ရခိုင် သူရဲကောင်းဆု ဘွဲ့ ချီးမြှောက်ရခြင်းနှင့်ပတ်သက်ပနာ

1. ရခိုင် သူရဲကောင်းဆု ဘွဲ့ ချီးမြှောက်ရခြင်းနှင့်ပတ်သက်ပနာ

    ဂုဏ်ပြုထိုက်တေ လူကို ဂုဏ်ပြုကတ်ရပါရေလို့  ဗုဒ္ဒမြတ်စွာဘုရားရှင်က ဟောကြားထားရေ တရားဓမ္မတော်တိန့် မှာ ဟိပါရေ ဒေ။ အခုလေးသွင့် ရခိုင်လူမျိုးတိန့် မှာ ဂုဏ်ပြုထိုက်တေလူက ဟိလာရေအခါ ဂုဏ်ပြုကတ်ရပါဖို့ ဗျန်ထော ။ လူ့ လောကမှာ လူဖြိုက်လာဗြီးနောက် အသက်ထင်ယှား ဟိနီစိုင်ကစလို့  ဘ၀တပါး ကွယ်လွန်လားရေ နောက်ဆုံးအချိန်ထိ ရခိုင်လူမျိုး တယောက်ပီပီ ကျင့်ကြံနီထိုင်ခရေ ပုဂ္ဂိုလ်ကြီးမှာ ကမ္ဘာလောက် ချီးကြူး အားကျစရာ ဖြိုက်ပါရေ ။ လူ့ ဘ၀က ထွက်ခွာလားဖို့ စော်ကို သိထားရေအချိန်မှာတောင်မှ ရခိုင်လူမျိုးတိကို အမျိုးချစ်ပနာ လုပ်ကတ်ဖို့ စော်နင့် အမျိုးကို ကာကွယ်ဖို့ စော်တိ၊ ရခိုင်နိုင်ငံတော်ကို- ကိုလိုနီလုပ်ထားရေအတွက် ဖျက်သိမ်းရီး လုပ်ရဖို့ စော်တိနင့် နောက်ဆုံးအချိန်မှာ ပြောနီခ- မှာနီခ- တိုက်တွန်းနီခ စော်တိကို ကြားရ သိရ ရေအခါ ဒေပိုင်သမိုင်းပိုင်ညာရှင်ကြီး တယောက်အနီဖြင့် အလှပလှ အံ့သြဖို့ ကောင်းလောက်အောင် ပြောခစော် မဟုတ်ပါလားယေ ။ ယင်းပုဂ္ဂိုလ်ကား ဇါသူပါလေချင့် ။
      အကျွှန်ထပ်လို့  ပြောပြလိုက်ပါမေ ။  ယင်းပုဂ္ဂိုလ်ကား ရခိုင်သမိုင်းပညာရှင် အမျိုးသားစာပီဆုရ ဆရာကြီး ဦးအေးကျော် ဖြိုက်ပါရေ ယေ ။ ဆရာကြီးဦးအေးကျော်မှာ ဒေါက်တာဘွဲ့ ကို ရခလို့ တက္ကသိုလ်ကျောင်းတိမှာ ပါမောက္ခဖြိုက်တေအတွက်နင့် နိုင်ငံတကာမှာပါ နာမည်ကြော်ကြား လူသိများရေ လူဖြိုက်ပါရေ ထော ။ အမေရိကန်နိုင်ငံ နယူးယောက်မြို့  ဘရုတ်ကလင်းရပ်ကွက်မှာ နီထိုင်ရေ ဆရာကြီး ဒေါက်တာအေးကျော်မှာ အသက်အရွယ် ကြီးမြင့်စော်ကို တချက်ချေပင် မစိုင်းစားဘဲနင့် ရခိုင်လူမျိုးနင့် ပါတ်သက်လို့  ရက်ပြတ်ဘင် စကားပြောနီပါရေ ဒေ ။ သမိုင်းပိုင်ညာရှင် တယောက်ဖြိုက်တေပိုင် အမျိုးသား စာပီဆုကို ရထားရေ လူဖြိုက်လို့ လေးသွင့် ပြောအား ကောင်းစော်ပါရာ ဒေ ။ ယေကေလေး ဆရာကြီး ပြောနီရေ စကားကို နားထောင်နီရေ လူငယ်တိက နားမလည်စော်လေး ဟိရေပိုင် နားလည်စော်လေး ဟိရေအတွက် နားထောင်ကတ်စော်ပါဗျန်ကာ ။ တခုက ဆရာကြီး ပြောနီရေ စကားကို နားထောင်နီရေ ကလေချေတိကို ဆရာကြီး မသိပါဒေ။ မမြင်ဖူး ပါဒေ ။ ယေကေလေး ယင်းလူငယ်ချေတိကို အသံကြားစော်နင့် အနံ့ အသက်ရစော်နင့်ဘင် ဇါသူ ဇါလေဆိုစော် တန်းလို့  သိပါရေ ထော ။ ဇါဖြိုက်လို့  ဆိုကေ ဆရာကြီး ဒေါက်တာအေးကျော်က မျက်စိမမြင်လို့ ပါမနား ။
