောင်းတွေ ပေါ်လာလေဖြစ်ခဲ့သည်။ ပြည်တွင်းပြည်ပ နှစ်ဖက်ခွ၍ လုပ်နိုင်လာသည်။ မဆလ အာဏာရှင်ဟောင်း ဗိုလ်ချုပ်ကြီးနေ၀င်း သမီးဒေါ်စန္ဒာဝင်းနှင့်တွဲဖက်ပြီး ဘိန်းမှောင်ခိုလုပ်ငန်းမျိုးအထိ လုပ်ကိုင်လာခဲ့သည်၊ နောက်ပိုင်း နေ၀င်းသားမက်နှင့် မြေးများ နိုင်ငံတော် သစ္စာဖောက်မှုဖြင့် အထိမ်းသိမ်းခံပြီးနောက်တွင် ဗိုလ်ချုပ်ခင်ညွန့်၏ သမီးနှင့် စောအောင် တွဲလုပ်ခွင့် ရခဲ့ပြန်သည်။ မြန်မာပြည်မှ ကျွန်းသစ်နှင့် ဘိန်းဖြူကို မိမိသင်္ဘောဖြင့် မလေးရှားသို့ သယ်ဆောင်လာခဲ့ပြီး၊ အပြန်တွင် ရေနံဆယ်သယ်သွားသည်။ ဤနည်းဤပုံဖြင့် စောအောင် တစ်ယောက် နေ့ချင်းညချင်း ကျိကျိတက်ချမ်းသာလာခဲ့သည်။ သို့ရာတွင် ဗိုလ်ချုပ်ခင်ညွန့် အာဏာသိမ်းခံရပြီး အကျဉ်းစံဖြစ်ရချိန်တွင် ညီဖြစ်သူ အဖမ်းခံခဲ့ရပြီး၊ အစ်ကိုဖြစ်သူ ဘူဇွာစောအောင်ကမူ အရှောင်အတိမ်းကောင်း၍ မလေးရှားတွင် အခြေချလာနိုင်ခဲ့သည်။ (၂၀၀၉)ခုနှစ်တွင် ကို ခင်မောင်သန်း ထောင်မှလွတ်လာခဲ့ပြီး၊ များမကြာမီမှာပင် ထောင်ကျစဉ်က ညှင်းဆဲဒဏ်များဖြင့် သေဆုံးသွားခဲ့သည်။ စောအောင်ခမျာမှာ မလေးရှားနိုင်ငံလို လွတ်လပ်သော တနေရာတွင်ပင် ကိုယ့်အစိုးရိမ်နှင့် ကိုယ်မို့ ညီအတွက် အတော်ကြာပြီးသည့်တိုင် အမျှဝေ ရေစက်မချရဲခဲ့ပေ။ မိမိကြီးပွါးရေးအတွက် ညီကိုပင် ချသုံးရဲခဲ့သော၊ ကိုယ်တည်းတယောက် ထွန်းပေါက်အောင်မြင် သူဌေးဖြစ်ချင်ခြင်း တစ်ခုတည်းအတွက် တိုင်းပြည်လူမျိုးတခုလုံးအရေးကို အရင်းအနှီးပြုရဲသော ဘူဇွာစောအောင်လိုလူမျိုးမှာ ကိုယ့်အကျိုးပြီးစီးဖို့သာ ပဓာန၊ တခြားဘာဆိုဘာမှ အရေးမကြီး၊ ရမယ်ဆို ဘနဖူး သိုက်တူးနေကျထဲက ဖြစ်သည်။

သို့ရာတွင် ဘူဇွာစောအောင် ဘယ်လောက်ရခဲ့လို့၊ ခုအထိ ဘယ်အဆင့် ချမ်းသာနေပြီလဲ၊ (၁၀၊ ၀၆၊ ၁၁)မနေ့က ဘီဘီစီမှာ ကမ္ဘာ့အဆင်းရဲဆုံးတိုင်းပြည်က ကမ္ဘာ့အချမ်းသာဆုံးသူများ ခေါင်းစဉ်ဖြင့်ထုတ်လွှင့်ခဲ့သည့် မြန်မာ့ခေတ်ပျက်သူဌေးများ စာရင်းတွင် စောအောင်နာမည်ပါမလာခဲ့သည်ကို ထောက်လျှင် လောလောဆည်တွင် ဘူဇွာစောအောင် ကျနေမှန်းသိသာသွားသည်။ စောအောင် ကျနေသည်က စီးပွါးရေးဘက် သက်သက်တွင်သာ မဟုတ်၊ လူမှုရေး၊နိုင်ငံရေးနှင့် ဘ၀ရပ်တည်ရေးများ ဖက်တွင်ပါ ကျဆင်းနေခြင်းဖြစ်သည်။ သူဘာတွေ ကောက်လုပ်နေသည်ကို ထောက်၍ လိုက်ကြည့်လျှင် သူဘယ်လောက်အထိ ကျ၍ ဘယ်လောက်အထိ ရနေသေးမှန်း သိနိုင်သည်။ နအဖ၏ လက်ဝေခံ တစ်ဦးအဖြစ် ရခိုင်ပြည်နယ်မှ သယံဇာတများကို ကိုယ်ကျိုးအတွက် မှောင်ခိုထုတ်။ လူကူကုန် လုပ်ခဲ့ပြီး၊ ယနေ့တိုင် လုပ်ကိုင်နေဆဲလည်းဖြစ်သည်။သတင်းတခုအရ ရခိုင်ပြည်နယ်က ကျွန်းသစ်တွေနှင့်အတူ လူအယောက် (၄၀) တင်ဆောင်လာသော ဘူဇွာစောအောင်၏ ဒေါင်းမင်းကုမ္ပဏီပိုင် စက်လှေတစီး မလေးကို ထွက်အလာတွင် လူတင်သွင်းခ ငွေတောင်းခံ၍ အငြင်းပွါးရာမှ ရန်ဖြစ်ပစ်ခေတ်ကြသည့်အတွက် စက်လှေနစ်ျြမုပ်ခဲ့ရာ တစ်ယောက်ကလွဲ၍ အားလုံးသေဆုံးခဲ့သည်။ ယခုလထဲတွင်း နောက်ဆုံးဖြစ်ပျက်ခဲ့သော ဤသတင်းကိုကြည့်လျှင်ပင် စောအောင်၏ လုပ်ငန်းသဘောကို သိသာနိုင်သည်။

လောလောဆယ်တွင် စောအောင်၏ စီးပွါးရေး အခြေနေ အရင်လောက်မကောင်း။ သို့ သော် မလေးရောက် ရခိုင်လူထုကို အသုံးချသွားနိုင်က စောအောင်မှာ ရပေါက်တချို့ ကျန်ရှိနေသေးပုံရသည်။ ရခိုင်ရုံးများကို ညီညွတ်ပေါင်းစည်းမိအောင် လုပ်ပေးခြင်းဖြင့် တခုတည်းဖြစ်လာမည့် ရခိုင်ရုံးကို စောအောင်က ၀င်ရောက်၍ စိတ်ကြိုက်ချယ်လှယ်ခွင့်ရခဲ့လျှင် အနေအထားတွေက အဖက်ဖက်က တိုက်ရိုက်တမျိုး သွယ်ဝိုက်သော အားဖြင့်ပါ ပိုကောင်းမွန်လာမည်ဖြစ်သည်။ ၂၀၀၈ ခုနှစ်တွင် မြန်မာဥယျာဉ်ကို တည်ထောင်ခဲ့သူ ကို ကျော်နုကားတိုက်သေခဲ့ပြီးနောက် ကျန်ရစ်သူဇနီးမယား မမြင့်ကို စောအောင်တို့လင်မယားက ဥာဏ်နီဥာဏ်မဲတွေသုံး၍ နည်းမျုိးစုံဖြင့် အကျပ်ကိုင်မောင်းထုတ်ပစ်ပြီး၊ မိမိကိုယ်ပိုင် ပစ္စည်းလုပ်ပစ်ခဲ့သည်။ ရဖို့ ဝဖို့ ကလွဲ၍ ဘာဆိုဘာမျှမစဉ်းစားနိုင်သော၊ စဉ်းစားရိုးထုံးစဉ်လည်း မရှိဘူးသော စောအောင်တို့လင်မယားအဖို့ လူမှုရေးသက်ညှာမှုကင်းမဲ့စွာ လူမဆန်စွာ ပြုမူခဲ့သည်မှာ မဆန်း။ (ဤနည်းကိုပင် အသုံးချပြီး စောအောင်က သဇင်စားသောက်ဆိုင် အပိုင်ကိုင်.. KLရုံးကို လက်ကိုင်ဒုတ်တွေနဲ့ ထိမ်းချုပ်လုပ်လိုက်ပါပြီ)။

ဗမာစစ်အုပ်စု၏ နောက်ကွယ်က ကြိုးဆွဲသည့်အတိုင်း မလေးလူထုအား အချိုသတ် အယုံသွင်းပြီး နားလှည့်ပါးရိုက်လုပ်ခဲ့ပေါင်းများလှပြီ။ နိုင်ကွက်ပေါ်လာလျှင် အပိုင်ပင် တွယ်လိုက်ဦးမည့် စိုးအောင်၏ လက်သံသည် ယနေ့အထိပြောင်ဆဲလည်း ဖြစ်ကြောင်း အားလုံးမြင်ကြသိကြသည့်အတိုင်းပင်။

- ပြီးခဲ့သည် မတ်ခ်ျလ(၂၇) ရက်နေ့တွင် ARRC, ANC-S အကြံပေးအရာရှိလည်းဖြစ်၊ ရခိုင်ပြည်အမျုိးသားကောင် ANC ခေါင်းဆောင်တစ်ဦးလည်းဖြစ်သူ ဦးညီညီလွင်အား ပုလိပ်ငွေထိုးပြီး အမှုဆင်ဖမ်းဆီးခဲ့သည်။ (ထိုနေ့ထိုအချိန်သည် မြန်မာ့တပ်မတော်နေ့နှင့် တိုက်ဆိုင်လေသလား၊ တမင်တိုက်ဆိုင်အောင်ကို လုပ်ထားလေသလားဆိုသည်ကိုမူ ဘူဇွာစောအောင်သာ သိနိုင်မည်၊ ပို၍ပိရိသေချာအောင် စီစဉ်တတ်သည့် ဘူဇွာစောအောင်ကြီး ထိုနေ့ကျင်းပသည့် မြန့်မာတပ်မတော်နေ့တွင် အထူးဧည်သည်တော်အဖြစ် တက်ရောက်နေခဲ့သည်)။
- မတ်ခ်ျလ(၃၀) ရက်နေ့ ညနေတွင်မူ - ဘူဇွာစောအောင်၏ ခါးပိုက်ဆောင် Anti-correction ပုလိပ်တပ်ဖွဲ့ဖြင့် ရုံးတံခါးများကို ရိုက်ချိုးပြီး၊ အတင်းဝင်ရောက်စီးနင်းကာ ရုံးတွင်းရှိ အမှုဆောင်များ၊ ၀န်ထမ်းများအားလုံးကို ဖမ်းဆီးပြီး၊ ငွေနှင့် ရုံးသုံးပစ္စည်းများအားလုံးကို သိမ်းယူသွားခဲ့သည်။ (ဤနေ့လည်း သိန်းစိန် အစိုးရသစ် အာဏာလွှဲပြောင်းရယူသောနေ့ ဖြစ်နေကြောင်း သတိပြုပါ)။

ယနေ့ လူမြင်ကောင်းအောင် မင်းသားခေါင်းစွပ်ပြီး၊ မားမားမတ်မတ်ရပ်ပြနေသော ဘူဇွာကြီးတဦး၏ ရခိုင်လူထုအပေါ်ထားရှိသော စေတနာသည် အဘယ်အထိ ရိုးဖြောင့်၍ စိတ်ချလက်ချ လေးစားအပ်သည်ကို ဆန်းစစ်ကြည့်ရန် လိုအပ်သည်။ ဘူဇွာစောအောင် ဆင်သည့် ဂွင်ထဲမှာ ရခိုင်ရုံးတွေ ၀င်သွားပြီဆိုလျှင် ANC-S, ARRC ကို ပြန်ပေးစရာရှိသည့်၊ (စောအောင်အတွက်က ဘာမျှမဖြစ်လောက်၍ အချိန်မရွေးပြန်ပေးမည်ပြောနေပြီး ခုထိမပေးရဲသေးသည့်) ရင်းဂတ် တသိန်းကို ပြန်ပေးစရာပင် မလိုတော့သည် အကျိုးဆက်ကစ၍ စောအောင့်အတွက် မြက်မြက်လေးတွေချည်း။ ငွေပို့ ငွေလွှဲကိစ္စတခုတည်းမှပင် သိန်းသန်းကုတေချီ၍ မြတ်စွမ်းလာနိုင်သည်၊ မလေးရခိုင်လူထုထဲမှ လက်တဆုပ်စာ စုန်းပြူးများအနေဖြင့် စားဖော်စားဖက်ကျ၍ဖြစ်စေ၊ အသိမဲ့ဖြစ်စေ ၀ိုင်းရံနေကြသရွေ့ ဘူဇွာစောအောင်တယောက် ဗိုလ်နေမြဲကျားနေမြဲ စားပေါက်ရှောင်နေဦးမည်။ ထို့လောက်မျှတွင် ရပ်လျှင် အကြောင်းမဟုတ်သေး၊ စောအောင်လို သိုးရဲခြုံထားသော ၀ံပုလွေက လူအုပ်ထဲတွင် ထိုးဖောက်ဝင်ရောက်ပြီး နေရာယူထားနိုင်သည်နှင့်အမျှ လူထုအတွက်ရော အမျိုးသားရေး တခုလုံးအတွက်ပါ လွယ်ပိုးထားရသော အန္တရာယ်မှာ ခန့်မှန်းမကျအောင်ကို များနေမည်သာဖြစ်သည်။ မတ်ခ်ျလ (၃၀) နေ့က စောအောင်နှင့် အပေါင်းပါ လက်ပါးစေများ၏ လုပ်ရပ်သည် ရခိုင်ဒီမိုကရေစီအဖွဲ့ချုပ် ALD ရုံးများကို ဗမာ စစ်အာဏာရှင်က မတရားအသင်းကျေညာပြီးနောက် ဆိုင်းဘုတ်ဖြုတ်ချလိုက်သည်နှင့်တူသလို၊ ရန်သူတပ်ဖွဲ့များကြားတွင် အသေအကြေ အငိုက်မိ ၀င်စီးလိုက်သည်ပုံစံမျိုးနှင့်လည်း တထေရာတည်းပင်ဖြစ်လေသည်။ မလေးရှားရောက် ရခိုင်လူထုတခုလုံးအကျိုးကို နှစ်ရှည်လများ သည်ပိုးဆောင်ရွက်ခဲ့ ဆောင်ရွက်ဆဲဖြစ်သော ရုံးတရုံး၊ ထောင်သောင်းချီသော လူနာမျိုးစုံကို စေတနာပြည့်ဖြင့် ကူညီကယ်ဆယ်နိုင်ခဲ့သောရုံးတရုံးအား အပြီးတိုင် ချေမှုန်းခြင်းဖြစ်သလို၊ ရခိုင်အမျိုးသားရေုးသင်္ကေတဖြစ်၍ ရခိုင်အမျိုးသားတခုလုံးနှင့် သက်ဆိုင်သော ANC ၏ အကျိုးစီးပွါးနှင့် ဂုဏ်သိက္ခာအား တိုက်ရိုက် ထိခိုက်စော်ကားလိုက်ခြင်းလည်း ဖြစ်နေပေသည်။ ANC-S တည်ရှိနေသရွေ့ ANC တွင် အင်အားကြီးတရပ် ဖြစ်တည်နေမည်ကို မလိုလားသူများမှာ စင်စစ်ရန်သူနှင့် ရန်သူ့ဖက်တော်သားများကလွဲ၍ တခြားမည်သူမှ မဖြစ်နိုင်ပေ။ ကျွန်တော် စာရေးသူ (စိန်ဘန်း) အနေဖြင့် ဤနေရာ၌ ANC မဟုတ်ပဲ၊ တခြားမည်သည့် ရခိုင့်နိုင်ငံရေးပါတီ တခုခု (ALD, NUPA,DPA, ALP) ဖြစ်လျှင်လည်း ဤအတိုင်းသာ ရှုမြင်သုံးသပ်မည် ဖြစ်ကြောင်း ရိုးသားစွာ ဖော်ပြအပ်ပါသည်။

လက်ရှိအခြေနေတွင် ဘူဇွာစောအောင်တို့မိသားစု စင်ဂါပူတွင် စီတီဇင်ဖြစ်ရန်ကြိုးပမ်းဆဲဖြစ်၏။ မြန်မာအစိုးရသစ်မှ ဥပဒေကြောင်းများ အရအလိုရှိဆဲဖြစ်၍ ပြည်တော်မပြန်နိုင်၊ မလေးတွင် မနေဖြစ်သော အကြောင်းတရားများ ရှိသလို အမေရိကန်လို နိုင်ငံတခုတွင် သွားနေဖို့လည်း ယခုထိ လက်တွေ့မကျနိုင်သေး။ သို့ဖြင့် နေစရာမသေချာသော သူနှင့် သူ့ မိသားစုအတွက် နေစရာတခုတော့ သေချာအောင် လုပ်ရဦးမည်၊ လုပ်နေမည်လည်း သေချာသည်။ ယနေ့ စောအောင် လိုက်ပါလုပ်ဆောင်ပေးနေသော