ရခိုင်ပြည်နယ်ကို ရခိုင်ပြည်လို့  သတ်မှတ်ရန် RNDP တောင်းဆိုသင့်

အခုအချိန်မှာ ပြည်သူ့ လွှတ်တော်ညီလာခံကို ကျင်းပနီစော်မှာ
ရခိုင်တိုင်းရင်းသားတိုးတက်ရီးပါတီက လွှတ်တော်အထဲမှာ ရခိုင်လူမျိုးရို့ ၏
ရပိုင်ခွင့်နင့် ပါတ်သက်ပနာ ရခိုင်ပြည်မှာ လိုအပ်နီစော်တိကို
တင်ပြတောင်းဆိုနီစော်တိကို မြင်ရာကြားနီရပါရေ ။ ယင်းပိုင်အတွက်တာနင့်
-၂၀၀၈-ခုနှစ် ဖွဲ့ စည်းအုပ်ချုပ်ပုံအခြီခံ ဥပဒေအတိုင်း လွှတ်တော်မှာ
တင်ပြဖို့ တောင်းဆိုရဖို့ စော်မှာ ဥပဒေပါအချက်အလက်တိနင့် ကိုက်ညီရေ
အကြောင်းအရာတိကို တင်ပြတောင်းဆိုဖို့  လိုအပ်နီစော် တခုဟိနီလာပါရေထော ။
၂၀၀၈-ခုနှစ် ဖွဲ့ စည်းအုပ်ချုပ်ပုံအခြီခံဥပဒေ၏ အခြီခံ မူ ဖြိုက်တေ ဥပဒေ
အချက်( ၃ ) မှာ နိုင်ငံတော်သည် တိုင်းရင်းသားလူမျိုးပေါင်းစုံ နီထိုင်သော
နိုင်ငံလို့  သတ်မှတ်စော်မှာ တိုင်းရင်းသားလူမျိုးပေါင်းစုံ ( ၁၃၅ )
မျိုးဖြင့် ဟိနီသော နိုင်ငံလို့  သတ်မှတ်ရဖို့ ဆိုစော် လုပ်ကတ်ရပါဖို့  ။
ယေမှရာ ရခိုင်ပြည်က ဘင်္ဂလီမူဆလင်ကုလားလူမျိုးတိက ရခိုင်ပြည်မှာ သူရို့ က
တိုင်းရင်းသားလူမျိုးဖြိုက်တေလို့  ပြောနီစော်ကို
ပိတ်ပင်တားဆီးနိုင်ပါဖို့ ယေ ။ နောက်ဗြီးကေ ဒေပိုင်
တိုင်းရင်းသားလူမျိုးပေါင်း( ၁၃၅ ) မျိုး နီထိုင်ရေ နိုင်ငံဖြိုက်တေလို့ 
ကမ္ဘာကို တရားဝင်ကြီညာထားစော်မှာ အခြီခံ ဥပဒေအချက်ထဲမှာ ဥပဒေအချက်အလက်နင့်
ထည့်ထားဗြီးကေ ဒေပိုင် လူမျိုးလ်ိမ်ကုလားလူမျိုးတိက လိမ်ပနာ
လုပ်နီစော်ကိုလေးသွင့် ကမ္ဘ့ာ့ကုလသမဂ္ဂအပါအ၀င် နိုင်ငံတကာကလေးသွင့်
အသိအမှတ်မပြုဘဲ ယင်းပိုင်အသုံးအနုံးကို ပယ်ချပီးဖို့ စော်ကိုပါ
တောင်းဆိုလုပ်ကတ်ရပါဖို့ ယေ ။ ဒုတိယအချက်မှာ အခြီခံ ဥပဒေ ဥပဒေ( ၉ ) မှာ
တိုင်းဒေသကြီး တခုခု၏ အမည်ကို ဖြိုက်စီ ၊ ပြည်နယ်တခုခု၏ အမည်ကိုဖြိုက်စီ
ပြောင်းလဲသတ်မှတ်လိုကေ သက်ဆိုင်ရာ တိုင်းဒေသကြီး သို့ မဟုတ်