         ဆရာကြီး ဒေါက်တာအေးကျော် မျက်စိမမြင်ဘဲနင့် ဒေပိုင် နယူးယောက်မြို့ မှာ နီယင်းဘင်း အိမ်ကိုလာကတ်တေ လူငယ်ချေတိကို ပြောနီစော်ပါလားလို့  မီးစရာဟိပါသိရေ ဒေ။ ယင်းပိုင်ဆိုကေ စစန့် သီလားပါဖို့ ဗျန် ။ အိမ်မှာထိုင်ဗြီးကေ ဆရာကြီးက ယင်းပိုင်ရာ ပြောနီခကေ အကျွှန်က ဒေပိုင်ဆောင်းပါးမျိုးကို ရီးစရာ မလိုပါဒေ ။ ဇါဖြိုက်လို့ ဆိုကေ အမေရိကန် ပြည်ထောင်စု နယူးယောက်မြို့ မှာ အကျွှန်ရို့ က နီထိုင်ကတ်တေအခါ ပြောနီခ- ဆိုနီခစော်တိကို အလ္လာပ သလ္လာပ ပြောစော်မျိုးကို ရီးပြနီလို့  ကောင်းကောင်း ရပါရေ ဒေ။ အကျွှွှွှွှန်ရီးပြချင်စော်က ယင်းပိုင်စော်မျိုး မဟုတ်ပါယေ ။ ဇါဖြိုက်လို့  ဆရာကြီး ဦးအေးကျော်ကို တခန်းတနားလုပ်ပနာ စာတစောင် ပီတဖွဲ့ -ဖွဲ့ ပနာ ရီးရလေဆိုစော်က အကြောင်း ဟိပါရေ ထော ။   ယင်းအကြောင်းက ဒေပိုင်ပါဒေ ။
        တနိခါ အမေရိကန်ပြည်ထောင်စုမှ ဆရာကြီး ဦးအေးကျော်ရို့  အိန္ဒိယနိုင်ငံ နယူးဒေလီမြို့ ကို ရောက်လာပါရေ ။ ရခိုင်ဒီမိုကရေစီအဖွဲ့ ချုပ်( ပြည်ပ ) ညီလာခံကို လုပ်ကတ်ဖို့  ရောက်လာကတ်စော်ပါယေ ။ လန်ဒန်က ဦးခင်မောင်ကြည်( အ၀ီးရောက် သံတမန်တဦး ) ။ ဂျပန်က ဦးထွန်းဝေ ၊ ဘင်္ဂလားဒေ့ရှင်္က ဦးအောင်ဝင်း -အခု နယ်သာလန် -) - ထိုင်းက ခိုင်မျိုးခိုင်  ရို့  ရောက်လာကတ်စော်ဖြိုက်ပါရေ ။ နယူးဒေလီမြို့ မှာ ရခိုင်ဒီမိုကရေစီအဖွဲ့ ချုပ်က လွှတ်တော်ကိုယ်စားလှယ်-ဦးသာနိုးက ဟိနီရေအခါ ရဒဖ ညီလာခံ လုပ်ပနာ သဘာပတိအဖြိုက်နင့် ဆရာကြီး ဦးအေးကျော်ရို့  တက်ရောက်လာစော်ဖြိုက်ပါရေ ။ ယင်းပိုင်လာယင်းဘင်း ဆရာကြီး ဦးအေးကျော်က နယူးဒေလီမြို့ မှာ ဟိရေ ဒီမိုကရေစီအင်အားစုတိနင့် တွိဆုံပနာ စာပီဟောပြောပွဲ တခု လုပ်ခပါရေ ။ ယင်းစာပီဟောပြောပွဲမှာ အကျွှန်နင့် ဆုံကတ်စော်ပါဒေ။ ဒေပိုင်ဆုံကတ်ယင်းဘင်း သတိထားမိစော် တခု စိတ်ထဲမှာ ပေါ်လာပါရေထော ။ ယင်းချင့်က မျက်စိမမြင်ဘဲနင့် လူတွဲလို့  လားနီရဗြီးကေ အသက်အရွယ် ဒေလောက် ကြီးနီယင့်သားနင့် ရခိုင်လူမျိုး နင့် ပါတ်သက်လို့ - ရခိုင်နိုင်ငံရီးနင့် ပါတ်သက်လို့  ပြောနီစော်ကို သတိထားမိလာစော်ပါဒေ ။
        အကျွှန့် ဘ၀မှာ သမိုင်းဆရာကြီးတိန့် နင့်လေး တွိဖူး နီဖူး ပြောဖူး ဆိုဖူး ပါရေ ။ တော်လှန်ရီး ခေါင်းဆောင်ကြီးတိန့် နင့်လေး လက်ပွန်းတတီး နီဖူး အိပ်ဖူး စားဖူး စော်ပါရာ ။ ဗမာစာနင့် ရီးရေ စာရီးဆရာကြီးတိန့် နင့်လေးသွင့် ရင်းနှီးခင်မင်ရေပိုင် ရခိုင်စာနင့် ရီးနီရေ စာရီးဆရာတိနင့်လေး ရင်းနှီးစော်ပါရာ ။ တချို့ က ပြည်တွင်းမှာ ရင်းနှီးခင်မင်သူ ဖြိုက်ဗြီးကေ တချို့ က ပြည်ပမှာ ဟိနီရေ လူတိန့် ပါဒေ ။ ပြောချင်စော်က ယင်းပုဂ္ဂိုလ်တိန့် နင့် ပါတ်သက်လို့  အမှတ်ရနိုင်လောက်အောင် ရခိုင်နိုင်ငံရီးကို မပြောခစော်ပါရာ ။ ရခိုင်နိုင်ငံရီးဆိုစော်မှာ ရခိုင်နိုင်ငံတော်နင့် ပါတ်သက်လို့  ပြောစော်ဖြိုက်ပါရေ ။ အခု နယူးဒေလီမှာ ဆရာဦးအေးကျော်ကို တွိရေအခါ ရခိုင်သမိုင်းတိန့် ကို ပြောပြလာပါရေထော ။ ယေခါ ရခိုင်နိုင်ငံတော်နင့် ပါတ်သက်လို့  စကားတိ ပေါ်လာပါရေ ဒေ ။ ဒေပိုင်မျက်စိမမြင်ဘဲနင့် နယူးဒေလီမှာ တွိလိုက်ဗြီးကေ နောက်ပိုင်းမှာ ဆရာကြီး ဦးအေးကျော်ကို ထိုင်းမှာ ရောက်နီစော်တိ ကြားရပါရေ ။  ထိုင်းမှာက ဘင်္ဂလီကုလားတိန့် ကိစ္စကို ညီလာခံ လုပ်ပနာ နိုင်ငံတကာ သမိုင်းပိုင်ညာရှင်တိန့် နင့် ဖြီရှင်းရေ ပွဲပါလတ် ။ ယင်းပိုင် ကိုယ့်အမျိုး ကိုယ့်ပြည်ကို ကာကွယ်ဖို့  လားစော်မှာ ဆရာကြီး ဦးအေးကျော်က အမေရိကန်ပြည်ထောင်စု ကနီပနာ မျက်စိမမြင်ဘဲနင့် လားနီစော်ပါကား ယေ ။
      တခါတခါ မလေးယှားနိုင်ငံ ။ တခါတခါ ဥရောပနိုင်ငံတိန့် ကို ရောက်နီပနာ ရခိုင်လူမျိုးတိန့် ကို သမိုင်းအကြောင်းတိန့် နင့် ဟောပြောနီပါရေလတ် ။ အမေရိကပြည်ထောင်စုကို အကျွှန်ရောက်တေအခါ နယူးယောက်မြို့ မှာ တွိကတ်ပါဗျန် ။ ယေခါ ဆရာကြီးဦးအေးကျော်နင့် အကျွှန်ရို့  နှစ်ယောက်မှာ ဘရုတ်ကလင်း နားမှာ ဟိရေ မြောက်အတ္တလန်တိတ်သမုဒ္ဒရာက တိုက်လာရေ ချမ်းစိမ့်စိမ့်  လီကို ရှူပနာ ခုံတန်းမှာ ထိုင်ယင်း အနာဂါတ်ရခိုင်ပြည်ကို တည်ဆောက်ကတ်ဖြိုက်ပါရေ ။ နယူးယောက်မြို့ ထဲဖြိုက်တေ မန်ဟတ်တန်ရပ်ကွက်က အဆောက်အဦးတိန့် ကို လှမ်းမြင်နီရပါရေ ။ ယင်းအဆောက်အဦးကို အကျွှန်က အလှပလှမြင်နီရပါရေ ။ အကြမ်းဖက်သမား ကုလား တာလီဘန်ရို့ တိုက်ခရေ ဝေါစ်ထရိတ်ကိုလေး အသစ်ဆောက်နီစော်ကို အကျွှန်မြင်ရပါရေ ။ ဒေပိုင်အဆောက်အဦးတိန့် ကို-လေးသွင့် အကျွှန်ရို့  စိတ်ထဲမှာ မြင်နီရသိမ့် တိုင်အောင် ယင်းအလှတိန့် ကို မခံစားနိုင်ပါယေ ။ ယင်းပိုင်အ၀ီးမှာပါ အပါးချေမှာပါ  ဟိနီရေ မြင်ကွင်းကို အမြင်အာရုဏ် ဆုံးရှုံးခံစားနီရရေ ဆရာကြီးဦးအေးကျော်က တစိချေလေး မစိုင်းစားဘဲ သူမြင်ချင်ရေ ရခိုင်နိုင်ငံတော်ကို စိတ်မှာမှန်းလို့  ပြောနီစော်ကိုက အံ့သြဖို့ ကောင်းပါရေ ထော ။ တခါတခါ ဆရာကြီး၏ အိမ်ခန်းဖြိုက်တေ သုခ၀တီ ဂေဟာမှာ ပြောဖြိုက်နီဖြိုက်ပါရေ ။ မှတ်မိပါသိရေ ဒေ ။ သုခ၀တီဆိုစော်က ဆရာကြီး၏ စိတ်ဆန္ဒအတိုင်း စိတ်ချမ်းသာ ကိုယ်ချမ်းသာ ဟိရဖို့ စော်ကို ဦးတည်ထားပနာ နာမည်ထားစော်ပါကားယေ ။ ယင်းပိုင်ထားစော်မှာ ကိုယ့်အကျိုးအတွက် မိသားစုအတွက် သုခ၀တီလို့  ထားစော် မဟုတ်ဘဲနင့် ရခိုင်လူမျိုးတိကို ကိုယ်စားပြုပနာ နာမည်ထားစော်ပါလတ်ထော ။ ဒေချင့်တိက ဆရာကြီး ဦးအေးကျော်ကို အထင်ကြီး ယုံကြည် ရဖို့  - ချစ်ဖို့ ကောင်းစော်ပါကား ယေလို့  ပြောလို့ ရစော်ပါရာ ယေ ။
   အကျွှန်နင့်ဆရာကြီးမှာ တနိမှာ ရခိုင်ပြည်ကို ပြန်ယင်းဘင်း ကိုယ်ရို့  ရခိုင်လူမျိုးတိအတွက် နိုင်ငံတကာနင့် ယှဉ်ပြိုင်ပနာ တိုးတက်လီဖို့ စော်ကို ဇါပိုင်လုပ်ကေ ကောင်းဖို့ လေး ဆိုဗြီးကေ ပြောဖြိုက်ကတ်စော် များပါရေ ယေ ။ အခုတော့ ဆရာကြီးက အကျွှန်နင့်တကွ သူချစ်တေ ရခိုင်နိုင်ငံတော်ကို စွန့် ခွာလားခရပါဗျန်ကာ ။ ရခိုင်လူမျိုးတိအတွက် စာပီဖေါ်ထုတ်ရီးကို လုပ်ဖို့ စော်မှာ ပြည်တွင်းက ရခိုင်တိုင်းရင်းသားတိုးတက်ရီးပါတီက