ရုံးများပေါင်းစည်းးရေး လုပ်ငန်းကို ကြည့်ပါဦး၊ သူ့ ဒလန်တွေကို နေရာဦးအောင် လုပ်ပေးနေခြင်းက သူ့ခြေလှမ်းတွေ ဦးတည်ရာကိုပြနေသည်။ ဥပဒေတွေ၊ ဒီမိုကရေစီလုပ်ထုံးလုပ်နည်းဆိုတာတွေက သူနှင့်ဒုံးဝေးသမို့ ထားလိုက်၊ လူတွေဘာပြောကြမည်ကိုမျှ စိုးအောင် ဂရုမစိုက်အားတော့။ ညီညီလွင်နှင့် ARRC-KL အမှုဆောင်များကို ပုလိပ်ငွေထိုး၊ အမှုဆင်ဖမ်း၊ ခိုင်မင်းချမ်းအုပ်စုကို လူမိုက်မွေးပြီး အေအာရ်ရ်စီ ကေလယ်ရုံးအဖြစ် အတင်းအကျပ်လုပ်ချလိုက်ခြင်းအတွက် ရခိုင်ပြည်အမျိုးသားကောင်စီ ANC သည်ပင် တဒင်္ဂအားဖြင့် အထိုင်ကျသွားသည်။ ဤသို့နည်းများဖြင့် ရခိုင်လူမှုရေးအသင်းအဖွဲ့များရော၊ နိုင်ငံရေးအဓိက အဖွဲ့အစည်းများကိုပါ အားနည်းပပျောက်အောင် စောအောင်လုပ်ဆောင်နေခြင်း၏ တခုတည်းသောဦးတည်ချက်မှာ ဘာဖြစ်နိုင်ပါသနည်း။ သခင်အားရ ကျွန်ဒဏ်ဝဆိုသည့်အတိုင်း ရခိုင်အမျုိးသားရေးလိုင်းတွင် အထိနာအောင် ဖွတ်ဖွတ်ကျေအောင် လုပ်ပြနိုင်လေ သခင်စစ်အုပ်စုအတွက် အားရစရာဖြစ်လေမဟုတ်ပါလား။ ဤထက် ထိရောက်စွာ လုပ်နိုင်လေ စောအောင်မှာ စီးပွါးရေးအခွင့်လမ်းတွေ ပွင့်လေသာ ဖြစ်ပါ၏။ ဤယုံမြင်၍ ဤချုံထွင်တတ်တဲ့ စောအောင်တို့လင်မယားလုပ်ရပ်တွေအတွက် ခိုင်လုံသော သာဓကဆောင်စရာတွေက အများသား။

- မြန်မာ ပစ်စ်ပို့ စ် လုပ်လိုသူများက ဘူဇွာမကြီးဒေါ်ရီဖြူက တဆင့် ဆက်သွယ်လုပ်ကြရသည်။
- ပစ်ပို့စ်သက်တမ်းကျော်လွန်၍ နေထိုင်ခြင်း၊ အသစ်တင်လိုခြင်းစသည့် လုပ်ငန်းများ အတွက် ဒေါ်ရီဖြူကို ဆက်သွယ်ကြရသည်။
- မြန်မာသံရုံးတွင် လွတ်လပ်ရေးနေ့လို နေ့များကျင်းပခြင်းအတွက် ကုန်ကျစရိတ်အစအဆုံးကို ဒေါ်ရီဖြူကပဲ ကျခံသည်။
- ၂၀၀၇ တွင် အလုပ်သမားထုက အခွန်ကောက်ခံခြင်းပြသနာကြောင့် သံရုံးကို မီးတင်ရှို့ စဉ်ကဆိုလျှင် စောအောင်သည် သာမန်ထက် - ၅ ဆခန့်  ဈေးမြင့်သောကွန်ပျူတာများကို ရက်ရောစွာ ပေးလှူခဲ့သေးသည်။
- မြန်မာစစ်အစိုးရ၏ သံရုံးက ဗိုလ်ကြီးအဆင့်ရှိ စစ်ထောက်လှမ်းရေး အရာရှိ တစ်ဦးဖြစ်သူ ကိုကျော်စိုးမှာ ဒေါ်ရီဖြူထံသို့ မပြတ်ဝင်ထွက် သွားလာလျှက်ရှိသည်။

