ဝမ်းနေးကြောင်း သဝဏ်လွှာပီးပို့ခြင်း

ဝမ်းနေးကြောင်း သဝဏ်လွှာပီးပို့ခြင်း

၁၅-ဒီဇင်္ဘာ၊၂၀၁၁-နိ မွန်းလွေးချိန်မာ ရေးဘော်မောင်သိန်းတင် (လက်ဟိ ရခိုင်ပြည်အမျိုးသားညီညွတ်ရေးပါတီ(NUPA)၏ ကာကွယ်ရေးဌာနတာဝန်ခံ) ကွယ်လွန်လားခကြောင်းကြားသိရလို့ အစားထိုးမရနိုင်ရေ တော်လှန်ရီးရေးဘော်တဦး၊ လုပ် ဖေါ်ကိုင်ဖက် သီဖေါ်သီဖက်တဦးအတွက် ဖေါ်မပြနိုင်အောင် ယူကျူံးမရ ဖြစ်ရရေ။

ရေးဘော်မောင်သိန်းတင်ရေ ၁၉၇၀-ခု၊မတ်လကုန်မာ “ရခိုင်ပြေလွတ်လပ်ရီးအဖွဲ့(AIO)”၏ လက်နက်ကိုင်တပ်မတော်ဖြစ် တေ “ရခိုင်ပြည်လွတ်လပ်ရီးတပ်မတော်(AIA)” ကိုစတင်တေဆောက်ရာမာ ပထမဆုံးရောက်လာရေ စုဆောင်းရီးရေး ဘော်အဖြစ်  ကချင်လွတ်လပ်ရေးအဖွဲ့(KIO)ဦးဆောင်ရေ ကချင်လွတ်လပ်ရေးတပ်မတော်(KIA) တပ်မာ(၁)နီမြီတို့ ရောက် ဟိလာရေ ရခိုင်မျိုးချစ်ပြေချစ် စစ်သားတဦးဖြစ်တေ။ 

၁၉၇၁-ခု၊ နိုဝင်္ဘာလမာ ရခိုင်ပြေတို့ဆင်းလာရေ AIA ပထမစစ်ကြောင်းမာ ပါဝင်ခရေရေးဘော်တဦးလေ့ ဖြစ်တေ။ စတင် တာဝန်ထမ်းဆောင်လာရေနိကပင်-ကွေလွန်ရေနိထိ တော်လှန်ရီး၏ ကြမ်းတမ်းခက်ထန်လွန်းလှရေခရီးကြမ်းမာ နှစ်ပေါင်း (၄၁)နှစ်တိုင်တိုင် မငြိုမငြင်တာဝန်ထမ်းဆောင်ခရေ မျိုးချစ်၊ပြည်ချစ် အာဇာနီသူရေးကောင်းတဦးလေ့ ဖြစ်တေ။

ရေးဘော်မောင်းသိန်တင်ရေ ရခိုင်ပြည်လွတ်လပ်ရီးတပ်မတော်(AIA)မာ ၁၉၇၀-မှ-၁၉၈၈-ခုထိ၊ ရခိုင်ပြည်အမျိုးသားညီ ညွတ်ရေးတပ်ဦး(NUFA)ကာလ ရခိုင်ပြည်သစ်တေဆောက်ရေးတပ်မတော်(NACA)မာ ၁၉၈၈-ကပင်-၁၉၉၀-ခုထိ၊ ဗိုလ်ခိုင် ရာဇာဦးဆောင်ခရေ ရခိုင့်တပ်မတော်(AA)မာ ၁၉၉၀-ကပင် ၁၉၉၃-ခုထိ၊ ရခိုင်ပြည်အမျိုးသားညီညွတ်ရေးပါတီ(NUPA)၏ ရခိုင်ပြည်တပ်မတော်(AA)မာ ၁၉၉၄ကပင်၂၀၁၁-ခုထိ သူ၏ တော်လှန်ရီးအပေါ်သစ္စာဟိမှု၊ တာဝန်ကျီပြွန်မှုရို့ကြောင့် ရေး ဘော်အဆင့်ှက AA ဒု-စစ်ဦးစီးချုပ်အဆင့်၊ နောက်ဆုံး NUPA ၏ ကာကွယ်ရီးဌာနတာဝန်ခံအဆင့်တို့ထိ အဆင့်ဆင့် တာဝန် တိုးမြှင့်ခံခရရေ သစ္စာဟိတော်လှန်ရီး ရေးဘော်ကောင်းတဦးဖြစ်တေ။

နောက်ဆုံးတာဝန်ထမ်းဆောင်ခရေအချိန်ထိ ရေးဘော်၏ အမျိုးသားရီးမျှော်မှန်းချက် အောင်ပွေးတို့မရောက်နိုင်ခသိရေအ တွက် မိမိရို့.မူလ AIA ထုံးစံအရဆိုကေ တမလွန်ဘဝမာ ပြေစောင့်စစ်သားအဖြစ်နန့် ဆက်လက်တာဝန်ထမ်းဆောင်ပါလီ လို့ မှာကြားလိုကေလေ့ နောက်ဆုံးတာဝန်ထမ်းဆောင်ခရေ AA ထုံးစံအရဆိုကေ ကောင်းရာသုဂတိတို့လားပါလီလို့ ခွင့်ပြု လိုက်ပါရေ။

ရေးဘော်၏ မပြီးဆုံးခသိရေတာဝန်အတွက် ကျန်ခရေ ငါရို့ NUPA/AA ရေးဘော်ရေးဖက်တိအားလုံးက အောင်ပွေးရရေ ထိ တညီတညွတ်ဆက်လက်တိုက်ပွဲဝင်လားဖို့ဖြစ်ကြောင်း တော်လှန်ရီးသစ္စာနန့် ဂတိပြုလိုက်ပါရေ။ 

ရေးဘော်ဦးခင်မောင်                                                                                                                         ဥက္ကဌ                                                                                                                    ရခိုင်ပြည်အမျိုးသားညီညွတ်ရေးပါတီ(NUPA)                 ရခိုင်ပြည်။      ၁၆ ဒီဇင်္ဘာ ၂၀၁၁-ခု။