ဇါပိုင် ရက္ခ၀ဏ္ဍ အက္ခရာကို အသုံးပြုကေ ကောင်းဖို့ လေး ဆိုပနာ မကြာခရေ အချိန်ပိုင်းလောက်က စာတိ ရွီးလို့  အကြံတောင်းခပါရေ ဒေ။ ယင်းချင့်မှာ အကျွှန်ရို့  ဆရာကြီး ရို့ က အကြံပီးကတ်ပါရေ ဒေ။ ဒေကိစ္စမှာ ဆရာကြီး ဦးအေးကျော်ကို စိုင်းစားကြည့်မိလာပါရေ ထော ။  အမျိုးသားစာပီဆုရ  စာရီးဆရာကြီးလေးဖြိုက်တေ- သမိုင်းဆရာကြီးလေးဖြိုက်တေ- ဆရာကြီးမှာ ဒေပိုင်ရခိုင်စာပီ ဖေါ်ထုတ်ရေးကိစ္စ ကျရေအခါ အလှပလှ အချိန်ကို အကုန်ခံပနာ လုပ်လာပါရေ ဒေ ။ တချိန်က -ရန်ကုန်တက္ကသိုလ်မှာ ရခိုင်တန်ဆောင်-မဂ္ဂဇင်း ကို စတင်ခရေ ဆရာကြီးဦးအေးကျော်ရို့  မှာ ဒေအချိန်ခါ ကောင်းကောင်းကြီး အာရုံစိုက်လာစော် တွိပါရေ ။ ခေတ်လေးခေတ်က ရခိုင်လူမျိုးတိ အသုံးပြုခရေ ရက္ခ၀ဏ္ဍစာပီကို စုစည်းပနာ မဟာပညာကျော် စာပီဆိုပနာ ဖေါ်ထုတ်လိုက်ပါရေ ယေ ။  ဒေပိုင်မဟာပညာကျော် စာပီကို ထုတ်ဖေါ်လိုက်ကေလေး လက်ခံလူ ဟိခြင်း- မဟိခြင်းဆိုစော်က တပိုင်းပြသနာ ဖြိုက်ပနာ- ဖေါ်ထုတ်ဖို့ အာရုဏ်စူးစိုက်တေ ဆိုစော်ကို ပြောချင်စော်ပါရာ ။ ရခိုင်လူမျိုးတိမှာ ကိုယ်ပိုင်ရက္ခ၀ဏ္ဍအက္ခရာနင့် အခုအချိန်မှာ မသုံးဘဲနီရေလို့  အမြင်ဟိနီစော်မျိုးကို ဖြီရှင်းရေသဘောနင့် အယင်ခါက သုံးစွဲခရေ ရက္ခ၀ဏ္ဍအက္ခရာကို ပေါင်းစပ် တီထွင်ထားစော်ဖြိုက်ပါရေ ယေ။
                     ========           =======            ========             ========       ========         =========
     သမိုင်းဆရာ သမိုင်းသုတေသီက သမိုင်းမှာ ဟိခရေ ရခိုင်ရှင်ဘုရင်အကြောင်းနင့် ဘုရားပုထိုး စေတီအကြောင်းတိန့်  ရတုရကန်အကြောင်းတိန့် ကို ပြောကတ်စော်ပါရာ ။ လက်နက်ကိုင်တော်လှန်ရီး လုပ်နီရေ  လူက ရခိုင်တော်လှန်ရီး အကြောင်းကို ပြောကတ်စော်ပါဗျန် ။ ယင်းချင့်တိက ဆန်းစော်ကား မဟုတ်ပါယေ ။ ဆန်းနီစော်က ဆရာကြီး ဦးအေးကျော်ပိုင် လုပ်နီစော်မျိုးကို ပြောရဖို့ ပါထော ။ အမျိုးသားစာပီဆုကို ရခရေ ဆရာကြီးမှာ စာအုပ်စာတမ်းတိက နည်းစော်ကား မဟုတ်ပါယေ ။ မြီအောက်ခန်းမှာ စုဆောင်းဖတ်နီခရေ စာအုပ်စာတမ်းတိ ။ ပေပုရပိုက်တိ ။ နိုင်ငံခြားဘာသာနင့် ရီးထားရေ စာအုပ်တိ အများကြီးပါယေ ။ မျက်စိမြင်လို့  အသက်အရွယ် ကောင်းနီရေအခါ ဖတ်နီခရေ စာအုပ်တိန့် က ဆရာကြီးအတွက် ဘ၀မှာ အကောင်းဆုံး အဖေါ်ဖြိုက် ဟိနီခစော် ပါမနား ။ ယင်းပိုင်စာရီးဆရာကြီးက နောက်တချိန်မှာ ရခိုင်လူမျိုးတိကို နည်းပြလမ်းညွန်လုပ်လာစော်က ရခိုင်နိုင်ငံရီးလောကမှာ ဦးဆောင်ပါဝင်လာစော်ဖြိုက်ပါရေ ။ သာမန်လူတိန့် ကရာ မစိုင်းစားမိကေလေး သတိထားရေ လူတိန့် က ဒေဆရာကြီးကို သတိထားလာကတ်ပါရေ ။ ယေအခါ ရခိုင်လူမျိုးတိန့် အခြီအနီ ။ ရခိုင်လက်နက်ကိုင် တော်လှန်ရီးအခြီအနီ ။ လက်ဟိဖြိုက်ပေါ်နီရေ မျက်မှောက်ရခိုင်ငံရီးလောကအခြီအနီတိကို အိပ်သွန်ဖါမှောက် ပြောကတ်ဆိုကတ် တိုင်ပင်လာကတ်နင့် အားလုံးကို လုပ်လာကတ်ပါရေ ။ ယေခါ ဆရာကြီးဦးအေးကျော်က အားလုံးသောပုဂ္ဂိုလ်တိန့် ကို ကြီးရေအမှု- ငယ်စီ ငယ်ရေအမှု- ပျောက်စီ ဆိုရေ သဘောမျိုးနင့် ပြောခစော် ဖြီရှင်းခစော်တိန့် ကိုလေးသွင့် ကြားရပါယင့်ဒေ ။ သဘောက ညီညွတ်ရီးကို အခြီခံပနာ ပြောစော်တိန့် ကို ကြားရပါယင့် ။
