ဇွန်လ(၁၇)ရက်၊ ၂၀၁၁။
http://gissapa.blogspot.com
ရခိုင်ပြည်-ဘင်္ဂလာ နှစ်နိုင်ငံကမ်းရိုးတန်းသို့ လေပြင်းမုန်တိုင်းစက်ကွင်း ထပ်မံဝင်ရောက်တိုက်ခိုက်နိုင်
ဘင်္ဂလားပင်လယ်အော်နှင့် ကပ္ပလီပင်လယ်ပြင်တွင် ကြာသပတေးနေ့က စတင်၍ လေပြင်းမုန်တိုင်းများ ဖြစ်ပေါ်ခဲ့၍ ဘင်္ဂလီငါးဖမ်းဘုတ် (၄၅)စီး ပျောက်ဆုံးနေပြီး ဖြစ်သော်လည်း ဆက်လက်၍ ရခိုင်ပြည်-ဘင်္ဂလာ ကမ်းရိုးတန်း ဒေသများသို့ လေပြင်းမုန်တိုင်းစက်ကွင်း ဖြတ်ကျော်ဝင်ရောက်တိုက်ခိုက်နိုင်ကြောင်း သတင်းရရှိသည်။
ဘင်္ဂလာတွင် ယနေ့မုန်တိုင်းအဆင့်ကို ၄ နံပါတ်သတ်မှတ်ထားပြီး ကြာသပတေးနေ့က ငါးဖမ်းရန် ထွက်ခွာသွားသော ဘင်္ဂလီငါးဖမ်း ဘုတ်များအနက် (၄၅)စီးမှာ ယခုအချိန်ထိ ပျောက်ဆုံးနေသေးကြောင်း၊ ပင်လယ်ပြင်မှ လူသေ(၁၅)လောင်း ဆည်ယူရရှိထားပြီး ဖြစ်ကြောင်းနှင့် ထပ်မံ၍ ပြည်သူသို့ သတိပေးကြော်ငြာထားပြီး တနာရီလျှင် (၄၀)မှ (၅၀)မိုင်အထိ တိုက်ခိုက်နိုင်ကာ ပြင်လယ်ရေ မျက်နှာပြင်မှာ (၄)ပေအထိ မြင့်တက်နိုင်ကြောင်း အင်တာနက် စာမျက်နှာတခုက ဆိုသည်။
မိုးရွာပြီး လေးပြင်းမုန်တိုင်းမှာ ယနေ့အထိ နှစ်ရက်ဆက်တိုင်း ကျရောက်တိုက်ခိုက်လျှက်ရှိနေသည်။ ယခုလအစောပိုင်းက တိုက်ခိုက် ခဲ့သည့် လေပြင်းမုန်တိုင်းကြောင့် ဘင်္ဂလာတွင် ရာဘားအပင်များ အများအပြားပျက်စီးခဲ့ကြောင်းနှင့် ရခိုင်ပြည်နယ် မောင်တောနှင့် ဘူးသီးတောင်မြို့များတွင် စစ်တပ်စခန်းများမှ ခေါင်မိုးများ အများအားဖြင့် ပျက်စီးခဲ့သည်။
ထို့အပြင် ရခိုင်ပြည်-ဘင်္ဂလာ နှစ်နိုင်ငံအတွင်း လေပြင်းစက်ကွင်းခံခဲ့ရသည့် အိမ်များပြိုပျက်စီးခဲ့ကြောင်း၊ တံတားနှင့် လမ်းတချို့ ပျက်စီး ယိုယွင်းခဲ့ကြောင်း၊ ဆားကွင်းနှင့် ပုဇွန်တာတမံများ အနည်းငယ် ပျက်စီးမှုများနှင့် ရင်ဆိုင်ခဲ့ရကြောင်း သိရှိရသည်။
ဘင်္ဂလားပင်လယ်ပြင်တွင် ဖြစ်ပေါ်ရွေ့လျားနေသည့် မုန်တိုင်းစက်ကွင်းမှာ ဘင်္ဂလာတွင် ကြာသပတေးနေ့ မနက်ပိုင်းက စစ်တကောင်း ဆိပ်ကမ်းမှ ၂၉၅ ကီလိုမီတာ ဝေးကွာပြီး အနောက်တောင်ဒေါင့်ဘက်သို့ ရွေ့လျားနေကြောင်း၊ ကော့စ်ဘဇားဆိပ်ကမ်းမှ ၂၇၅ ကီလို မီတာ ဝေးကွာပြီး တောင်ဘက်ဒေါင့်သို့ ရွေးလျားနေကြောင်းနှင့် အိန္ဒိယနယ်စပ်နှင့် မျက်နှာချင်းဆိုင် တည်ရှိသော မောင်လာဆိပ်ကမ်းမှ ၁၅၀ ကီလိုမီတာ ဝေးကွာပြီး တောင်ဖက်သို့ ရွေးလျားနေကြောင်း အဆိုပါ အင်တာနက် စာမျက်နှာက ဆိုသည်။
အခုအချိန်ထိ ကပ္ပလိပင်လယ်ပြင်နှင့် ဘင်္ဂလားပင်လယ်ပြင်မှာ မုတ်သုံလေ အလွန်အားကောင်းလျှက်ရှိနေပြီး မြန်မာတွင် နေရာအနှံ အပြားမိုးကြီးနိုင်ကြောင်း၊ ပင်လယ်ပြင်တွင် မကြာခဏ လိုင်းကြီးနိုင်ကြောင်း၊ မိုးသက်လေပြင်းများ ကျရောက်နိုင်ကြောင်းနှင့် တနာရီ လျှင် မိုင်(၄၀-၅၀)အထိ တိုက်ခိုက်နိုင်ကြောင်း ဇွန်(၁၆)ရက်နေ့ မြန်မာ့အလင်းက ဆိုသည်။
No comments:
Post a Comment