ခေါင်းဆောင်ကြီး သုံးယောက် အတူတူ

                    ခေါင်းဆောင်ကြီး သုံးယောက် အတူတူ
ထိုင်လို့  ဆွီးနွီးဖို့  အချိန်သင့်ဗျန်ထင်သည်
     ကျွန်တော် ရည်ညွှန်းသော ခေါင်းဆောင်ကြီး သုံးယောက်ဆိုစော်မှာ ( ALP
) -ရခိုင်ပြည်လွပ်မြောက်ရီးပါတီ ဥက္ကဋ္ဌ ခိုင်ရဲခိုင် ၊ ( DPA
)-ရခိုင်ပြည်ဒီမိုကရက်ပါတီ ဥက္ကဋ္ဌ ဦးသိန်းဖေ နင့် ( NUPA )
-ရခိုင်ပြည်အမျိုးသားညီညွတ်ရေးပါတီ ဥက္ကဋ္ဌ ဒေါက်တာခင်မောင်ရို့ ကို
ဆိုလိုရင်းဖြိုက်သည် ။ သူရို့ သုံးယောက်နင့် ကျွန်တော်သည် အိန္ဒိယနိင်ငံ
နယူးဒေလီ၌ ကျင်းပခရေ  ရခိုင်အမျိုးသားကောင်စီကို ဖွဲ့ စီးကတ်ဖို့ အခါက
ညီလာခံမှာ အတူတူတွိဆုံ ဆွီးနွီးခဖူး ကြုံခဖူး ၊ တခုံတည်း စားဖူး ရယ်ဖူး
ခရေ လူတိရာဖြစ်သည် ။ ပထမအကြိမ်မှာ ဥက္ကဋ္ဌခိုင်ရဲခိုင် တက်ရောက်ခကေလေးသွင့်
ဒုတိယအကြိမ်မှာ မတက်ခ ။ယင်းအချိန်၌ အေအန်စီမှ ထွက်လားခဗျန်ဖြိုက်သည် ။
သူရို့  သုံးယောက်ကို ကျွန်တော် အခုအချိန်မှာ ဗြီးလို့  သတိရမိလာသည်။
ပဇေါင်ဖြိုက်လို့ ဆိုကေ အခြားလူမျိုးတိက သမတဦးသိန်းစိန်အစိုးရက
အပစ်အခတ်ရပ်စဲရီး အတွက် လုပ်လာရေအခါ တသံတည်းထွက်ဖို့ လိုရေ  ဆိုပနာ
ကွဲနီရေ သူရို့ အချင်းချင်း သဘောတူ တွိဆုံပနာ ချစ်ကြည်ရီး လုပ်စော်တိ
မြင်လာလို့  ဖြိုက်သည် ။ ဥပမာ ကရင်အမျိုးသားအစီးအရုံးနင့် ဒီကေဘီအေ အဖွဲ
့ရို့ က တသံတည်းထွက်ဖို့  တွိဆုံခြင်း ၊ ကရင်လူမျိုးတိ ညီလာခံ လုပ်စော်တိ
မြင်ရခြင်းတိအတွက်နင့် ကိုယ်ရို့ 
ရခိုင်လူမျိုးအကြောင်းစိုင်းစား

ယင်းပင်း သတိရလာစော်ဖြိုက်သည် ။ ယေခါ
ရင်မှာ နာချင်ချင် ဖြိုက်လာမိသည် ။ ကျွန်တော်၏ ခံစားမှုကို အသိအမှတ်
ပြုပါလီဖို့ လားဆိုပနာ စိတ်ထဲမှာ တောင်စိုင်ရီမရ စိုင်းစားပနာ
အတွက်ဖေါ်မိလာသည် ။
            ဇါပင်ဖြိုက်ဖြိုက် ပြောခစီ ဆိုခစီဖြိုက်အောင် ကျွန်တော်က
ပြောရပါဖို့ ထင်သည် ။ ဒေအချိန်မှာ ကျွန်တော်မပြောကေ မရဗျန်လို့ ထင်သည်။
ပထမဦးဆုံး ပြောချင်စော်က ဒေပုဂ္ဂိုလ်သုံးယောက်စလုံးကျွန်တော့်ထက်