     ဒေပိုင်စော်မျိုးမှာ စကားမစပ်ပြောရဖို့ စော်က ယင်းပိုင်ဆရာကြီးကို ဆက်သွယ်ကတ်လီ ဆရာကြီး ဦးအေးကျော်ရင်မှာ နာကြင်နီရေဆိုစော်တိန့် ကို  သတိမထားကတ်စော်ပါယေ ။ ယေခါ ဆရာကြီးက ရခိုင်လူမျိုးတိအတွက် အလုပ်တခုကို လက်တွိပြလိုက်ပါယင့်ဒေ ။ ယင်းချင့်က နယူးယောက်မြို့ မှာ ဟိရေ ကုလသမဂ္ဂရုံးချုပ်ရှေ့မှာ  ရခိုင်လူမျိုးတိန့် က ဗမာအစိုးရဘားမှာ ကိုလိုနီဖြိုက်နီရေ အတွက် ဒေကိုလိုနီစနစ်ကို ဖျက်သိမ်းပီးဖို့  ဆန္ဒလားပြစော်ဖြိုက်ပါရေ ။ ဒီဇင်ဘာလ- ၃၁- ရက်နိန့် ဆိုကေ နယူးယောက်မြို့ မှာ နှင်းတိက နည်းစော် မဟုတ်-ကျပါရေ ။ အီးကလေး အီးစော် မလွယ်ပါဒေ ။ အမှန်ဆိုကေ ဆရာကြီးပိုင် အသက်အရွယ် ကြီးရင့်သူက သုခ၀တီဂေဟာထဲမှာ အီးလို့ ချမ်းလို့  နီရဖို့ စော်ပါရာ ။ ဒီဇင်ဘာလ-၂၈-ရက်နိဆိုစော်က ဆရာကြီး ဦးအေးကျော်မွီးနိန့် ဖြိုက်ကေလေးသွင့် တခါတခါ ဆရာတော် ဦးဥတ္တမမွီးနိနင့် တိုက်ဆိုင်နီရေအခါ မွီးနိကို ရှောင်လို့  လုပ်ရစော် ဟိပါရေ ။ အခုတော့ ဆရာကြီး ဦးအေးကျော်မှာ ကိုယ့်မွီးနိကို လုပ်ဖို့ စော် မစိုင်းစားဘဲနင့် အကျွှန်ရို့ နင့်အတူ ကမ္ဘာလောက်ချမ်းရေ နယူးယောက်မြို့ မှာ နှင်းကျနီရေအခါ  ကုလသမဂ္ဂရုံးရှေ့မှာ -၂-နာရီလောက် မတ်တပ်ရပ်ပနာ ဆန္ဒပြနီဖြိဲုက်ပါရေ ဒေ ။ ဒုက္ခ၀တီဖြိုက်တေ  ကုလသမဂ္ဂရုံးရှေ့- နီရာမှာအကျွှန်ရို့  ဆန္ဒပြနီကတ်စော်ပါဒေ ။ယင်းပိုင်ဆန္ဒပြနီရေအခါ ချမ်းစော်- ချမ်းစော်မှန်း မသိ ။ အီးစော်ကို အီးစော်မှန်း မသိဘဲ ဖြိုက်နီရေ ကာလမျိုးမှာ ရခိုင်လူမျိုးတိကို အမျိုးချစ်ဖို့  နင့် ရခိုင်လူမျိုးတိန့် ကို ကိုယ့်ကြမ္မာ ကိုယ်ဖန်တီးပနာ ရခိုင်နိုင်ငံကို ရခိုင်လူမျိုးတိန့် က အုပ်ချုပ်နိုင်မှ ဆိုရေ မိန့် ခွန်းကို ဆရာကြီး ဦးအေးကျော်က ပြောခပါရေ ဒေ။ ယင်းချင့်မှာ ဆရာကြီး ဦးအေးကျော်က ပြောခစော် စကားတခွန်း ဟိပါရေ ဒေ။
       ယင်းစကားက မောင်းကာချလို့  မနီကေ့ - ဆိုစော် စကားပါထော ။ ရခိုင်လူမျိုးတိမှာ အိမ်နင့်တွဲလို့  ဘေးနားမှာ မောင်းကာချလို့  နီစော်မျိုး ဟိပါရေ ။ တချို့ မှာ ဆင်းရဲကတ်တေ ဆွီမျိုးသားချင်းတိန့် ကို အိမ်မှာ လာနီဖို့  ခေါ်ထားရေအခါ အိမ်ထက်မှာလေး နီလို့ မရရေအခါ အိမ်ဘေးနားမှာ မောင်းကာချပနာ အဖီတွဲလို့  နီခွင့် ပြုစော်ပါ။ ယင်းပိုင် နီစော်က်ို နီခွင့်ပြုထားကေလေးသွင့် ယင်းပိုင် နီလို့  ရရေ လူတိမှာ ယင်းအိမ်နင့် ပါတ်သက်လို့  တခုပိုင်လေး လုပ်ပိုင်ခွင့်ကား မဟိစော်ပါယေ ။ ဒေပိုင် အိမ်နားမှာ အယပ်တွဲလို့  နီရကေလေး နီလို့  ရစော် တခုရာ ဟိရေ ။ ကိုယ့်ကြမ္မာကို ကိုယ်ဖန်တီးလို့  မရ ။ လုပ်ပိုင်ခွင့် တခုလေး မဟိလို့  ပြောစော်မျိုးပါဒေ ။ ဒေပိုင် ကုလသမဂ္ဂရုံးချုပ်ရှေ့မှာ ဆရကြီးဦးအေးကျော်က ရခိုင်လူမျိုးတိကို ကိုလိုနီ သို့ မဟုတ် ကျွန်အဖြိုက်လုပ်ထားစော်ကို ချက်ချင်း ဖျက်သိမ်းပီးဖို့  သို့ မဟုတ် လွပ်လွပ်ရီးပီးဖို့  စော်ကို ကုလသမဂ္ဂက တာဝန်ယူပနာ လုပ်ပီးပါလို့  ပြောစော်ယေ ဒေအချိန်မှာမှ ဖြိုက်လရေ ဆန္ဒလို့  အကျွှန် မထင်ပါထော ။ နယူးယောက်မြို့  တက္ကသိုလ်မှာ ပါမေက္ခလုပ်နီရေအချိ်န်ကာလက ဒေပိုင်စိတ်ကူးမျိုး ဟိလီဖို့ လို့  ကျိန်းသီ ပြောလို့  ရပါဖို့ ဒေ။ အခုတော့ အချိန်ကျလာပါဗျန် ။ ယေဇူးနင့် မျိုးဆက်သစ် ရခိုင်သားတိန့် နင့် ရခိုင်နိုင်ငံတော်ကို ကိုလိုနီဖျက်သိမ်းပီးဖို့  ဆရာကြီး ဦးအေးကျော်က -ဦးဆောင်ပနာ အကျွှန်ရို့  ကုလသမဂ္ဂရုံးရှေ့မှာ ဆန္ဒပြခကတ်ပါရာမနား ။
       နိုင်ငံရီးမှာ အဆင့်မြင့်ဆုံး နိုင်ငံရီးပန်းတိုင်ဖြိုက်တေ ကိုလိုနီဖျက်သိမ်းရီး သို့  မဟုတ် လွပ်လွပ်ရီးကို ဆရာကြီး ဦးအေးကျော်က ဦးဆောင်ပနာ လုပ်ခပါဗျန် ။ ရခိုင်နိုင်ငံရီး သမားတိန့်  ရခိုင်တော်လှန်ရီးသမားတိန့်  မျိုးဆက်သစ် ရခိုင်လူမျိုးတိန့် ကို မျိုးစိချပီးလိုက်ပါဗျန်မနား ။ ဒေချင့်က ကမ္ဘာလောက် တန်ဖိုး ဖြတ်မရနိုင်ရေ နိုင်ငံရီး လုပ်လိုက်စော်ပါဒေ။ သမိုင်းဆရာ စာရီးဆရာကြီးက နိုင်ငံရီးမှာ မျိုးချစ်စိတ်ဟိဖို့  စော်ကို လမ်းညွှန်ပြလိုက်စော်ချင့် ။ ဒေပိုင်လမ်းညွှန်ပြလိုက်လို့  အခု မျိုးဆက်သစ် ရခိုင်လူမျိုးတိန့် က ရခိုင်နိုင်ငံတော်ကို ပြန်လို့  ရချင်လာကတ်ပါဗျန်မနား ။ ကိုလ်ုနီဖျက်သိမ်းရီးကို တောင်းဆိုလာကတ်ပါဗျန်မနား ။ စစ်မှန်ရေ အမျိုးသား ရပိုင်ခွင့်တခုကို ဆရာကြီးက ထောက်ပြလားခပါဗျန်ကာ ။ ဒေခုပိုင် ဆရာကြီး ဦးအေးကျော်က မျိုးစိချပီးလိုက်စော်ကို မျိုးဆက်သစ် ရခိုင်လူငယ်တိန့် က သူရို့ တိန့်  ရင်ထဲ နှလုံးသားထဲမှာ စိုက်ပျိုးကတ်ပါဗျန်ထော ။ ယေကေ ဒေပိုင် ကျေးဇူးကြီးမားရေ အသိတရားကို ပီးခရေ ဆရာကြီး ဦးအေးကျော်ကို ဂုဏ်ပြုရေအတွက်နင့် အကျွှန်ရို့ က ဇါနင့် ချီးကြူး ဂုဏ်ပြု ချီးမြှောက်သင့်ပါဖို့ လေး ။ အခြားတဖက်မှာ ဒေပိုင်ရခိုင်နိုင်ငံတ်ာကို ကိုလိုနီလုပ်ထားစော်ကို ဖျက်သိမ်းပီးဖို့  ဆန္ဒပြရေအတွက် ဆရာကြီး ဦးအေးကျော်မှာ အကြီးအကျယ် တိုက်ခိုက်ခံရပါရေ ယေ ။ ၀ီဖန်ခံရပါရေ ယေ ။ ပြည်ပက လူတိပါ ( ရခိုင်သားနင့် ဗမာ ) တိုက်ခိုက်တေပိုင် - ပြည်တွင်းက စစ်အစိုးရကလေး သတိထားပနာ နီစော်ပါဗျန် ။ ဒေပိုင်ဖြိုက်ကေလေး ဆရာကြီးက ယင်းပိုင်စော်မှာ အန္တရယ်ကို မမှူဘဲနင့် ကိုယ်လုပ်စရာကိုရာ တစိုက်မတ်မတ် လုပ်စော်ပါဗျန်ကာ ။