- ၂၇၊၀၃၊၂၀၁၁ နေ့မလေးရှာသံတမန်အသိုင်းအ၀ိုင်းတွင်ကျင့်ပသော တပ်မတော်နေ့အခမ်းအနားအတွက် ကုန်ကျစရိတ်ကို ဦးစောအောင်တို့မိသားစုမှ တ၀န်ခံကမကထပြုပြီးကျင့်ပခဲ့သည်သာမက စင်ကာပူနိုင် ငံမြန်မာသံရုံးတွင်ကျင့်ပခဲ့သော တပ်မတော်နေ့အခမ်းအနားကို ဦးစောအောင်ကိုယ်တိုင်တက်ရောက် ခဲ့ပေသည်။
- ၄င်းအပြင်မြန်မာနိုင်ငံနှင့်ဆိုင်သော ကိစ္စအ၀၀ကို ဒေါ်ရီဖြူကဘဲလုပ်ကိုင်ဆောင်ရွက်နေသောကြောင့် မလေး ARRC ရုံးမှာ ရခိုင်ဒုက္ခသယ်ရုံးနှင့်မတူတော့ဘဲ ဗမာကောင်စစ်ဝန်ရုံးနှင့်တူနေပြီး ရခိုင်ဒုက္ခသယ်များ အတွက်လုံခြုံမှု အကင်းမဲ့ဆုံးနေရာတခုဖြစ်နေ၍ ရခိုင်ပြည်မှ မိဖ ညီအကို ဆွေးမျိုးသားချင်းများအနေနှင့် အချိန်မရွေး ငွေညှစ်ခြင်း မတရားဖမ်းဆီးခြင်းများကိုခံရနှိုင်ပေသည်။

ဦးသန်းရွေ ၊ ဦးမောင်အေး ၊ ဦးအောင်သောင်းတို့ရဲ့တပဥ့်တွေ ဘီလီယံနာဖြစ်နေချိန်တွင် ဦးခင်ညွန့်ရဲ့တပဥ့်ကတော့ မလေးရှာမှာ ပြည်ပြေားဘ၀ဖြင့် မှောင်ခိုဂိုင်းခေါင်းဆောင် ဖြစ်နေဆဲ။
ဘူဇွာစောအောင်တို့ လင်မယား ဤမျှအထိ ကပ်ဖားလျပ်ဖား လုပ်အား။ ငွေပါလိုက်ပေးနေရခြင်းအတွက် အကြောင်းတရားတွေကလည်းရှိနေခဲ့သည်။ ဗမာပြည် စစ်အုပ်စု ထိပ်တန်း အာဏာရှင်တွေကြား အာဏာလွန်ဆွဲပွဲတွေ အကြိမ်ကြိမ်ဖြစ်၍ မင်းပြောင်းမင်းလွဲဖြစ်ခိုက် အသစ်တက်လာသည့် စစ်ခေါင်းများက ဗိုလ်ချုပ်ခင်ညွန့်နှင့် အပေါင်းပါများအား လူရှင်းပွဲ၊ လူဖမ်းပွဲများလုပ်လိုက်သည့်အခါ သူတို့တွေ ခွေးပြေးဝက်ပြေးခဲ့ရသည်။ (စောအောင့်အပေါ်မှာတော့ ဖမ်းဝရမ်းက ခုထိလည်း ထုတ်ထားဆဲသာဖြစ်၏)။ သို့ဖြင့် ကျေရာကျေကြောင်းတွေ အလုပ်ဖြစ်ခဲ့လျှင် ပြည်တော်ပြန်နိုင်မည်၊ Passporst လုပ်၊ multiple visa တွေယူပြီး မြန်မာနှင့် နိုင်ငံတကာမှာ လွတ်လပ်စွာ ၀င်ထွက်ခွင့်လည်းရှိ။ ဒိထက်လည်း စီးပွါရေးတက်လမ်းတွေဖြစ်ဦးမည်မုချ။ အစိုးရသစ်အား တတ်နိုင်ကောင်းသရွေ့ ချည်းကပ်၊ မျက်နှာချိုသွေးနေရခြင်း အကြောင်းရင်းကတော့ အထူးပြောပြစရာ့တောင်မလိုလ၊ှ သားရွှေအိုးထမ်းလာသည်ကို မြင်ရစေ့မယ် ဆုတောင်းနန့်  ခဲတလုံးတည်းမှာ ငှက်နှစ်ကောင် ပါအောင် လုပ်နေခြင်းသာ။

ဤအချက်များအားလုံးကို ဆက်စပ်ပြီး၊ ခြုံငုံသုံးသပ်ကြည့်လျှင် -
- ဘူဇွာစောအောင်ဆိုသူဟာ ဘယ်လိုလူစားလဲ ?
