Saturday, April 9, 2011

ဗဟိုချုပ်ကိုင်မှု လျော့နည်းသည့် ပြည်နယ်မျိုး RNDP လိုလား

ဗဟိုချုပ်ကိုင်မှု လျော့နည်းသည့် ပြည်နယ်မျိုး RNDP လိုလား

သဲသဲ | သောကြာနေ့၊ ဧပြီလ ၀၈ ရက် ၂၀၁၁ ခုနှစ် ၁၉ နာရီ ၀၁ မိနစ်


နယူးဒေလီ (မဇ္ဈိမ) ။ ။ ရခိုင်ပြည်နယ် အစိုးရအဖွဲ့တွင် ဝန်ကြီး ၃ ဦး ရရှိသော်လည်း လုပ်ပိုင်ခွင့် အပြည့်အဝမရှိလျှင် လူထုကို ပေးခဲ့သည့် ကတိကဝတ်များအား ဖော်ဆောင်ရန် မလွယ်ကူသဖြင့် ဗဟိုအစိုးရ ချုပ်ကိုင်မှု လျော့နည်းစေလိုကြောင်း ရခိုင်တိုင်းရင်းသားများ တိုးတက်ရေးပါတီ RNDP က ပြောဆိုလိုက်သည်။

“အစိုးရအဖွဲ့မှာ ပါတယ်ဆိုပေမယ့် ဘယ်လောက်လုပ်ပိုင်ခွင့် ပေးမယ်ဆိုတာ မသိသေးဘူး။ ရွေးကောက်ပွဲတုန်းက လူထုကို ပေးထားတဲ့ ကတိတွေကို ဖော်ဆောင်နိုင်ဖို့က ဒီအပေါ်မှာ မူတည်တယ်။ ပြည်နယ်အစိုးရ ရှိပေမယ့် ဗဟိုက အရာရှိတွေပဲ ချုပ်ကိုင်ထားရင် ဘာမှ ထူးလာမှာ မဟုတ်ဘူး” ဟု RNDP အတွင်းရေးမှူး ဦးလှစောက မဇ္ဈိမကို ပြောသည်။

ရခိုင်ပြည်နယ် ဝန်ကြီးချုပ် ဦးလှမောင်တင် (ဗိုလ်မှူးကြီးဟောင်း) က ဖေဖော်ဝါရီ ၁၄ ရက်နေ့တွင် တင်သွင်းခဲ့သည့် အစိုးရ အဖွဲ့ ဝန်ကြီး ၉ နေရာ၌ RNDP က ၃ ဦး ပါဝင်ပြီး၊ ကျန်ဝန်ကြီးများမှာ ကြံ့ခိုင်ရေးပါတီမှ ၅ ဦးနှင့် တပ်မတော်သား ကိုယ်စားလှယ် တဦး ဖြစ်သည်။

RNDP ဝန်ကြီး ၃ ဦးမှာ မြောက်ဦးမြို့နယ် မဲဆန္ဒနယ် အမှတ် ၂ မှ ဦးကျော်သိန်း (သားငါး၊ သတ္ထု၊ စွမ်းအင်)၊ စစ်တွေမြို့ နယ် မဲဆန္ဒနယ် အမှတ် ၁ မှ ဦးသာလူချေ (စက်မှု၊ အလုပ်သမား၊ အားကစား) နှင့် ပုဏ္ဏားကျွန်းမြို့နယ် မဲဆန္ဒနယ် အမှတ် ၂ မှ ဦးအောင်သန်းတင် (ယဉ်ကျေးမှု၊ လူမှုကယ်ဆယ်ရေး)တို့ ဖြစ်သည်။

ဈေးနှုန်းသင့်တင့်စွာဖြင့် လျှပ်စစ်မီး ပုံမှန်ရရှိရေးမှာ ရခိုင်ပြည်နယ် အစိုးရအတွက် အကြီးမားဆုံး စိန်ခေါ်မှု ဖြစ်ဖွယ်ရှိကြောင်း RNDP သုံးသပ်သည်။

“ရခိုင်မှာက ပင်မဓာတ်အားလိုင်းက လျှပ်စစ်မရတော့ လောင်စာဆီသုံး တာဘိုင်က ယူရတယ်။ တယူနစ်ကို ၂၅ ကျပ် ကျရမှာ ကို ၅ဝဝ ပေးသုံးနေရတယ်။ ရေအားလျှပ်စစ်ဆိုတာမျိုး ချက်ချင်း ဆောက်လို့လည်း မရဘူး။ ဖွဲမီးသုံးရင် ပတ်ဝန်းကျင်နဲ့လေထု ညစ်ညမ်းမှုက ဖြစ်မယ်။ ဂက်စ်ကနေ လျှပ်စစ်မရတော့ ဒါကို ပြည်နယ်အစိုးရက ဘယ်လို ဖြေရှင်းမလဲဆိုတာ ခက်နေတယ်” ဟု ဦးလှစောက ပြောသည်။

အဓိက ပြည်နယ် စီးပွားရေးဖြစ်သော လယ်ယာစိုက်ပျိုးရေးနှင့် သားငါးထုတ်လုပ်မှုတွင် ပြည်နယ်အစိုးရကို လုပ်ပိုင်ခွင့် အပြည့်အဝ ပေးသင့်သည်ဟုလည်း သူက ဆိုသည်။

