ဂစ္ဆပသတင်းဌာန
ဧပြီလ ၁၃ ရက်၊ ၂၀၁၁။
http://gissapa.blogspot.com
သစ်လုပ်ငန်းလုပ်ဆောင်ရန် လျှောက်လွှာတင်ထားသူတဦး နစကထံ သစ်လုပ်ငန်းခွင် ဖမ်းဆီးခံရ
မောင်တောမြို့ နစက အမှတ်(၁) လူဝင်လူထွက်ဂိတ်မှ အမှတ်(၁)ကမ်းနားလမ်းရပ်ကွက်မှ တရားဝင် သစ်လုပ်ငန်းလုပ်ဆောင်ရန် လျှောက်လွှာတင်ထားသူ တဦးအိမ်မှ တရားမ၀င် သစ်လုပ်ငန်း လုပ်ကိုင်နေမှုဖြင့် ဧပြီလ (၉)ရက်နေ့က သွားရောက်ပြီး သစ်စုစုပေါင်း (၄ တန်ခွဲကျော်)၊ ၁၈ ကောင်အားရှိ သစ်စက်တလုံးနှင့် လွှဝိုင်းများအား ဖမ်းဆီးယူသွားကြောင်း မျက်မြင်တဦးမှ ပြောသည်။
နစကထံ သစ်စုစုပေါင်း ၄ တန်ခွဲကျော်၊ သစ်စက်နှင့် လွှဝိုင်းများအား ဖမ်းဆီးခံရသူမှာ စစ်တွေမြို့သို့ ခရီးသွားနေခိုက်ဖြစ်၍ လွတ်မြောက်သွားခဲ့သော်လည်း မောင်တောသို့ ပြန်လာလျှင် အမှတ်(၁)နစကမှ ထပ်မံဖမ်းဆီးမည်ဖြစ်ကြောင်း အမည်မဖေါ်လိုသူ မျက်မြင်သက်သေတဦးက အောက်ပါအတိုင်း အတည်ပြုပြောသည်။
“နစကတွေ ကို ဦးစိုးသန်းအိမ်ကို နံက် ၁၂ နာရီနီးပါးခန့် ရှိမယ်ထင်ပါတယ်၊ ကို ဦးစိုးသန်း အိမ်ကိုရောက်တာနဲ့ ကျွန်းသစ်နှင့် တခြား သစ်မာ ၄ တန်ခွဲကျော်ကို သိမ်းယူပါတယ်၊ လွှဝိုင်း ၃၆လက္မ တခုနဲ့ လွှ ၁၂ လက္မတခု ၁၈ ကောင်အားရှိတဲ့ သစ်စက်ကို သိမ်းယူသွား ပါတယ်၊ အိမ်သားတွေကို အိမ်ရှင် ဦးစိုးသန်း ဘယ်သွားသလဲ မေးမြန်းပါတယ်၊ မိသားစုဝင်တွေက စစ်တွေသို့သွားပါတယ်ဟု ဖြေကြား တော့ ပြန်လာရင် တရားမ၀င် သစ်လုပ်ငန်း လုပ်ဆောင်နေမှုနဲ့ ဖမ်းဆီးအရေးယူမယ်လို့ ခြိမ်းခြောက်သွားပါသေးတယ်၊ ကျွန်တော် အထင်အရတော့ ဒီကိစ္စက မကြေနပ်တဲ့သူ၊ သစ်လုပ်နေတဲ့သူတယောက်ယောက်က နစကကို သွားတိုက်တာဖြစ်နိုင်တယ်။”
အတင်းအဓမ္မ သစ်လုပ်ငန်းခွင် တခုလုံးအား နစကထံတွင် သိမ်းယူခံရသူမှာ သစ်လုပ်ငန်းလုပ်ဆောင်ရန် တရားဝင် လုပ်ပိုင်ခွင့် ရရှိရန် အတွက် လျှောက်လွှာတင်ထားပြီး လုပ်ပိုင်ခွင့်ကို စောင့်နေသူတဦး ဖြစ်ကြောင်း စုံစမ်းသိရှိရသည်။
အဆိုပါ နစကအနေဖြင့် ယခုကိစ္စတွင် မောင်တောသစ်တောဌာနမှ သစ်တရားမ၀င် လုပ်နေသည့်အပေါ်တွင် ဟန့်တားမှု တစုံတရာ မရှိသည့် အတွက်ကြောင့် တရားစွဲဆိုသွားမည်ဖြစ်ကြောင်း နစကသတင်းရပ်ကွက်တွင် ဖြစ်ပေါ်နေသည်။ နစကများ ဖမ်းဆီးယူသွား သည့် သစ်များမှာ တခြားဖမ်းဆီးထားသည့် သစ်များနှင့်အတူ ဘင်္ဂလာသို့ တင်ပို့မည်ဟု ယူဆရကြောင်း မောင်တောမြို့ခံများမှ သုံးသပ်ကြသည်။