(ဤဘူဇွာလူကြီးမင်းသည် အလကားဆိုလျှင် မိမိပါးပြင်ပေါ်တွင်လာနားသည့် ခြင်တွေမှက်တွေကိုတောင် အနှောင့်ယှက်ဖြစ်မည်စိုး၍ မောင်းထုတ်လေ့ရှိသူမဟုတ်။ ရမည်ဆိုရင်တော့ ဘနဖူးလည်း တူးနေကျလူစားမျိုးသာဖြစ်သည်။ အရေးကြီးဆုံးက မလေးလူထုကြားမှာ စောအောင်တယေက် ဘယ်လောက်အထိ ဖျံကျတွင်ကျယ်နေပါစေ သင်ကိုယ်တိုင် စောအောင့်စေတနာ အဆိပ်ငွေ့ မရှူမိစေဖို့သာ..)။
- ဘူဇွာစောအောင် လောလောဆည် လုပ်ကိုင် ဆောင်ရွက်ခဲ့ဖူးပြီး၊ ဆောင်ရွက်နေတာတွေက ဘာတွေလဲ ?
(မြန်မာပြည်ခေတ်ပျက်လေ စောအောင်တို့တောကြောင် ခေတ်ပျက်သူဌေးတွေက လက်ခမောင်း ခပ်လို့ကောင်းလေ အလုပ်တွေပဲ သူလုပ်ဖူးသည်။ အခုနောက်ဆုံးသူ့အသက်ကို ပေးဆပ်သွားရသည့်တိုင် ဟိုဖက်ဘ၀တွေမှာ ဒီ့ထက်ချမ်းသာပြီး ဇိမ်ကျကျ နေနိုင်ရေး မဟာစီမံကိန်းတွေချပြီး ကျဆင်းနေတဲ့ သူ့ စီးပွါးရေးတွေကို ဘယ်နည်းနဲ့ပဲရရ ကျားကုတ်ကျားခဲ ကျားကန်ပေးနေပါသည်။ အခုဆိုလျှင် ARRC –KL ရုံးက စောအောင်ရဲ့ ကြိုးကိုင်ချယ်လှယ် ထိမ်းချုပ်မှုအောက်မှာ ပီဘိမြန်မာသံရုံး ဖြစ်နေပြီဖြစ်ကြောင်း သင်ကိုယ်တိုင် သတိကြီးစွာထား၍သာ သွားကြည့်ပါလေ)။
ဤမျှဆိုလျှင် သူ့လုပ်ငန်း၊ ဆောင်ရွက်ချက်တွေရဲ့  ဦးတည့်ရာ ပစ်မှတ်တွေက ဘာတွေလဲ ?... သိသာလောက်ပါပြီ။ သွေးစုပ်တတ်သည့် ကပ်ပါးကောင်များသည် တွယ်ရာမဲ့ ရှင်သန်ရိုးမရှိ။ သူဘယ်လောက်တောင့်သလဲဆိုသည်မှာ သူဘယ်လောက်စုပ်ယူခွင့်ရခဲ့ပြီးလဲနှင့် ဆိုင်သလို ဘယ်လောက်တောင့်ဦးမလဲဆိုသည်မှာလည်း …. သင်နှင့် သင့်အဖွဲ့စည်းကတော့ ခံလိုက်ရတဲ့အထဲက မဖြစ်ပါစေနှင့်ဟုသာ အသိပေးတင်ပြလိုက်ရပါသည်။

http://www.anchqindia.org/2011/06/blog-post_18.html
ဤဆောင်းပါးကိုပြုစုရေးသားသူ စိန်ဘန်း ၏ ဘာဘော်သာဖြစ်ပါကြောင်း တင်ပြအပ်ပါသည်။