ဆန်သယ်ခွင့် ကန့်သတ်ချက်များ ရှိခဲ့သည့် လယ်ယာကဏ္ဍတွင်မူ အစိုးရသစ် ပေါ်ထွက်လာပြီးနောက် လွတ်လပ်စွာ စိုက်ပျိုး သယ်ယူ ရောင်းချခွင့်သို့ ပြောင်းလဲနိုင်ခဲ့ပြီး၊ အုပ်ချုပ်ရေးပိုင်း အကျင့်ပျက် ခြစားမှုများ ထောက်ပြနိုင်ခွင့် ရှိလာခြင်းကို ပြည်နယ် အကျိုးအမြတ်အဖြစ် RNDP က ရှုမြင်သည်။

ရခိုင်ဒေသတွင် စီးပွာရေးသမားများက အာဏာပိုင်များနှင့် ပူးပေါင်းကာ ပင်လယ်၌ ငါးဖမ်းကွက်များကို တရားမဝင် လေလံတင် ရောင်းချမှုကို လာဘ်စားမှုများထဲမှ တခုအဖြစ် RNDP က ထောက်ပြသည်။

ထိုသို့ လေလံတင်ရောင်းချမှုများ၌ ပြန်လည်ပြင်ဆင်ရမည့် စည်းမျဉ်းဥပဒေများ ရှိနေသဖြင့် ဧပြီလ ၆ ရက်နေ့တွင်မူငါးဖမ်းကွက် လေလံတခုကို ပြည်နယ်အစိုးရက ဆိုင်းငံ့နိုင်ခဲ့သည်။

မတ်လ ၃ဝ ရက်နေ့တွင် အာဏာလွှဲယူခဲ့သည့် ဦးသိန်းစိန် အစိုးရသစ် လက်ထက်၌ ပြည်နယ်အစိုးရများအနက် ရခိုင်တွင်သာ တိုင်းရင်းသားပါတီ တခုတည်းမှ ဝန်ကြီး ၃ ဦးအထိ အများဆုံး ပါဝင်ခြင်း ဖြစ်သည်။

တိုင်းဒေသကြီး (သို့မဟုတ်) ပြည်နယ်အစိုးရအဖွဲ့ကို ဝန်ကြီးချုပ်၊ ဝန်ကြီးများ၊ ဥပဒေချုပ်များဖြင့် ဖွဲ့စည်းထားပြီး၊ အုပ်ချုပ်မှုဆိုင်ရာ အငြင်းပွားမှုများကို ပြည်ထောင်စုအစိုးရက ဝင်ရောက်ညှိနှိုင်း ဖြေရှင်းနိုင်ခွင့်ရှိကာ ဆုံးဖြတ်ခွင့်လည်း ရှိကြောင်း ပြည်နယ်လွှတ်တော် ဥပဒေတွင် ပြဋ္ဌာန်းထားသည်။

ဝန်ကြီးများ စာရင်း

၁။ ဗိုလ်မှူးကြီး ထိန်လင်း (တပ်မတော်သား ကိုယ်စားလှယ်) လုံခြုံရေးနှင့် နယ်စပ်ရေးရာ
၂။ ဦးကျော်ခင် (ကြံ့ဖွံ့) လယ်ယာ၊ သစ်တောနှင့်ဆည်မြောင်း
၃။ ဦးလှဟန် (ကြံ့ဖွံ့) သာသနာရေးနှင့် လူဝင်မှုကြီးကြပ်ရေး
၎။ ဒေါက်တာ အောင်ကျော်မင်း (ကြံ့ဖွံ့) ကျန်းမာရေးနှင့် ပညာရေး
၅။ ဦးမြအောင် (ကြံ့ဖွံ့) စီးပွားရေး
၆။ ဦးစိုးအေး (ကြံ့ဖွံ့) ပို့ဆောင်ဆက်သွယ်ရေး
၇။ ဦးအောင်သန်းတင် (RNDP) ယဉ်ကျေးမှုနှင့် လူမှုကယ်ဆယ်ရေး
၈။ ဦးကျော်သိန်း (RNDP) သားငါး၊ သတ္ထုနှင့် စွမ်းအင်
၉။ ဦးသာလူချေ (RNDP) စက်မှု၊ အလုပ်သမား၊ အားကစား

Friday, April 8, 2011

ရန်ကုန်တိုင်းမှော်ဘီအခြေစိုက် ခလရ (၉၁) တပ်ရင်းနှင့် ပတ်သက်၍အထူးသဘောထားထုတ်ပြန်ကြေညာချက်

ရန်ကုန်တိုင်းမှော်ဘီအခြေစိုက် ခလရ (၉၁) တပ်ရင်းနှင့် ပတ်သက်၍အထူးသဘောထားထုတ်ပြန်ကြေညာချက်

စာအမှတ် ။ ။ မလအ/ အဖ၀/ ၁၉/ ၂၀၁၁
နေ့စွဲ ။ ။ ၃၁.၀၃.၂၀၁၁။

ကျွန်ူပ်တို့ မြန်မာနိူင်ငံ လူထုလှုပ်ရှားမှု အင်အားစုများမှ မတ်လ (၂၈) ရက်နေ့တွင် ရန်ကုန်တိုင်းမှော်ဘီအခြေစိုက် ခလရ (၉၁)ရှိ အရာရှိ၊ အရာခံ၊ အကြပ်၊ တပ်သားများမှ ရန်ကုန်တိုင်း တိုင်းမှူးထံအချက်(၄)ချက်ပါ တောင်းဆိုချက်များဖြစ်သော -