အခုအခါ မောင်တောမြို့နယ် နစကနယ်မြေ (၁)နှင့် (၂)နယ်မြေအတွင်းရှိ သစ်များကို သစ်ကုမ္ပဏီတခုနှင့် ပူးပေါင်းပြီး လွန်ခဲ့သော နှစ်လလောက်မှ သစ်ခုတ်လှဲနေသည့်အပြင် အဆိုပါ နယ်စပ်ဒေသများသို့ ဘင်္ဂလာဒေ့ခ်ျနိုင်ငံဖက်မှ သစ်ခုတ်သမားများလာရောက်ကာ သစ်ခုတ်နိုင်ကြောင်း နစကနှင့် ဘီဒီအာရ်များ နားလည်မှု သဘောတူညီမှုများ ရယူထားပြီးဖြစ်သည်။
ရခိုင်ပြည်မှ ဘင်္ဂလာဒေ့ခ်ျနိုင်ငံသို့ တင်ပို့သည့် သစ်များမှာ ကျွန်းသစ်တဖုတ်ကို (၄၅၀၀)တာကာ၊ စကားဝါသစ် တဖုတ်ကို (၁၆၅၀)နှင့် ကမ်းကျင်တဖုတ်ကို (၁၀၀၀)တာကာ ဈေးရရှိသည်။ ယခုအခါ ရခိုင်ပြည်နယ်မှ ဘင်္ဂလာဒေ့ခ်ျနိုင်ငံ တာခ်နာဆိပ် ကမ်းသို့ တင်ပို့သည့်သစ်တန်ချိန်မှာ တရက်လျှင် ဖြန်းမျှအားဖြင့် တန်ချိန် ၁၅၀ ကျော်မျှရှိကြောင်း စုံစမ်းသိရှိရသည်။
မြန်မာနိုင်ငံ အနောက်ဖက် ရခိုင်ပြည်နယ်မှ ဘင်္ဂလာဒေ့ခ်ျနိုင်ငံသို့ ရေကြောင်းမှ သစ်တန်ချိန်အမြောက်အများ လွန်ခဲ့သော ၁၂ နှစ်ကျော် ကာလမှ တင်ပို့လျှက်ရှိသည်။ အဆိုပါ သစ်တင်ပို့မှုမှာ မြန်မာ-ဘင်္ဂလာ နှစ်နိုင်ငံအတွင်း တရားဝင်မဟုတ်သော်လည်း မြန်မာစစ်တပ်နှင့် ရေတပ်များကို တရားမ၀င် အကောက်ပေး၍ တင်ပို့ခွင့်ရရှိကြသည်။ ဘင်္ဂလာဒေ့ခ်ျနိုင်ငံ အနေဖြင့် ကမ်းသို့ ဆိုက်ရောက်လာသည့် သစ်ဘုတ်များ ကို လှိုက်လှိုက်လှဲလှဲ ကြိုဆိုလက်ခံလျှက်ရှိနေသည်။
မြန်မာနိုင်ငံမှ ဘင်္ဂလာသို့ တင်ပို့နေကြသည့် သစ်ကုန်သည်များမှာ ဘင်္ဂလီများထံ ဈေးနှိမ်ခံရပြီး မကြာခဏ လိမ်လည်ခံရမှုများ အမြောက်အများရှိသော်လည်း ဆက်လက်တင်ပို့လျှက် ရှိနေသည်။ အဆိုပါ သစ်ကုန်တင်ပို့မှုများတွင် များသောအားဖြင့် ဒေသဆိုင်ရာ စစ်တပ်မှ အာဏာပိုင်များ အနေဖြင့် ပါးစပ်ဖြင့်အစုရှယ်ယာများ ပါဝင်လုပ်ဆောင်လျှက် ရှိနေကြသောကြောင်း ရခိုင်သစ်တုံးများမှာ ပိုမိုပြီး ဘင်္ဂလာသို့ လွယ်ကူစွာ တင်ပို့နိုင်ခြင်းဖြစ်သည်ဟု စုံစမ်းသိရှိရသည်။
အခုအခါ ရခိုင်ပြည်နယ်မှ သစ်တောများမှာ စစ်အာဏာပိုင်များ နည်းမျိုးစုံဖြင့် အိမ်နီးချင်းနိုင်ငံများ၊ သစ်ကုမ္ပဏီများအပြင် သစ်ကုန်သည် များကို အလွဲသုံးစား ခုတ်လှဲရောင်းစားခြင်းများကြောင့် တဖြည်းဖြည်း ပြုန်းတီးလာကြောင်း လေ့လာသူများကဆိုသည်။
No comments:
Post a Comment