အသက်အရွယ် ကြီးသည် ။ ယေဇူးနင့် လက်ဆယ်ဖြာ ထိပ်မှာမိုးလို့ 
ရှိခိုးကန်တော့ပါသည်လို့  ပြောချင်သည်။ အမှားပါလားခကေ စီတနာအမှားလို့ ရာ
ထင်မှတ်ကတ်ပါလီဖိ ။ နားနင့်မနာ ဖ၀ါးနင့်နာ ဆိုရေပိုင် မျက်စိနင့် မဖတ်
အသိနင့် ဖတ်ပါလီဖိလို့ ရာ တောင်းပန်ထားချင်သည် ။ ဇါဖြိုက်လို့ ဆိုကေ
ကျွန်တော်ရို့ မှာ စီတနာအမှားတိကို တခါတခါ မသိ နားမလည်ကတ်ဘဲ လိုရာဆွဲပနာ
ပြောချင်ရာကို ပြောပလိုက် ရီးချင်ရာကို ရီးပလိုက်တေ ယိုင်ကျေးမှုတိက
ဟိနီလို့ ဖြိုက်သည်။ ယေဇူးနင့် ကျွန်တော် မေတ္တာရပ်ခံထားစော်ဖြိုက်သည်။
        ကျွန်တော်နင့် တွိဖူးရေ ဥက္ကဋ္ဌ ခိုင်ရဲခိုင်မှာ
သာမန်တော်လှန်ရီးသမားမဟုတ် ။ သမိုင်းဝင် ကမ္ဘာ့တော်လှန်ရီးသမား
စာရင်းထိပ်တန်းဝင်သူဖြိုက်သည်။ ရခိုင်နိုင်ငံလွပ်မြောက်ရီးအတွက်
မြန်မာနိုင်ငံအရှေ့ဖက် ကရင်နယ်မြီဖက်က တောလမ်းခရီးအတိုင်း လာလတ်စော်မှာ
မိုင်ပေါင်းထောင်သောင်းခရီးကြမ်းကို ဖြတ်လာသူဖြိုက်သည်။
ရခိုင်ပြည်လွပ်မြောက်ရီးပါတီက ဥက္ကဋ္ဌ ခိုင်မိုးလင်းမှာ ယင်းခရီးရှည်
တော်လှန်ရီးခရီး၌ တိုက်ပွဲမှာ ကျဆုံးလားခရဗြီးကေ အခုလက်ဟိ ဥက္ကဋ္ဌ
ခိုင်ရဲခိုင်ရို့ တိုင်သားတိမှာ မဆလအစိုးရက သေဒဏ်ပီးခံရသူဖြိုက်သည်။
ဥက္ကဋ္ဌခိုင်ရဲခိုင်မှာ သေဒဏ်ကျခံနီစော်က လွပ်မြောက်လာပနာ
လွပ်မြောက်လာစော်နင့် ရခိုင်ပြည်လွပ်မြောက်ရီးပါတီကို ပြန်လို့ 
ထူးထောင်သူဖြိုက်သည် ။ အဂင့်ဂင့်ရာ ရခိုင်နိုင်ငံက အခုအချိန်မှာ
လွပ်မြောက်ခဗျန်ဆိုပါကေ ကမ္ဘာ့သမိုင်းဝင် တော်လှန်ရီး သမားကြီးလို့  ဇါသူက
မပြောဘဲ နီလီပါဖို့ ချင့် ။
     ဥက္ကဋ္ဌ ဦးသိန်းဖေမှာ ရခိုင်ပြည်ကွန်မြူနစ်ပါတီက ဖြိုက်ဗြီးကေ
အိမ်ရှင်မမှာ မဆလအစိုးရက သတ်ဖြတ်ပနာ လိုင်ပင်းဖြတ်ခံလိုက်ရသူဖြိုက်သည် ။
၁၉၆၃-ခုနှစ် ပြည်တွင်းငြိမ်းချမ်းရီးလုပ်တေအခါ ဥက္ကဋ္ဌ ဦးကျော်ဇံရွှီးနင့်
ရခိုင်သမတနိုင်ငံ ထူထောင်ပိုင်ခွင့်ကို တောင်းဆိုခသူထဲမှာ အဖွဲ
့ဝင်အဖြိုက် လားခသူဖြိုက်သည် ။ ဥက္ကဋ္ဌ ဦးသိန်းဖေမှာ