(၁) လက်ရှိ နိူင်ငံတော်ဖွဲ့စည်းအုပ်ချုပ်ပုံအား ပြန်လည်ပြင်ဆင်ရေးဆွဲရန်။
(၂) လက်ရှိလစာထက် ပိုမိုတိုးမြင့်ပေးရန်။
(၃) ဝန်ထမ်းဟောင်းများရဲ့ ပင်စင်လစာငေအွားတိုးမြင့်ပေးရန်။
(၄) ဗိုလ်ချုပ်လမ်းစဉ်အတိုင်း ပြည်သူသာလျှင်အမိ၊ ပြည်သူသာလျှင်အဖ ဆိုတာကိုခံယူပြီး တိုင်းရင်းသား လက်နက်ကိုင် အင်အားစုများအပေါ် လက်နက်အားကိုးနှင့် မဖြေရှင်းပဲ တွေ့ဆုံဆွေးနွေးရေးဖြင့်ငြိမ်းချမ်းစွာဖြေရှင်းကြရန်

စသည့်တောင်းဆိုချက် များကို အပြည့်အဝထောက်ခံကြိုဆိုသည်။ထို့အပြင် အခြားသော တိုင်းနှင့်ပြည်နယ်အသီးသီးရှိ တပ်ရင်း၊ တပ်မများသည်လည်း ရန်ကုန်တိုင်းမှော်ဘီအခြေစိုက် ခလရ (၉၁)ရှိ အရာရှိ၊ အရာခံ၊ အကြပ်၊ တပ်သားများ၏ အချက် (၄)ချက်ပါ တောင်းဆို ချက်များနည်းတူ နိူင်ငံရေးတောင်းဆိုမှုများပြုလုပ်ကြရန်နှင့် ပြည်သူလူထုအပါဝင်ပြည်တွင်း၊ ပြည်ပရှိ ဒီမိုကရေစီ အင်အားစုများမှ ရန်ကုန်တိုင်းမှော်ဘီ အခြေစိုက် ခလရ (၉၁)တပ်ရင်း၏အချက် (၄)ချက်ပါ တောင်းဆိုမှုများကို ဝိုင်းဝန်းထောက်ခံ ပေးကြ ပါရန် ကျွန်ူပ်တို့ မြန်မာနိူင်ငံလူထု လှုပ်ရှားမှုအင်အားစုများ (မလအ)မှ တောင်းဆိုသည်။

တပ်မတော်အတွင်းရှိ အရာရှိ၊ အရာခံ၊ အကြပ်၊ တပ်သားများ ခင်ဗျား -

(၁) ယနေ့ မြန်မာနိူင်ငံ၏ ဆိုရွားလှသောလူမှု ဒုက္ခအလုံးစုံတို့သည် မှားယွင်းသော စစ်ခေါင်းဆောင်တချို့၏ အုပ်ချုပ်မှုကြောင့် ဖြစ်သည်ကို တပ်မတော်သားကောင်းများ အသိပင်ဖြစ်သည်။

(၂) ပြည်သူသာလျှင်အမိ၊ ပြည်သူသာလျှင်အဖ ဆိုသည့်တပ်မတော်၏ ဆောင်ပုဒ်သည် စစ်အာဏာရှင်တချို့၏ အုပ်ချုပ်မှု ကြောင့် တပ်မတော်သာလျှင်အမိ၊ တပ်မတော်သာလျှင်အဖ အဖြစ်သို့ပြောင်းလဲခေါ်ဝေါ်သုံးစွဲခဲ့သည့် အဆင့်သို့ရောက်ရှိခြင်း။

(၃) ကမ္ဘာ့အလယ်တွင် မြန်မာ့တပ်မတော်၏ဂုဏ်သိက္ခာသည် အဖတ်ဆည်၍ မရလောက်အောင်ကျဆင်းခြဲ့ခင်း။

(၄) နှစ်ပေါင်းများစွာ စစ်ခေါင်းဆောင်တွေရဲ့ သွေးခွဲအုပ်ချုပ်မှုစနစ်အောက်တွင် တပ်မတော်နဲ့ပြည်သူ အထင်လွဲ အမြင်လွဲဖြစ်ကာ စည်းလုံးညီညွတ်မှုများဆုံးရှုံးခဲ့ရခြင်း။

(၅) တိုင်းရင်းသားကျေးရွာများကို မီးရှို့ဖျက်ဆီးခြင်း၊ အဓမ္မခိုင်းစေခြင်းများနှင့် အမျိုးသမီးများကို မုဒိန်းကျင့်သတ်ဖြတ်ခြင်း။
အထက်ဖော်ပြပါ လုပ်ရပ်ဆိုးများပပျောက်ရန် တပ်မတော်သားကောင်းတိုင်းတွင် တာဝန်အပြည့်ရှိသည်ဟု ကျွန်ူပ်တို့ မြန်မာနိူင်ငံ လူထုလှုပ်ရှားမှု အင်အားစုများမှ လေးနက်စွာယုံကြည်သည်။