        တော်လှန်ရီးခေါင်းဆောင်ကြီးတိန့်  ဟိယင့်သားနင့် နိုင်ငံရီးသမားကြီး တိန့်  ဟိနီယင့်သားနင့် ရခိုင်လူမျိုးတိန့် အတွက် အမြင့်ဆုံး ဂုဏ်ထူးဆောင်ဘွဲ့ တခုကို ချီးမြှောက်ဖို့ စော်မှာ အကျွှန်စိုင်းစားကြည့်မိပါရေ ဒေ။ ယေကေ အချိန်ကာလနင့်  ၊ တာဝန်ယူထမ်းဆောင်ခရေ အမျိုးသား နိုင်ငံရီးဘ၀တိန့် ကို ဆက်စပ်ကြည့်မိပါရေ ။ဆရာကြီး ဦးအေးကျော်ပိုင် အကြမ်းမဖက်ရေနည်းနင့် ရခိုင်နိုင်ငံတော်ကို ကိုလိနီဖျက်သိမ်းပီးဖို့  တောင်းဆိုသင့်ရေလို့  ဇါပုဂ္ဂိုလ်တယောက်ကလေး မစိုင်းစားခပါဒေ။ မလုပ်ခပါဒေ။ ဒေပိုင် လုပ်ကေ မှားဖို့ လား မှန်ဖို့ လားဆိုစော်ကို ဆရာကြီး ဦးအေးကျော်က ပိုလို့  အသိဆုံးပါယေ ။ ရခိုင်နိုင်ငံတော် ကို ပြန်လို့  လိုချင်ရေ အတွက် ကိုလိနီဖျက်သိမ်းပီးပါဖိလို့  ပြောရေအချိန်မှာ ဆရာကြီးနောက်က မျိုးဆက်သစ် လူငယ်ပေါင်း နည်းစော် မဟုတ်ပါဒေ။ လူထုတိက နောက်က လိုက်လာကတ်ပါဗျန်  ။ ယေဇူးနင့် ဆရာကြီးချမှတ်ခရေ လမ်းစဉ်အတိုင်း လုပ်ဖို့  ဆိုကေ ရခိုင်နိုင်ငံကို ပြန်လို့  ရကတ်ဖို့ ရာလို့  ဆရာကြီး ဦးအေးကျော်က ရက်ပြတ်ပြောနီစော်ပါထော ။
       အခုဆရာကြီး ဦးအေးကျော် ဘ၀တပါးကို ပြောင်းလားခပါဗျန် ။ ဆရာကြီး ချမှတ်ပီးခရေ လမ်းစဉ်ကို လားကတ်ပါဖို့ နားရာ ။ ယေကေ ဆရာကြီး ဦးအေးကျော်၏ မျိုးစိချပီးခစော် အောင်မြင်ဗျန်လို့  ပြောကေ ရပါရေ မနား ။ မျိုးစိချပီးခရေ ဆရာကြီးအေးကျော်က ရခိုင်ငံတော် လွပ်လွပ်ရီးအတွက် မျိုးဆက်သစ် လူငယ်တိက တာဝန်ယူထမ်းဆောင်ကတ်ပါလို့  လမ်းညွှန်ပြခပါရေ ယေ ။ ယေကေ ယင်းလမ်းညွှန်ချက်အတိုင်း လားကတ်ပါဖို့  နားရာ ယေ ။ ယင်းပိုင်ရာ လားဖို့ ဆိုကေ ဆရာကြီးက အကျွှန်ရို့  ရခိုင်လူမျိုး ခေါင်းဆောင် အဖြိုက် သတ်မှတ် ရပါဖို့  မနား ။ ယင်းပိုင် အသိအမှတ် ပြုရဖို့  လိုပါရေ မနား ။ ဒေပိုင်သတ်မှတ်ရဖို့  စော်မှာ နောက်အကြောင်းအရာတခုက ဘင်္ဂလီမူဆလင် ကုလားတိန့် က ရခိုင်ပြည်ကို သူရို့  ပြည်ပါ ဆိုပနာ လုပ်လာစော်ပါဒေ ။ ဒေချင့်ကို ဆရာကြီးက ရခိုင်လူမျိုး ရခိုင်နိုင်ငံကို ကာကွယ်ခစော်ပါရာ ။ ဒေပိုင်ကာကွယ်ခလို့  ဘင်္ဂလီမူဆလင်ကုလားတိက တစိချေလေး လုပ်လို့  မရဘဲနင့် ဖြိုက်နီစော်ပါဒေ။ ဒေပိုင် ကိုယ့်ရခိုင်လူမျိုးကို ကာကွယ်ခရေ ဆရာကြီးကို ဘင်္ဂလီမူဆလင်ကုလားတိန့် က ဆရာကြီး ဘ၀တပါး ပြောင်းလားရေ နိ အထိ တိုက်ခိုက်နီတုံးပါသိမ့် ယေ  ။ ဆရာကြီးဦးအေးကျော်က ယင်းပိုင် ဘင်္ဂလီမူဆလင်ကုလားတိန့်  အန္တရယ်က ကာကွယ်ပီးထားစော်မှာ နိုင်ငံတကာက အစိုးရတိန့် က ပါ ဂရုပြု လက်ခံထားရရေ အချက်အလက်တိ အများကြီး ဟိပါရေ ။ ဆရာကြီးကရာ အသက်အန္တရယ်ကို ဂရုမထားဘဲ မလုပ်ဘဲ နီခကေ ဘင်္ဂလီမူဆလင် သမိုင်းလိမ် လူမျိုးတိက ရခိုင်တိုင်းရင်းသား လူမျိုးစုနွယ်ဖြိုက်ဗြီးကေ အခုဆိုကေ ရခိုင်လူမျိုးတိက ကုလားကို အိမ်ဦးခန်းမှာ ထိုင်လို့  ရှိခိုးနီရပါဖို့ ဗျန်ယေ ။ ဒေခုပိုင် ကာကွယ်ပီးထားလို့ ရာ အကျွှန်ရို့  အသက် ရှူပေါက်ရနီစော်လို့  သတ်မှတ်ရကတ်ဖို့ စော်ပါရာ ။ ဒေပိုင် ဘင်္ဂလီမူဆလင် သမိုင်းလိမ် လူမျိုးတိကို ဆရာဦးခင်မောင်စော( ဂျာမဏီ နင့် ဆရာဦးအေးချမ်း -ဂျပန် ) ရို့ ကိုလေးသွင့် ဒေပိုင် ရခိုင်လူမျိုး၏ သစ္စာတရားနင့် လူမျိုးဗီဇကို ကာကွယ်ပီးထားစော်နင့် ရခိုင်နိုင်ငံ၏ စစ်မှန်ရေ ရခိုင်လူမျိုးစုနွယ် ဖြိုက်ကြောင်းကို ဆရာကြီး ဦးအေးကျော်ရို့ နင့် အသိအမှတ်ပြုလို့  သမိုင်းမှန်ကို တင်ပြနီစော်ကို မှတ်တမ်းတင်ရဖို့ ပါယေ ။   ယေဇူးနင့်လေးသွင့် ဆရာကြီး ဦးအေးကျော်ကို ရခိုင်လူမျိုး ခေါင်းဆောင် အဖြိုက် သတ်မှတ်ကတ်ဖို့  ဆိုကေ တခုရာလိုပါရေ ။ ယင်းချင့်က ဆရာကြီး ကို ဘွဲ့  တခုချီးမြှောက်ရပါဖို့ ဗျန် ။ အကျွှန်က ဆရာကြီး ဦးအေးကျော်ကို ဒေပိုင် ရခိုင်နိုင်ငံတော်၏ အမြင့်ဆုံးဂုဏ်ထူးဆောင်ကို ချီးမြှောက်ချင်ပါရေ ထော ။ ဒေပိုင် ချီးမြှောက်ရေ ဘွဲ့ တံဆိပ်ကို တမလွန်ဘ၀က နီပနာ ဆရာကြီးက လက်ခံပီးပါလီဖိလို့  မှာလိုက်ချင်ပါရေ ။ ဒေပိုင် ချီးမြှောက်ဖို့ အကြောင်းအရာကို မျိုးဆက်သစ် ရခိုင်သားတိက လုပ်ကတ်ဖို့  လိုပါရေ ဒေ ။   ဆရာကြီး ဦးအေးကျော် သီဆုံးလားကေလေး နောက်ထပ်အေးကျော်ပေါင်း ထောင်သောင်းမက မွီးဖွါးခအောင် ဆရာကြီးက မျိုးစိချပီးခပါဗျန် ။ ဒေမျိုးစိကို ရခိုင်သားတိုင်းရင်ထဲမှာ ရှင်သန်စီဖို့  အပင်ဖြိုက်ထွန်းစီဖို့  ရီလောင်းစိုက်ပျိုး ကတ်ရပါဖို့ ဗျန်ကာ ။  လူသီကေလေး နာမည်မသီရေ ဆရာကြီးကို ရခိုင်သူရဲကောင်းအဖြိုက် သတ်မှတ်လိုက်ကေ အကျွှန်ရို့  ရခိုင်နိုင်ငံကို ရခိုင်လူမျိုးတိ အုပ်ချုပ်ခွင့်ရလာဖို့ စော်ပါဒေ။ ယင်းပိုင်အတွက်နင့်
     "   ရခိုင်သူရဲကောင်း "  ဆုအဖြိုက် ဘွဲ့ တံဆိပ်ချီးမြှောက်ခြင်း လုပ်ကတ်ဖို့ ဆိုကေ မကောင်းပါလားယေ ။  တကမ္ဘာလုံးမှာ ဟိရေ ရခိုင်လူမျိုးတိုင်းက ဒေချင့်ကို စိုင်းစားပနာရာ လုပ်ကတ်ဖို့ ဆိုကေ တနိမှာ ရခိုင်နိုင်ငံတော်ကို ရခိုင်သားတိ အုပ်ချုပ်နိုင်ကတ်ပါဖို့ လို့  ရာ ဆရာကြီး ဦးအေးကျော်  မိုးထအိပ်ရာက-ထရေအချိန်တိုင်း ပါးစပ်က ရွတ်ဆိုခရေပိုင် အတိုင်း ပြောလိုက်ရပါဖို့ ဗျန် ။ ဆရာကြီး ဦးအေးကျော်မှာ အိပ်ရာက ထလို့  နိုးဗျန်ဆိုကေ ရခိုင်သားချေတိန့် နင့် ရခိုင်ပြည်ကို ငါရို့  အုပ်ချုပ်မေလို့  ရက်ပြတ်-မတ်တပ်ရပ်ပနာ  သံပြိုင် ရွတ်ဆိုရေအကျင့်ကို လုပ်ပီးပါရေ  ။ ယေဇူးနင့် အမျိုးကိုချစ်တေ  ရခိုင်သူရဲကောင်းကို ဂုဏ်ပြုရေအတွက်နင့် ရခိုင်နိုင်ငံတော်ကို ပြန်လည်လိုချင်ရေ ရခိုင်သားတိုင်းက ဆရာကြီး ဦးအေးကျော်၏ ဆန္ဒကို ဖြည့်စည်းပီးနိုင်ကတ်ဖို့  အတွက် "  ရခိုင်သူရဲကောင်း" ဘွဲ့ ကို ဂုဏ်ပြုချီးမြှောက်ကတ်ဖို့ အတွက် ရခိုင်နိုင်ငံတော်မှာ အမှန်ပင် လိုနီစော်ဗျန် ပါ မနား ။

ခိုင်အောင်ကျော်  ( နယူးယောက် )