ပြည်နယ်အတွင်းမှာ နီထိုင်ကတ်သော နိုင်ငံသားများ၏ ဆန္ဒရယူပနာ
ဥပဒေပြဋ္ဌန်းခြင်းဖြင့် ပြောင်းလဲ သတ်မှတ်ရမည်လို့  ဖေါ်ပြထားစော် ဟိပါရေ ။
ယေဇူးနင့် ရှေးခေတ်အဆက်ဆက်ကပင် ရခိုင်ရှင်ဘုရင်ရို့  ထီးနန်းစိုက်ပနာ
အုပ်ချုပ်နီထိုင်ခရေ ဓည၀တီ ရခိုင်နိုင်ငံတော်ကြီးမှာ သမိုင်းဆိုင်ရာ
အချက်အလက်တိနင့် ထည်ထည်ဝါ၀ါ ဟိခစော်ကို ကမ္ဘယက
အသိအမှတ်ပြုဗြီးသားဖြိုက်ပါရေ ။ ယင်းပိုင်သိကတ်တေပိုင် အခုလက်ဟိ
သမတဦးသိန်းစိန် အစိုးရကလေးသွင့် ရခိုင်ဆိုစော် တချိန်က
ကိုယ့်မင်းကိုယ့်ချင်းနင့် နီခကတ်တေ လူမျိုး ဆိုစော်ကိုလေးသွင့်
သိကတ်ပါရေကာ ။ ဒေချင့်ကို အကြောင်းပြပနာ ရခိုင်နိုင်ငံတော်ကို အသိအမှတ်
ပြုပနာ အခုလက်ဟိ မျက်မှောက်ကာလမှာ ရခိုင်လူမျိုးက်ို ကိုယ်စားပြုသော
နိုင်ငံအဖြိုက် သတ်မှတ်ဖို့  ဒေကနိ ရခိုင်လူထု၏ တောင်းဆိုချက်အရ
ရခိုင်ပြည်လို့  ခေါ်ဝေါ်သတ်မှတ်ဖို့ စော်ကို တောင်းဆိုရကတ်ပါဖို့ ဗျန်ကာ ။
           အခုလက်ဟိ ရခိုင်ပြည်နယ် ဆိုစော်က မဆလအစိုးရက ၁၉၇၄-ခုနှစ်က
ဦးနေ၀င်း လုပ်ခရေ ၁၉၇၄-ခုနှစ် နိုင်ငံတော် ဖွဲ့ စည်းလုပ်ချုပ်ပူံအခြီ
ဥပဒေမှာ အသိအမှတ်ပြုခကတါစော် ရခိုင်ပြည်နယ်ဖြိုက်ပါရေ ယေ ။
ယင်းရခိုင်ပြည်နယ်လို့  ဥပဒေနင့် သတ်မှတ်ခစော်ကလေးသွင့် ၁၉၈၈-ခုအရီးတော်
ပုံမှာ ပျက်စီးလားပနာ အခုအချိန်မှာ ယင်း၁၉၇၄-ခုနှစ် ဖွဲ
့စည်းအုပ်ချုပ်ပုံ အခြီခံ ဥပဒေကိုလေးသွင့် မသုံးကတ်ပါဗျန်ဒေ ။ ယေကေ
ယင်းပိုင် ယင်းဥပဒေပါအချက်အလက်တိကို  မသုံးကတ်တေပိုင် ယင်းဥပဒေမှာပါခရေ
ရခိုင်ပြည်နယ်ကိုလေးသွင့် မသုံးကတ်ဖို့ စော်ကို တောင်းဆိုကတ်ရပါဖို့ ဗျန်
။ ရခိုင်နိုင်ငံတော်မှာ -၁၉၄၈-ခုနှစ်ကပင် ပျောက်ကွယ်လားခဗြီးပေ
မြန်မာနိုင်ငံ လွပ်လွပ်ရီးရလားစော်နင့်ပင် ရခိုင်လူမျိုးရို့ မှာ အလိုလိ
နီယင်း ကိုလိုနီဘ၀ကို ရောက်လားခစော်ပါရာ ။ ယေဇူးနင့် ယင်းခါက