( တပ်မတော်နြဲ့ပည်သူ ချစ်ကြည်ဖြူ ပြည်သူနဲ့လက်တွဲ ဒို့…အောင်ပွဲ)

မြန်မာနိူင်ငံ လူထုလှုပ်ရှားမှု အင်အားစုများ (မလအ)
(၁) ဒိန်းမတ်၊ (၂) နော်ဝေး၊ (၃) နယ်သာလန်၊ (၄) အင်္ဂလန်၊ (၅) ကနေဒါ၊ (၆) အမေရိကန်။

ခလရ ၂၃၃ တပ်ရင်းမှ တပ်သား ၂ ဦးကို ၄ လအတွင်း ပစ်သတ်ဖြတ်

ဂစ္ဆပသတင်းဌာန
ဧပြီလ ၈ ရက်၊ ၂၀၁၁။
http:gissapa.blogspot.com

ခလရ ၂၃၃ တပ်ရင်းမှ တပ်သား ၂ ဦးကို ၄ လအတွင်း ပစ်သတ်ဖြတ်

ခလရ ၂၃၃ ရှေ့တန်း (ရတ)တပ်ရင်းမှ လက်နက်အပြည့်အစုံဖြင့် ၄ လအတွင်း အသီးသီး တိမ်းရှောင်သည့် တပ်သား တင်ထွန်းနှင့် မင်းဇော်ဦး ၂ ဦးကို ပစ်သတ်ဖြတ် လိုက်ကြောင်း သတင်းရရှိသည်။

တပ်သား တင်ထွန်းမှာ မောင်တောမြို့နယ် နယ်မြေ(၂) တောင်ပြိုမြို့နယ်အတွင်း စစ်ဆင်ရေးတာဝန်ကျနေရာ ညဥ့်အချိန်တွင် ဘိုလ်ကြီး အောင်မျိုးထွန်း ဦးစီးသော တပ်ခွဲမှ ဧပြီလ ၃ ရက်နေ့က တိမ်းရှောင်ခြင်းဖြစ်သည်။ တပ်သား မင်းဇော်ဦး (ကပနံပါတ် ၄၃၆၆၂၀)မှာ ဒီဇင်္ဘာလ ၁၇ ရက်နေ့က နယ်စပ်မှတ်တိုင်များအား လိုက်လံစစ်ဆေး ပြုပြင်နေစဉ် ဘိုလ်မှူး မျိုးဇော်ဝင်း ထံမှ တိမ်းရှောင်ခြင်းဖြစ်သည်။ ခလရ ၂၃၃ (ရတ) စစ်ကြောင်းမှူးမှာ ဘိုလ်မှူး မျိုးဇော်ဝင်း ဖြစ်သည်။

သို့သော်လည်း တသ တင်ထွန်းမှာ သူ၏တပ်ခွဲမှူး ခလရ ၂၃၃ မှ ဘိုလ်ကြီး အောင်မျိုးထွန်း ဦးစီးသောတပ်ခွဲထံ နောက်ယောင် လိုက်လံ ရှာဖွေမှုကြောင့် ဧပြီလ ၃ ရက်နေ့တွင် အပြန်အလှန် တိုက်ပွဲဖြစ်ပွားခဲ့ကြရာ တိုက်ပွဲအတွင်း ပွဲချင်းပြီး နံနက် အာရုံ ၃ နာရီ ၂၀ မိနစ်တွင် ပစ်သတ်ဖြတ် အသေဖမ်းဆီး ခံလိုက်ရကြောင်း သိရှိရသည်။

တပ်သား မင်းဇော်ဦးမှာ ရခိုင်ပြည်-ဘင်္ဂလာ နယ်စပ်မှတ်တိုင် ၅၇ အနီးမှ ဘင်္ဂလာသို့ တိမ်းရှောင်လွတ်မြောက်ခဲ့သော်လည်း ဘင်္ဂလာ ဒေ့ခ်ျနယ်စပ်လုံခြုံရေးအဖွဲ့ (BGB) မြိတ်ချောင်းစခန်းထံ လက်နက်ချခဲ့ရပြီး၊ အဆိုပါ BGB စခန်းမှ နစကသို့ ဒီဇင်္ဘာလ (၂၂) ရက်နေ့က လွဲပြောင်းခံလိုက်ရပြီး များမကြာမီ ပစ်သတ်ဖြတ် ခံလိုက်ရကြောင်း နစကသတင်းအရ သိရှိရသည်။

မောင်တော-ဘူးသီးတောင်မြို့နယ် နယ်စပ်ဒေသများတွင် စစ်ဆင်ရေးနှင့် နယ်မြေစိုးမိုးရေ တာဝန်ထမ်းဆောင်နေကြသော စစ်ကြောင်း များမှာ ၄ လ တကြိမ်စီ အလှည့်ကျဖြစ်သည်။ ယခုအခါ နယ်မြေ(၂) နယ်စပ်စစ်ဆင်ရေးနှင့် နယ်မြေစိုးမိုးရေး တာဝန်ကို စစ်တွေမြို့ အခြေစိုက် ခလရ ၃၅၄ (ရတ) မှ စစ်ကြောင်းတခု ဧပြီလ ပထမအပတ်က တာဝန်ယူလျှက်ရှိသည်။