ရခိုင်ပြည်ဒီမိုကရက်ပါတီကို အခုအချိန်မှာ ဦးဆောင်ပနာ
ရခိုင်ပြည်အမျိုးသားကောင်စီကို ဦးဆောင်နီသည် ။
   ဥက္ကဋ္ဌ ဒေါက်တာခင်မောင်မှာ ဆီးတက္ကသိုလ်ကျောင်းသား ဘ၀ကပင် တောခိုပနာ
ရခိုင်ပြည်လွပ်လွပ်ရီးတပ်မတော်မှာ ပါလာဗြီးကေ ကချင်ဖက်မှာ
စစ်သင်တန်းတက်ခသူဖြိုက်သည်။  ဥက္ကဋ္ဌ ဗိုလ်ချုပ် ထွန်းရွှေမောင်နင့် အတူတူ
စစ်သင်တန်းတက်ပနာ ဗိုလ်မှူးချုပ် စံကျော်ထွန်းနင့် အတူတူ ရခိုင်ပြည်ကို
တောလမ်းအတိုင်း မိုင်ပေါင်းထောင်သောင်းမက
ခရီးရှည်တော်လှန်ရီးခရီးကြမ်းကို လာခသည်။ ယင်းအချိ်န်ကပင်စလို
့အခုအချိန်ထိ ရန်သူဘားမှာ အလံမလှဲ လက်နက်မချ အာဂ ပြောက်ကြား
တော်လှန်ရီးသမားကြီး အဖြိုက် ဘင်္ဂလားဒေ့င်္ရှနိုင်ငံမှာ နီယင်းပင်း
ရခိုင်ပြည်လွပ်မြောက်ရီးအတွက် ကြိုးပမ်းနီသည်။
ဒေါက်တာခင်မောင်မှာရခိုင်ပြည်တပ်မတော်မှ စစ်ဦးစီးချုပ်ဖြိုက်သူ
ဗိုလ်ချုပ်ခိုင်ရာဇါနင့် အတူတူ အိန္ဒိယနိုင်ငံ လန်းဖေါကျွန်းမှာ
စစ်စခမ်းကို ဖွင့်ဖို့  ကြိုးပမ်းခသူ ခေါင်းဆောင်တယောက်ဖြိုက်သည်။
ဗိုလ်ခိုင်ရာဇါကျဆုံးလားခဗြီးနောက် အခုအချိန်ထိ ပါတီကို ထိမ်းထားပနာ
ရခိုင်တော်လှန်ရီးအတွက် ပြောက်ကြားကြီးဘ၀နင့် လှုပ်ရှားနီသည် ။
        ဒေပုဂ္ဂိုလ်သုံးဦးစလုံးမှာ သာမန်တော်လှန်ရီးသမားကြီးတိ
မဟုတ်စော်ကို ကျွန်တော်ပြောရဲသည်။ ကျူးဘားနိုင်ငံ တော်လှန်ရီး အဖွဲ
့ဝင်တိက သေနတ် -၁၂-လက်နင့် ကျန်ခစော်က နောက်ဆုံးမှာ ဘာတစ္စတာ အစိုးရကို
တိုက်ထုတ်နိုင်ခပနာ နောက်ဆုံး ကျူးဘားနိုင်ငံ လွပ်မြောက်ရီးရလားခသည် ။
ယေဇူးနင့် ကျူးဘား တော်လှန်ရီး ခေါင်းဆောင် ကတ်စ်ထရို ကို
ကမ္ဘာ့ရဲခေါင်ပြောက်ကြား လို့  နာမည်တပ် ဂုဏ်ပြုခေါ်ကတ်ရသည်။
တရုပ်ပြည်ကွန်မြူနစ်ပါတီ ဥက္ကဋ္ဌ မော်စီတုံးက တရုပ်ပြည်အတွင်း လယ်သမားတိကို
အခြီခံပနာ မိုင်ပေါင်းထောင်သောင်းမက ခရီးရှည်ချီတက်ယင်း
ချန်ကေရှိတ်အစိုးရကို ဖြုတ်ချနိုင်ခသည်။ ယေဇူးနင့် မော်စီတုံးကို
ကမ္ဘာ့တော်လှန်ရီး ရဲခေါင်ပြောက်ကြားလို့  ပြောကတ်သည် ။ အိန္ဒိယနိုင်ငံက
