|
မြန်မာ-ဘင်္ဂလာ
နယ်စပ်ဒေသများအကြား တနင်္လာနှင့် အင်္ဂါနေ့က ရွာသွန်းခဲ့သော
မိုးရွာချိန်မြင့်မားမှုကြောင့် မိုးရေရှိန် အဆမတန်
ကြီးမားခဲ့မှုများဖြစ်ပေါ်၍ လူဦးရေ (၆၀)ခန့် သေဆုံးခဲ့ပြီး
သောင်းပေါင်းများစွာ ဘေးဒုက္ခကျရောက်လျက်ရှိနေကာ၊ ပုဇွန်ကန်များ၊
လယ်ကွင်းများ၊ တောင်ယာများ၊ ငါးကန်များ၊ ကျွန်းခင်းများနှင့် သစ်ခင်းများ၊
နေအိမ်များနှင့် လမ်းတံတားများ အများအပြား ပျက်ဆီးသွားခဲ့သည်။ဘူးသီးတောင်မြို့တွင် မြေမြင့်ပိုင်းဖြစ်သော ဈေးကြီး၊ သင်္ဘောဆိပ်လမ်းများသို့ ဒီရေ ၃ ပေအထိတက်ခဲ့ကြောင်းနှင့် မြို့နယ်ဒေသ များအတွင်း ရခိုင်လူထုတချို့ အသေအပျောက်များ အနည်းအငယ်ရှိခဲ့ကြောင်း မောင်တောမြို့မှ ကိုနိုင်နိုင်ကပြောသည်။
မောင်တောမြို့နယ် တောင်ပိုင်းနှင့် မြောက်ပိုင်းဒေသရှိ ဘင်္ဂလီများနေထိုင်သော ကျေးရွာများမှာ ရေလွှမ်းမိုးမှု အကြီးအကျယ် ဖြစ်ပေါ်ခဲ့ကြောင်း၊ နတ်မြစ်တွင်ဒီရေမှာ ၈ ပေအထိမြင့်တက်ခဲ့ကြောင်းနှင့် အသေအပျောက်အပျက်အစီးအရေအတွက်ကိုမူ စုံစမ်း၍ မရရှိသေးသဖြင့် ခန့်မှန်းပြောဖို့ ခက်ခဲကြောင်း သူကပြောသည်။
ရခိုင်ပြည်နယ် မင်းပြားမြို့နယ်နှင့် မောင်တောမြို့နယ်အတွင်းရှိ ပုဇွန်ကန်များမှာ ရေဖုံးလွှမ်းမှုများ ဖြစ်ပေါ်ခဲ့ပြီး ဆည်ကျိုးပေါက် ရှုံးဆုံးပျက်စီးမှုများ ဖြစ်ပေါ်ခဲ့ကြောင်း မောင်တောမြို့နယ် ဘင်္ဂလီအမျိုးသား ကိုဟာမိက ပြောသည်။
"မိုးက အငြိုးကြီးကြီးနဲ့ ရွာတာဖြစ်လို့ ဆည်တွေ ကျိုးပေါက်သွားတာပါ၊ ရေဖုံးလွှမ်းတော့ ပုဇွန်တွေက အကုန်လုံး ဆယ်မကျိုးခင် ကတည်းက ရှုံးဆုံးသွားပါပြီ၊ ပုဇွန်ဆည်တခုစီရဲ့ တန်ဖိုးကတော့ အကြီးအငယ်နဲ့ဆိုင်ပါတယ်၊ ဒါပေမဲ့ များသောအားဖြင့်တော့ မြန်မာကျပ် သိန်းချီ ရှုံးဆုံးသွားကြတာပါဘဲ၊ မင်းပြားမှာလည်း အကြီးအကျယ် ရှုံးဆုံးသွားကြတယ်လို့ မိတ်ဆွေတွေက ဆိုပါတယ်၊ အရေအတွက် အတိအကျ မပြောတတ်ပေမဲ့ ဆည်တာတမံ ၅ ခုတော့ ကျော်မယ်ထင်တယ်ဗျာ၊ ကျွန်တော် ပုဇွန်ကန်ကတော့ ရွံ့နစ်ဘဲကျန်ခဲ့ တယ်ဗျာ။"ဟု ရှင်းပြသည်။
ထို့ပြင် မောင်တောမြို့နယ်နှင့် ကျောက်ဖြူမြို့နယ်ရှိ ငါးမွေးမြူရေးဆည်ကန်များ တချို့ပါ ကျိုးပေါက်သွားခဲ့ကြောင်းနှင့် ဆည်အနီးအနားရှိ လယ်မြေတချို့ပါ မြေလွှမ်းမှုများဖြစ်ပေါ်နေ၍ မိုးစပါးအတွက် အခက်အခဲများ ဖြစ်ပေါ်နိုင်ကြောင်း ဆက်လက်ပြောသည်။
မောင်တောမြို့နှင့် မျက်နှာချင်းဆိုင်တည်ရှိသော နတ်မြစ်တဘက်ရှိ တာခ်နာမြို့နယ်တွင် စာသင်ကျောင်းများသို့ ရေလွှမ်းမိုးမှုများ ဖြစ်ပေါ်ခဲ့၍ ယနေ့အထိ ကျောင်းပိတ်ထားရကြောင်း၊ တောင်ပြိုကျမှုကြောင်း အနည်းဆုံး ၂၀ ဦးရေကျော်ထိ သေဆုံးမှုများ ရှိနေကြောင်း၊ ငါးပုဇွန်ဆည်များ ကျိုးပေါက်သွားခဲ့ကြောင်း၊ လူနေအိမ်များ ရေလွှမ်းမိုးမှုများရှိနေ၍ သောင်းချီဒုက္ခသည်များ စားနပ်ရိက္ခာ အခက်အခဲများနှင့် ရင်ဆိုင်နေရကြောင်း ဒေသထုတ် သတင်းစာများက ဆိုသည်။
ထို့ပြင် စစ်တကောင်းတောင်တန်းဒေသရှိ ရင်ဂါမိတီခရိုင်၊ ဘင်ဒရိုဘင်မြို့နယ်၊ ကော့စ်ဘဇားခရိုင်အတွင်းရှိ မြို့နယ်ကျေးရွာများအတွင်း မိုးရေရှိန်မြင့်မား၍ ရေလွှမ်းမိုးပြီး တောင်ပြိုကျမှုများကြောင့် ငှက်ပျိုးပင်၊ ကျွန်းပင်၊ ငါးဆည်တာတမံများ၊ လယ်ယာတောင်များ၊ နနွမ်းခင်းများ၊ ဂျင်းဂျီးခင်းများ၊ မိုးရာသီအတွက် စပါးပျိုးခင်းများ၊ မြေဖုံး၍ နေအိမ်အတွင်း သေဆုံးသွားကြသူ ၄၀ နီးပါးအထိ၊ ဒဏ်ရာ ရရှိသွားသူများ၊ လမ်းတံတားများနှင့် ကြက်နွားမွေးမြူရေးခြံများ ရေမြေလွှမ်းမိုးမှုများကြောင်း အများအပြား ရှုံးဆုံးမှုများ ဖြစ်ပေါ်ခဲ့သည်။
"မိုးကတအားကို ဖိပြီးရွာပါတယ်၊ ကျွန်တော်ငါးကန်ကို ဖေါက်ပစ်ဖို့ကြံနေစဉ်မှာ ဆည်ကျိုးပေါက်သွားပါတယ်၊ မိုးရာသီတနှစ်လုံးအတွက် မိုးရွာသလားလို့ စဉ်းစားမိပါတယ်၊ ရေကြီးပြီးဆည်ကျိုးတယ်၊ မြေနူးပြီး တောင်ပြိုတော့ အခင်းအရာတွေပါသွားတယ်၊ ဒုက္ခခံပြီး လုပ်ထားတော့ ပြန်လုပ်ဖို့အတွက် စိတ်ရော၊ ငွေရော၊ လူပါ ဘာဆိုဘာမှ မစဉ်းစားချင်တဲ့ အခြေအနေ ဖြစ်နေပါတယ်၊ ဒီကနေ့ ရာမူး (ပန်းဝါမြို့)အထိ လမ်းတွေလည်း လုံးဝလူတောင် သွားမရသေးဘူး။"ဟု မိုးရေလွှမ်းမိုး၍ ရှုံးဆုံးခဲ့ရတဲ့ မရှက်ချောင်းဒေသမှ ကိုအညိုက ပြောသည်။
မရှက်ချောင်းဒေသအတွင်းရှိ ငါးမွေးမြူရေးဆည်တာတမံ ၇ ခုကျိုးပျက်သွားခဲ့ကြောင်း၊ တောင်ယာခင်း ၁၀ ကျော်ပျက်စီးသွားခဲ့ကြောင်း၊ ကျွန်းခင်း ၃ ခုပျက်စီးသွားခဲ့ကြောင်း၊ ကွမ်းခင်း ၁၀ နီးပါးထိ ပျက်စီးသွားခဲ့ကြောင်း၊ ခရမ်းခင်းနှင့် တခြားဟင်းခင်းများ ပျက်စီးသွားခဲ့ကြောင်းနှင့် ကော့စ်ဘဇားမြို့နယ်နှင့် တာခ်နာမြို့နယ်များရှိ ပုဇွန်ကန်များ ပျက်စီးသွားခဲ့မှု တာကာ ၁၀ ကျော်တန်ဖိုးနှင့် နေအိမ်တချို့ ပျက်စီးသွားခဲ့ကြောင်း သူကဆက်လက်ပြောသည်။
ယခုအခါ ဘင်္ဂလာတွင် မိုးကြီးရွာသွန်းမှုကြောင့် သိန်းချီပြီး လူထုများ အိုးမဲ့အိမ်မဲ့ဖြစ်နေကြရပြီး ပြန်လည်ထူထောင်ရေးအတွက် စီစဉ်ဆောင်ရွက်မှု ယခုအချိန်ထိ လုံးဝမရှိသေးကြောင်း သိရှိရသည်။
http://www.arakantimes.net/burmese/index.php/2012-02-24-06-58-57/243-2012-06-28-06-16-32
No comments:
Post a Comment