ပြည်ထောင်စုအစိုးရမှာ ၀န်ကြီးချုပ် ဦးနုကို ရခိုင်ပြည်နယ် အမြန်ပီး
ဆိုပနာ နိုင်ငံရီးသမားတိက တောင်းဆိုခကတ်ပါသိရေ ။ လူထုတိက တောင်းဆို
ခကတ်ပါသိရေ ။ ၀န်ကြီးချုပ် ဦးနုကို ဗိုလ်ချုပ်ကြီး နေ၀င်းက
အာဏာသိမ်းလိုက်တေ -၁၉၆၂ -ခုနှစ်ခါမှာ ယင်းရခိုင်ပြည်နယ် ဆိုစော်ကလေးသွင့်
ကြက်ပျောက်ငှက်ပျောက် ပျောက်လားခပါရေ ယေ ။ ၁၉၇၄-ခုနှစ်မှာ
တပါတီအာဏာရှင်ဖြိုက်တေ ဦးနေ၀င်းက ရခိုင်ပြည်နယ်ကို အသိအမှတ်
ပြုခစော်ဖြိုက်ပါရေ ဒေ ။
      ယေဇူးနင့် ၁၉၇၄-ခုနှစ် နိုင်ငံော် ဖွဲ့ စည်းအုပ်ချုပ်ပုံအခြီခံ
ဥပဒေမှာ ပါခလို့  အသိအမှတ်ပြုထားခကေလေးသွင့် ယင်းဥပဒေကိုလေး
အသုံးမပြုရေအချိန်မျိုးမှာ ယင်းရခိုင်ပြည်နယ်ကိုလေးသွင့် လက်ခံဖို့ 
မဖြိုက်နိုင်ပါဒေ ။ ၂၀၀၈-ခုနှစ် နိုင်ငံတော်ဖွဲ့ စည်းအုပ်ချုပ်ပုံ
အခြီခံဥပေဒ ( ၉ ) အရဆိုကေ ရခိုင်ပြည်က ရခိုင်လူမျိုး၏ ဆန္ဒကို ရယူပနာ
ရခိုင်ပြည်သူ့ လွှတ်တော်ကိုယ်စားလှယ်ရို့ က လွှတ်တော်မှာ
တင်ပြတောင်းဆိုရေလို့ ဆိုကေ ဥပဒေပြဋ္ဌန်းပနာ ရခိုင်ပြည်လို့ 
ခေါ်ဝေါ်သတ်မှတ်ကတ်ရပါဖို့ ဒေ ။ ဒေပိုင် ရခိုင်ပြည်လို့ 
သိတ်မှတ်လိုက်တေဆိုကေ ရခိုင်နိုင်ငံတော်နင့် ရခိုင်ပြည် ဆိုစော် အတူတူလို
့ရာ ရခိုင်လူမျိုးတိမှာ ခံစားကတ်တေပိုင် အဖရခိုင်ပြည်ကိုလေးသွင့် သတိတရ
ဟိကတ်စော်ပါရာဒေ ။ပြည်နယ်ဆိုစော်က အလိုလိုနီယင်း စိတ်အားငယ်ရရေ
နာမည်မျိုးဖြိုက်ပနာ ဟိနီရေအတွက် ရခိုင်တိုင်းရင်းသားတိုးတက်ရီးပါတီက
လွှတ်တော်ကိုယ်စားလှယ်ရို့ အနီနင့်  ဥပဒေ အမှတ် ( ၉ ) ကို
ရခိုင်လူမျိုးတိပါးမှာ ချပြပနာ လူထုဆန္ဒယူဖို့  အချိန်ကျရောက်နီပါဗျန်လို
့ ပြောချင်ပါရေ ဒေ ။ ဥပဒေအမှတ်( ၉ ) မှာ ပြည်နယ်အတွင်း နီထိုင်ကတ်သော
နိုင်ငံသားများ၏ ဆန္ဒရယူဗြီးဖြိုက်ပါက ဥကဒေပြဋ္ဌန်းခြင်းဖြင့်
သတ်မှတ်ရမည်လို့  အတိအကျ ဖေါ်ပြပါထားပါရေထော ။

ခိုင်အောင်ကျော် ( နယူးယောက် )