မဟတ္တမဂန္ဒီကို ဆားချက်ဖို့  ခရီးရှည် လားစော်နင့် အေးရာမ အကြမ်းမဖက်
နိုင်ငံရီးသမားကြီး ဆိုပနာ ဂုဏ်ပြုခေါ်ဝေါ်ကတ်သည်။ သူရို့ တိမှာ သူရို
့နိုင်ငံလွပ်မြောက်ရီးရလားခလို့  သူရို့ ကို လူထုခေါင်းဆောင်အဖြိုက်
အသိအမှတ် ပြုကတ်စော်ပါရာ ။ အခုလေးသွင့် ကျွန်တော်ရို့  ခေါင်းဆောင်ကြီး
သုံးဦးစလုံးမှာ ဒေပိုင် ကမ္ဘာက အသိအမှတ် ပြုရေ လူတိနင့် ဇါချင့်တခု
ကွာခြားနီပါလေချင့် ။
       တော်လှန်ရီးခရီးကြမ်းမှာ အန္တာရယ်မျိုးစုံ အခက်အခဲမျိုးစုံ
ဘ၀မျိုးစုံကို တော်လှန်ရီးသမားတိုင်း နိုင်ငံရီးသမားတိုင်း တွိကြုံရစမြဲ
။ ယင်းအထဲမှာ ဒေပုဂ္ဂိုလ်သုံးဦးက အခက်အခဲမျိုးစုံ တွိနီကေလေးသွင့်
ကိုယ်ရို့  ချစ်မြတ်နိုးရေ ရခိုင်နိုင်ငံကို ပြန်လို့  ရအောင်
အပင်ပမ်းခံဗျန် ကြိုးပန်းနီစော်ကိုက ဦးညွတ်ဖို့ ကောင်းစော်ပါရာ ။
ဒေအချက်အလက်ကြောင့် ဒေဆောင်းပါးကို ကျွန်တော် ရီးဖြိုက်စော်ပါဒေ။
တော်လှန်ရီး ပြောက်ကြားကြီးရို့ မှာ အားလုံး ၆၀-ကျော်
ရ၀-တန်းကိုဝင်နီကတ်ဗျန်ဖြိုက်သည်။ အသက်အရွယ်ကြီးမြင့်လာစော်နင့်
မျိုးဆက်သစ် တော်လှန်ရီးသမားတိကို လက်ဆင့်ကမ်း ပီးရဖို့  တာဝန်ဟိလာသည်။
နီဝင်ချိန်ဖက်ကို ရောက်လာနီဗျန်ဖြိုက်လို့ 
တော်လှန်ရီးမျိုးချစ်စိတ်တိကို မွီးဖွါးပီးဖို့ လိုသည် ။ မျိုးစိမှန်ပနာ
အပင်သန်ဖို့  ရီလောင်းပျိုးထောင် ကောင်းဖို့ လိုနီသည်။
      ယေခါ အိန္ဒိယနိုင်ငံ နယူးဒေလီမြို့ မှာ ဒေပုဂ္ဂိုလ်သုံးဦးစလုံးက
အသံတသံတည်းကို မှတ်မျတ်ရရ ကြားဖူးခသည် ။ ယင်းစကားကို သူတို့ ပါတီတိက အဖွဲ
့ဝက်တိကလေးသွင့် ညီလာခံမှာ ပြောကတ်ဆိုကတ်သည် ။ကျွန်တော်ရို့ လေးသွင့်
ယင်းစကားကို အလှပလှ ပြောကတ်ဖြိုက်သည်။ ရခိုင်ပြည်အမျိုးသားကောင်စီကို
ပထမအကြိမ်ပါ ဒုတိယအကြိမ်မှာပါ ပြုလုပ်ခရေ ညီလာခံ ဗွီဒီိယို တိတ်ခွေကို
ဖွင့်ကြည့်ကတ်ကေ ယင်းစကားသံကို နားနင့်ဆတ်ဆတ် မကြားချင်အဆုံး ကြားရဖို
့ဖြိုက်သည်။ ယင်းစကားမှာ ရခိုင်လူမျိုး အချင်းချင်း စီးရုံးကတ်ပါ ၊