ခလရ ၂၃၃ (ရတ) တပ်ရင်းမှာ အဆိုပါ နယ်မြေသို့ စစ်ဆင်ရေးနှင့် နယ်မြေစိုးမိုးရေးအရ ဒီဇင်္ဘာလ (၁၀)ရက်နေ့တွင် စတင်ပြီး တာဝန်ယူခဲ့သော စစ်ကြောင်းဖြစ်သည်။

ဘူးသီးတောင် စစ်ဗျူဟာအောက်တွင် ခလရ ၂၃၃ တပ်ရင်း၊ ခလရ ၂၃၄ တပ်ရင်း၊ ခလရ ၂၆၃ တပ်ရင်းနှင့် အမြောက် တပ်ရင်း (အမတ) ၃၇၈ တပ်ရင်း စုစုပေါင်း တပ်ရင်း ၄ ရင်းရှိသည်။ ခလရ ၂၃၃ တပ်ရင်းမှာ ဘူးသီးတောင်အခြေစိုက် တပ်ရင်းတရင်းဖြစ်သည်။

မြန်မာနိုင်ငံ အနောက်ဖက် ရခိုင်ပြည်နယ်တွင် တာဝန်ထမ်းဆောင်နေကြသော စစ်အုပ်စု တပ်မတော်သားများ အနေဖြင့် မကြာ ခဏ ထွက်ပြေးတိမ်းရှောင်လေ့ ရှိနေကြပြီး ဖေဖေါ်ဝါရီလအတွင်းက ရသေ့တောင် အခြေစိုက် ခလရ ၅၃၈ တပ်ရင်းမှလည်း တပ်သား ၂ ဦး လက်နက်များဖြင့် ထွက်ပြေးကြရာ ပြန်လည်၍ စစ်အုပ်စုထံ ဖမ်းဆီးသတ်ဖြတ်ခံလိုက်ရခြင်း သတင်းရရှိသည်။

စစ်အုပ်စု အနေဖြင့် ၎င်းတို့စစ်တပ်မှ လက်နက်အပြည့်အစုံနှင့် တိမ်းရှောင်သော တပ်မတော်သားများကို ပြန်လည်၍ ဖမ်းဆီး မိပါက သေဒါဏ်အပြစ် စီရင်လေ့ အလေ့အထရှိသည်။

မြန်မာမှ တင်ပို့ကုန်များကြောင့် ဘင်္ဂလာဒေ့ခ်ျနိုင်ငံ၏ နိုင်ငံတော်ဝင်ငွေ ပိုမိုမြင့်တက်လာ

ဂစ္ဆပသတင်းဌာန (http://gissapa.blogspot.com)
ဧပြီလ ၈ ရက်၊ ၂၀၁၁။

မြန်မာမှ တင်ပို့ကုန်များကြောင့် ဘင်္ဂလာဒေ့ခ်ျနိုင်ငံ၏ နိုင်ငံတော်ဝင်ငွေ ပိုမိုမြင့်တက်လာ

မြန်မာနိုင်ငံမှ ရေလမ်းကြောင်းမှတဆင့် တင်ပို့မှုကုန်များကြောင့် ဘင်္ဂလာဒေ့ခ်ျနိုင်ငံ၏ နိုင်ငံတော်ဝင်ငွေမှာ ၂၀၁၁ ခုနှစ်အတွင်းတွင် ယခင်နှစ်များကထက် ပိုမိုပြီး မြင့်တက်လာကြောင်း ယနေ့ဧပြီ(၈)ရက်နေ့ ဒေသထုတ် SAMUDRABARTA သတင်းစာတွင် ဖေါ်ပြသည်။

ဘင်္ဂလာဒေ့ခ်ျနိုင်ငံ တာခ်နာမြို့မှာ မြန်မာနိုင်ငံအနောက်ဖက် ရခိုင်ပြည်နယ် မောင်တောမြို့နှင့် မျက်နှာချင်းဆိုင် အနီးကပ်ဆုံးသော မြို့တမြို့ဖြစ်ပြီး တာခ်နာမြို့နယ် ကုန်ဆိပ်ကမ်း ကာစ္စတင်မှ SAMUDRABARTA သတင်းစာသို့ “ဆိပ်ကမ်းအနေဖြင့် လစဉ်အကောက်မှ နိုင်ငံတော်ဝင်ငွေကို တာကာ ၂၂၉၈၈၀၀၀ အထက်ကို သတ်မှတ်ထားကြောင်းဆိုသည်။ သို့သော်လည်း မတ်နှင့် ယခုဧပြီလအတွင်း ငွေစာရင်း ရှင်းတမ်းများအရ သတ်မှတ်ထားသည်ထက် ပိုမို၍ စုစုပေါင်း တာကာ ၈၅၀၁၀၇၅၀ နိုင်ငံတော်ဝင်ငွေ ရရှိကြောင်း” ထုတ်ဖေါ် ပြောဆိုကြောင်း ဖေါ်ပြထားသည်။

အဆိုပါ ဘင်္ဂလာဒေ့ခ်ျ၏ နိုင်ငံတော်ဝင်ငွေမှာ ကော့စ်ဘဇားခရိုင်အတွင်း တာခ်နာမြို့နယ်ရှိ ကုန်သွယ်ရေးဆိပ်ကမ်းတခုတည်းမှ ဖြစ်ကြောင်းနှင့် မြန်မာမှ အဆိုပါဆိပ်ကမ်းသို့ လောလောဆယ် အများဆုံးပို့ကုန်မှာ ငါးစိမ်းနှင့် ငါးခြောက်များဖြစ်သည်။ ဘင်္ဂလာတွင် ဆိပ်ကမ်းအကောက်ဌာနများမှ ကာစ္စတင်အနေဖြင့် လစဉ်နှင့် နှစ်စဉ် အကောက်ဝင်ငွေစာရင်းများကို မြွတ်ဟထုတ်ဖေါ်လေ့ရှိသည်။

