ဂစ္ဆပသတင်းဌာန
ဧပြီလ (၁၈)ရက်၊ ၂၀၁၁။
http://gissapa.blogspot.com
မြန်မာ့မူးယစ်ဆေးဝါး ဘင်္ဂလာတွင် ဖမ်းဆီးခံ
မြန်မာနိုင်ငံမှ ဘင်္ဂလာဒေ့ခ်ျနိုင်ငံသို့ တရားမ၀င် တင်ပို့သော ရာဘား မူးယစ်ဆေးဝါး ၁၃၃၇၃ လုံးနှင့် မူးယစ်ဆေးဝါး ရောင်းဝယ်ရေး သမား(၃)ဦးကို Bangladesh Guard Border (BGB) မှ ဧပြီလ (၁၅)ရက်နေ့က နတ်မြစ်အလယ်မှ ဖမ်းဆီးလိုက်ကြောင်း သတင်း ရရှိသည်။
ဘင်္ဂလာဒေ့ခ်ျနိုင်ငံ တာခ်နာမြို့အခြေစိုက် အမှတ်(၄၂) ဘီဂျီဘီ တပ်ရင်းမှ မိုဟာမတ် ဇော်ဇော် မီယာရ် ဦးဆောင်သော လှုပ်ရှားအဖွဲ့မှ နတ်မြစ်အတွင်း နယ်စပ်လုံခြုံရေးအတွက် ကင်းလှည့်ချိန်တွင် ဖမ်းဆီးလိုက်ခြင်းဖြစ်သည်။
ဖမ်းဆီးရမိသည့် မြန်မာ့ မူးယစ်ဆေးဝါး ရာပြားဆေးပြားလုံးများ၊ ငါးဖမ်းပိုက်(၂)ခု၊ မိုဘိုင်းဖုန်း (၂)လုံးနှင့် လှေတစင်း စုစုပေါင်း တန်ဖိုးမှာ ကာလပေါက်ဈေးအားဖြင့် တာကာ ၄၁ သိန်း တန်ဖိုးရှိကြောင်း သက်ဆိုင်ရာမှ ထုတ်ဖေါ်ပြောပြချက်အရ သိရှိရသည်။
မြန်မာ့မူးယစ်ဆေးဝါး ဆေးပြားများနှင့်အတူ ဖမ်းဆီးရမိသည် မူးယစ်ဆေးဝါး ရောင်းဝယ်ဖေါက်ကြားရေးသမားများမှာ ဘင်္ဂလီများ ဖြစ်ကြောင်းနှင့် ၎င်းတို့မှာ တာခ်နာမြို့ နတ်တောင်ကျေးရွာမှ ဇိုဘိုင် (၂၀)နှစ်၊ မိုဟာမတ် အီစ်မိုက်လ် (၂၀)နှင့် ဟာဘီဘူရ် ရော်ဟ်မာန် (၁၈)နှစ်တို့ ဖြစ်ကြောင်း သက်ဆိုင်ရာမှ ထုတ်ဖေါ်ပြောဆိုသည်။
ဘီဂျီဘီအနေဖြင့် ယခုဖမ်းဆီးရမိခြင်းမှာ မြန်မာ-ဘင်္ဂလာနှစ်နိုင်ငံအကြား နယ်စပ်တလျှောက် မူးယစ်ဆေးဝါး အများအပြား ကုန်ကူးနေ သည့် အဖွဲ့ဖြစ်နိုင်ကြောင်း ပြောဆိုလိုက်သည်။
မြန်မာနိုင်ငံမှ ဘင်္ဂလာဒေ့ခ်ျနိုင်ငံသို့ တင်ပို့သည့် မူးယစ်ဆေးဝါးများမှာ မြန်မာလုပ် အရက်မျိုးစုံ၊ ရာဘားဆေးပြားမျိုးစုံနှင့် တချို့ မူးယစ် ဆေးဝါးများလည်း ပါဝင်နေကြောင်း နယ်စပ်မူးယစ်ဆေးဝါးသတင်းရပ်ကွက်နှင့် နီးစပ်သူများက ပြောသည်။
တာခ်နာမြို့ အခြေစိုက် အမှတ်(၄၂)တပ်ရင်းမှ ဒုရင်းမှူး မန်ဇူရေ ခိုဒါ မှ ဖမ်းဆီးရမိသည့် မူးယစ်ဆေးဝါးဖေါက်ကြားရေး သမားများကို အသေးစိပ် စစ်ဆေးမေးမြန်းမှုများ ပြုလုပ်နေကြောင်းနှင့် ထိထိရောက်ရောက် အရေးယူဆောင်ရွက်သွားမည်ဖြစ်ကြောင်း သတင်း ရရှိသည်။
မြန်မာမှ ဘင်္ဂလာသို့ တရားမ၀င် မှောင်ခိုလမ်းများမှ ၀င်ရောက်သည့် မြန်မာလုပ်အရက်မျိုးစုံ၊ ရာဘားဆေးပြားလုံးနှင့် တချို့ပစ္စည်း များအား လွန်ခဲ့သော ရက်အနည်းငယ်အတွင်းတွင် တာခ်နာအခြေစိုက် နယ်စပ်လုံခြုံရေး တပ်ဖွဲ့များက ဖမ်းဆီးရမိခဲ့သည်။
No comments:
Post a Comment