ညီညွတ်ကတ်ပါလို့  ပြောကတ်စော်ဖြိုက်သည် ။ အခန်းအနားတိ ပြုလုပ်ကေလေးသွင့်
ပြောလိုက်တေ ဒေညီညွတ်ရီးစကားမှာ အခုတောင်မှ နားထဲမှာ ကြားနီမိပါသိယင့်ဒေ။
      ဒေစကားကို ကျွန်တော်လက်ခံသည် ။ ပြောသည့်
ပုဂ္ဂိုလ်သုံးဦးစလုံးကိုလည်း မျိုးချစ်စိတ်ပြင်းထန်သူလို့  လက်ခံသည်။
သူရို့ ပြောသော စကားအတိုင်း သူရို့  လုပ်ချင်ကိုင်ချင် ရှိကတ်ဖို
့စော်ကိုလေးသွင့် ယုံကြည်မိဖြိုက်သည်။ သို့ သော် တခါတခါ
တော်လှန်ရီးကာလနင့် နိုင်ငံရီးကာလမှာ အခြီအနီ အမျိုးအမျိုး
ဟိစော်ကိုလေးသွင့် နားလည်ဖြိုက်သည် ။
အခုမျက်မှောက်ကာလမှာ ကရင်အမျိုးသားအစီးအရုံးနင့် ဒီကေဘီအေရို့ က
တသံတည်းထွက်ကတ်ဖို့  ညီညွတ်ရီး လုပ်ပြလိုက်ဗျန်ဖြိုက်သည်။
ကရင်လူမျိုးများ ကွန်ဖရင့်ကို ကျင်းပလိုက်ဗြီးဗျန်ဖြိုက်သည်။
ယှင်းယှင်းပြောရဖို့ ဆိုကေ စုပနာ လုပ်ကတ်ဖို့  ပြောကတ်ဖို့ ဆိုသော
လူမျိုးရီးမူဝါဒကို ရှေ့တန်းတင်လိုက်ခြင်းဖြိုက်သည်။ မိမိပါတီ မိမိအဖွဲ့ 
အကျိုးကျေးဇူးအားလုံးကို ဘေးမှာထားပနာ ကိုယ့်လူမျိုးကောင်းစားရီးနင့်
ကိုယ့်လူမျိုး ဂုဏ်သိက္ခာရှိရှိ တော်လှန်ရီး လောကမှာ ရှင်သန်
ရပ်တည်နီရီးကို လုပ်လိုက်စော်ဖြိုက်သည်။
       ကောင်းပါဗျန် ။ တော်လှန်ရီးလောကမှာ သက်တမ်းကြာပနာ လုပ်နီကတ်တေ
ခေါင်းဆောင်ကြီး သုံးဦးစလုံးမှာ ဒေသတင်းကိုလေးသွင့်
ကြားဗြီးဗျန်ဖြိုက်သည် ။ ဇါလောက်အထိ အကျိုးကျေးဇူး ဟိနီလေ ဆိုစော်ကို
စာဖွဲ့ ပြောဖို့ မလို ။ သို့ သော် ပြောစရာ စကား တခွန်း ဟိပါသည် ။
ရခိုင်လူမျိုးရို့ မှာ ရိုးရာကျင်ကိုင်ကတ်သည်။ ယေခါ ရွှီမာင်းတန်း ၊
ငွီမောင်းတန်း ၊ကြီးမောင်းတန်း ဆိုပနာ ဟိပါသည် ။
ရွှီမောင်းတန်းကျင်သန်တိမှာ ကျင်ကိုင်စော်မှာ ပထမကျသူတိရာဖြိုက်သည် ။
ကိုယ်ခံရိုးရာ ကျင်ကိုင်ပညာကို ကမ္ဘာလောက် ကျွမ်းကျွမ်းကျင်ကျင် တတ်သူရာ
ရွှီမောင်းတန်း ကိုင်ရသည် ။ အခုလေးသွင့် ရခိုင်တော်လှန်ရီးသမားကြီး
သုံးဦးမှာ ရွှီမောင်းတန်းပိုင်ရှင်တိ ဖြိုက်နီသည် ။ သာမန် အညံ့စားချေတိ
မဟုတ် ။ မြွီပွီးတိဖြိုက်သည်။