မြန်မာမှ ဘင်္ဂလာဒေ့ခ်ျနိုင်ငံ၏ တာခ်နာဆိပ်ကမ်းနှင့် စစ်တကောင်းဆိပ်ကမ်းသို့လည်း စပါး၊ ဆန်၊ ငါးစိမ်း၊ ငါးခြောက်၊ သစ်၊ တရုတ်လုပ် လူသုံးကုန် ပစ္စည်းများ၊ မြန်မာ-ကိုးရီးယားထုတ် အ၀တ်အထည်များအပြင် ၀ါးနှင့် တခြားကုန်အမျိုးမျိုးပစ္စည်းများ တင်ပို့လျှက်ရှိသည်။ မြန်မာအနေဖြင့် ဘင်္ဂလာမှ ဘိလပ်မြေနှင့် ဓါတ်မြေသြဇာကို အဓိကထား သယ်ဆောင်ယူသည်။

မြန်မာ-ဘင်္ဂလာဒေ့ခ်ျ နှစ်နိုင်ငံ အနေဖြင့် လွန်ခဲ့သော ၁၉၉၅ ခုနှစ်၊ စက်တင်္ဘာလ (၅)ရက်နေ့တွင် နှစ်နိုင်ငံ ကုန်သွယ်ရေးသဘောတူ စာချုပ်ကို စတင်ချုပ်ဆိုခဲ့ကြသည်။ ဘင်္ဂလာနိုင်ငံတော်ဝင်ငွေမှာ မြန်မာပို့ကုန်များကြောင့် ၁၉၉၅ ခုနှစ်မှစတင်၍ တဖြည်းဖြည်း ပိုမိုမြင့် တက်လျှက်ရှိကြောင်း သိရှိရသည်။

သို့သော်လည်း မြန်မာနိုင်ငံ အနေဖြင့် ဘင်္ဂလာဒေ့ခ်ျနိုင်ငံနှင့် ကုန်သွယ်ရေးနှစ်ပေါင်း ၂၀ နီးပါးခန့်တွင် တလလျှင်၊ တနှစ်လျှင် မည်လောက်နိုင်ငံတော်ဝင်ငွေ ရရှိကြောင်းကိုမူ ဘင်္ဂလာဒေ့ခ်ျနိုင်ငံကဲ့သို့ လစဉ်၊ နှစ်စဉ် မည်သည့်အခါမျှ တရားဝင် ထင်သာမြင်သာ ထုတ်ပြန်ခြင်း ယခုအချိန်ထိ မရှိခဲ့ပေ။

မြန်မာ-ဘင်္ဂလာ နှစ်နိုင်ငံအကြား နယ်စပ်မျှဉ်းကြောင့် ပြဿနာများ ဖြစ်ပွားလျှက်ရှိရာ နယ်စပ်အခြေစိုက် နှစ်ဖက်အာဏာပိုင်များမှ မကြာခဏ အဆိုပါ နှစ်နိုင်ငံ ရေကြောင်းကုန်သွယ်ရေးအား အရေးယူ ပိတ်ဆို့မှုများပြုလုပ်၍ ကုန်သည်များ အခက်အခဲများ ကြုံခဲ့ရ ပေါင်းများလည်း ရှိသည်။

Thursday, April 7, 2011

ဘင်္ဂလာ ၀န်ကြီးချုပ် Sheikh Hasina မြန်မာ-ဘင်္ဂလာ ပေါင်းကူရထားလမ်း ဖေါက်လုပ်ရန်ပြောဆို

ဂစ္ဆပသတင်းဌာန
ဧပြီလ ၇ ရက်၊ ၂၀၁၁။
ဘင်္ဂလာ ၀န်ကြီးချုပ် Sheikh Hasina မြန်မာ-ဘင်္ဂလာ ပေါင်းကူရထားလမ်း ဖေါက်လုပ်ရန်ပြောဆို

ဘင်္ဂလာဒေ့ခ်ျနိုင်ငံ ၀န်ကြီးချုပ် ချိအ် ဟာဆီးနာ (Sheikh Hasina)မှ မြန်မာ-ဘင်္ဂလာ နှစ်နိုင်ငံ ပေါင်းကူးရထားလမ်း ဖေါက်လုပ်နိုင်ရေး စီမံကိန်းအား အလျှင်အမြန်အကောင်အထည်ဖေါ်နိုင်ရေးကို တနင်္ဂနွေနေ့က ဖွင့်ဟပြောဆိုလိုက်သည်။

အဆိုပါ ပေါင်းကူးရထားလမ်း ဖေါက်လုပ်နိုင်ရေးကို ကော့စ်ဘဇားမြို့(ဖလောင်းချိပ်မြို့)သို့ တနင်္ဂနွေနေ့က အလည်အပတ် လာစဉ် ပြောဆိုခဲ့ခြင်းဖြစ်သည်။ ဘင်္ဂလာဒေ့ခ်ျနိုင်ငံ ရခိုင်လူထုများ အနေဖြင့် ရခိုင်အမျိုးသမီး ကော့စ်ဘဇားခရိုင် အမတ် ဒေါ် အေးသိန်းနှင့်အတူ ချိအ် ဟာဆီးနာ ကော့စ်ဘဇားမြို့သို့ ဧပြီလ ၃ ရက်နေ့ အရောက်မှာ လိုက်လိုက်လှဲလှဲ ကြိုဆိုခဲ့ကြသည်။

ဘင်္ဂလာဒေ့ခ်ျနိုင်ငံ အနေဖြင့် မြန်မာ-ဘင်္ဂလာ နှစ်နိုင်ငံ ဖေါက်လုပ်မည့် ရထားလမ်းအပေါ် အာရှကွန်ယက်လမ်းမကြီးအဖြစ်နှင့် အဆိုပါလမ်းမှာ တရုတ်၊ ထိုင်း၊ အိန္ဒိယနှင့် တချို့နိုင်ငံများ ဆက်သွယ်မှု လျှင်မြန်လာမည်ဖြစ်သောကြောင်း စီးပွားရေး ဖွံ့ဖြိုးတိုးတက်မှု အချက်အခြာကျသည့် ကုန်သွယ်ရေးဇုံလမ်းအဖြစ် မျှော်လင့်ထားသည်သည်။

မြန်မာ-ဘင်္ဂလာ အိမ်နီးချင်းနိုင်ငံများမှ စီးပွားရေးသမားများ အနေဖြင့် ဖေါက်လုပ်မည့် ကုန်သွယ်ရေးလမ်းအပေါ်တွင် စိတ်ဝင်စားနေ ကြပြီး၊ အကယ်၍ အကောင်အထည်ဖေါ် ဖေါက်လုပ်နိုင်မည်ဆိုလျှင် ၎င်းတို့ အနေဖြင့် အင်တိုက်အားတိုက် ကူညီပံ့ပိုး ပေးသွားမည်ဖြစ် ကြောင်း နယ်စပ်စီးပွားရေးသတင်းရပ်ကွက်များမှ ဆိုသည်။

ဘင်္ဂလာဒေ့ခ်ျနိုင်ငံ အနေဖြင့် မြန်မာနိုင်ငံ အနောက်ဖက်ရှိ ရခိုင်ပြည် နယ်စပ်အထိ ဖေါက်လုပ်မည့် ရထားလမ်းအတွက် တာကာငွေ ကုဋေ ၂၀၀၀ ကျော် ကုန်ကျမည်ဟု ခန့်မှန်းထားကာ ၂၀၁၃ ခုနှစ်အတွင်း အပြီးသတ် အင်တိုက်အားတိုက် ဖေါက်လုပ်သွားမည် ဖြစ်ကြောင်း သိရှိရသည်။

မြန်မာ-ဘင်္ဂလာ နှစ်နိုင်ငံ အာဏာပိုင်များအကြား ပေါင်းကူးကုန်သွယ်ရေးလမ်းဖေါက်လုပ်ရန် ၁၉၉၈ ခုနှစ်တွင် ယာယီအားဖြင့် သဘောတူခဲ့ကြပြီး ၂၀၀၁၊ ၂၀၀၂၊ ၂၀၀၄၊ ၂၀၀၅ ခုနှစ်တို့တွင် စတင်ဖေါက်လုပ်ရန် အကြိမ်ကြိမ် အတည်ပြုခဲ့ကြသော်လည်း မြန်မာနိုင်ငံဖက်မှ နှစ်နိုင်ငံ သဘောတူ စာချုပ်များအရ အကောင်အထည်ဖေါ် ပူးပေါင်းလုပ်ဆောင်မှုများ မရှိသည့်အတွက် ကြောင်း ယခုအချိန်ထိ အဆိုပါလမ်းမှာ မရေမရာ ရှိနေဆဲကာလတွင် ၀န်ကြီးချုပ် ချိအ် ဟာဆီနာ က နယ်စပ်အထိ ရထားလမ်းဖေါက်လုပ်ရန် တိုးမြင့်ပြောဆိုလိုက်ခြင်းဖြစ်သည်။

စစ်အုပ်စုမှ မြန်မာနိုင်ငံ အနောက်ဖက် ရခိုင်ပြည်ရှိ စစ်တွေမြို့တော်မှ အမ်းသို့ ၂၂၅ မိုင်ကျော်ရှည်လျားသည့် ရထားလမ်း၊ အမ်းမှ ဆင်ခုံတိုင်၊ ရိုးတောင်လမ်း(၉၂ မိုင်) ခွဲရှိ ကချင်းကန်၊ ပတန်း၊ အိုင်းမမှ မင်းဘူးသို့ မိုင် ၃၀၀ ခန့်ရှည်လျားသည့် ရထားလမ်းများကို ဖေါက်လုပ်လျှက် ရှိနေရာတွင် ဒေသခံရခိုင်ပြည်သူများ ပိုင်ဆိုင်သည့် လယ်ယာမြေများ အသိမ်းခံ ရမှုများရှိနေကြောင်းနှင့် ပေါ်တာပေးနေရမှုများ ရှိနေကြောင်း ပြည်တွင်းသတင်းများက ဆိုသည်။