      အခုသမတ ဦးသိန်းစိန်အစိုးရက ခေါ်နီရေ အမျိုးသားပြန်လည်
စိစပ်ရီးနင့် ပြည်တွင်းငြိမ်းချမ်းရီးမှာ ရခိုင်လူမျိုးတိနင့် ဇါလောက်
အကျိုးကျေးဇူး ဟိလေဆိုစော်ကို ခန့် မှန်းနိုင်စွမ်း ဟိဖို့ လိုသည်။
ရခိုင်လူမျိုးနင့် အောက်သားလူမျိုးမှာ အမျိုးသားချင်းချင်း မဟုတ် ။
လူမျိုးခြားဖြိုက်နီစော် ကိုက ဒေနီရာမှာ ကွဲပြားနီသည်။ ယေဇူးနင့်
မဟာဗျူဟာအရ ကောင်းကောင်း အရီးကြီးနီသည်။ ဒေပိုင်အရီးကြီးစော်ကို
ရွှီမောင်းတန်းကျင်သန် ကြီးတိက ပိုလို့  သိဖို့ လိုသည်။
ခေါင်းဆောင်ကြီးသုံးဦးကို ရွှီမောင်းတန်း ကျင်သန်ကြီးလို့  ခေါ်စော်မှာ
ချစ်၍ခေါ်စော်ဖြိုက်သည်။ နပ်ယောက်ကားခံဗြီးကေ ကောက်ကျစ်ရေ ညဏ်မျိုးနင့်
သုံးနုံးစော် မဟုတ် ။ ကျွန်တော်ပြောချင်စော်က မဟာဗျူဟာအရ ကမ္ဘာလောက်
ရခိုင်လူမျိုးတိ၏ ဆန္ဒတိနင့် တလွဲစီဖြိုက်နီရေအခါ ရခိုင်လူမျိုးတိက
လိုချင်ရေ ပုံသဏ္ဍန်တခုကို တည်ဆောက်ပြဖို့ လိုသည်။ ယင်းပုံသဏ္ဍန်ကား တသံတည်း
ထွက်လားဖို့ ဖြိုက်သည်။
    ဇါပင်ဖြိုက်ဖြိုက် ခေါင်းဆောင်ကြီးသုံးဦးကို တနီရာတည်းမှာ
အခန်းတခုထဲမှာ ကျွန်တော်မြင်ချင်သည်။ ညီညွတ်ကတ်ပါဖိ ဆိုသော စကားကို
ခေါင်းဆောင်ကြီးရို့ ပြောစော်အသံကို အခုခါ ကြားခချင်သည် ။
ရန်သူအစိုးရနင့်  မဆွီးနွီးခင် ရခိုင်လူမျိုးများ
ပြန်လည်ရင်ကြားစိရီးနင့် ငြိမ်းချမ်းရီးကို အယင်လုပ်သင့်သည်လို့ 
မြင်သည်။ ယေဇူးကြောင့် ခေါင်းဆောင်ကြီးရို့ မှာ အချိန် နောက်မကျသီး ။
ဒေချင့်ကို ပထမ ဦးစားပီး လုပ်ကတ်ပါလို့ ရာ တိုက်တွန်းချင်ပါသည် ။ အဖွဲ
့အစီးတိုင်း လူပုဂ္ဂိုလ်တိုင်း အမှားတိ ဟိစမြဲ ဖြိုက်သည်။ ယေကေလေးသွင့်
ယင်းအမှားတိမှာ ခွင့်လွှတ်နိုင်ရဖို့ ကောင်းရေ အမှားတိမှန်း ညီလာခံထဲမှာ
ကျွန်တော်မြင်ခဖူးသည်။ ရယ်စရာအဖြိုက်နင့်လေးသွင့် စကားတိ
ပြောခကတ်ဗြီးဖြိုက်သည်။ ရန်သူနင့် ငြိမ်းချမ်းရီး ဆွီးနွီးဖို့ ဆိုကေ
ရန်သူမဟုတ်တေ ရခိုင်သားအချင်းချင်း မဆွီးနွီးလို့  ရပါဖို့ လားချင့် ။

ခိုင်အောင်ကျော် ( နယူးယောက် )