စစ်အုပ်စု အနေဖြင့် ပုဏ္ဏားကျွန်းမြို့မှ စစ်တွေမြို့သို့မ၀င်ဘဲ တိုက်ရိုက် ရသေ့တောင်မြို့ စေတီပြင်၊ ဂူတောင်မှ မောင်တော တောင်ပိုင်း အငူမော် ကားလမ်းများကိုလည်း ဖေါက်လုပ်လျှက် ရှိနေသည်။ မကွေးတိုင်းမှ ငသိုင်းချောင်း ကားလမ်းကိုပါ ဖေါက်လုပ်လျှက်ရှိကြောင်း သတင်းရရှိသည်။ အဆိုပါ လမ်းဖေါက်လုပ်မှုများတွင် ပြည်သူများ လုပ်အားပေးနေကြရ ကြောင်းသိရှိရသည်။

ရခိုင်ပြည်-ဘင်္ဂလာ ပေါင်းကူးကုန်သွယ်ရေးလမ်း (ယခုတဖန် ရထားလမ်း) စတင်ဖေါက်လုပ်မည်ဆိုလျှင် ရခိုင်ပြည်သူများမှာ ကျေးရွာ ပြောင်းရွေ့ခံရမှုများ၊ လယ်ယာမြေအသိမ်းခံရမှုများ၊ ဘုရားပုထိုးဇာတီများ အဖျက်အဆီးခံရမှုများ၊ ပေါ်တာဆွဲခံရမှု များအပြင် အိုးအိမ်မဲ့ ဘ၀သို့ ကျရောက်နိုင်မည် အခြေအနေများရှိသည်။

ဂစ္ဆပသတင်းဌာန အနေဖြင့် ရခိုင်ပြည်အမျိုးသားကောင်စီ (ANC)မှ အတွင်းရေးမှူး ခိုင်မြ၀ါအား ရခိုင်ပြည်မှာ မြန်မာ-ဘင်္ဂလာ နှစ်နိုင်ငံ အလွယ်တကူ သဘောတူစာချုပ်တွေအရ ပေါင်းကူးလမ်းစဖေါက်လုပ်ချိန်နဲ့ လမ်းဖေါက်ပြီးနောက်ပိုင်းမှာ ကုန်သယ်ယူ နေချိန်၊ ဘင်္ဂလီတွေ ရေအားလျှပ်စစ် တည်ဆောက်နေချိန်-ပြီးချိန်၊ ဘင်္ဂလီတွေ လယ်လုပ်ချိန်-ကာလအရှည်၊ ဘင်္ဂလီတွေ သစ်စတင်ခုတ်ချိန်-သစ်ပြုန်း တီးချိန်၊ ဘင်္ဂလီတွေ ငါးစဖမ်းချိန်-ငါးမျိုးပြုန်းတီးချိန် စတဲ့ကာလတွေမှာ ရခိုင်လူထုတွေ ဖြစ်ပေါ်ခံစားလာဖို့ လူမျိုးရောနှောမည့် ဆိုးကျိုးနဲ့ စစ်အုပ်စုအဖို့ စီမံကိန်းတွေ အောင်မြင်ဖို့ အခြေအနေကို အကျဉ်းချုပ် ရခိုင်ပြည်သူများကို သိခွင့်ရစေရန် ရှင်းပြစေချင်ပါတယ်။”

“ဗမာစစ်အာဏာရှင်က ဘင်္ဂလာဒေ့ခ်ျနိုင်ငံကို ရခိုင်ပြည်မှာရှိသမျှ မြစ်ချောင်းတွေမှ ရေအားလျှပ်စစ်ထုတ်လုပ်ဖို့၊ သစ်-၀ါးတော တွေ ကိုခုတ်ဖို့၊ လယ်ယာမြေတွေကို ငှားရန်းဖို့၊ စတာတွေကို စာချုပ်ချုပ်ခဲ့ပါတယ်၊ ဒါပေမဲ့ ဗမာစစ်အာဏာရှင်က ရရှိတဲ့ငွေ တွေကို ရခိုင်ပြည် သူတွေ အကျိုးရှိဖို့၊ ဖွံ့ဖြိုးရေးလုပ်ငန်းတွေမှာ မသုံးပါဘူး၊ အဲဒီငွေတွေနဲ့ဘဲ ရခိုင်ပြည်သူတွေကို ဖိနှိပ်ဖို့၊ ဗမာစစ်အာဏာရှင်တွေရဲ့ စစ်တပ်ကို တိုးချဲ့ပြီးစစ်လက်နက်ပစ္စည်းတွေကိုသာ ၀ယ်မှာဖြစ်ပါတယ်၊ မြစ်ချောင်းတွေက ထုတ်လုပ်တဲ့ ရေအားလျှပ်စစ်ကိုလည်း နိုင်ငံခြားကိုသာ ရောင်းမှာဖြစ်တဲ့အတွက် ပိုင်ရှင်ရခိုင်ပြည်သူတွေသုံးစွဲခွင့် ရမှာမဟုတ် ပါဘူး၊ အရင်က လည်း ရခိုင်ပြည်ကထွက်တဲ့ သဘာဝဓါတ်ငွေ့အပါအ၀င် သယံဇာတပစ္စည်း အမျိုးမျိုးကို ဗမာစစ်အာဏာရှင် အစိုးရအဆက် ဆက်က နိုင်ငံခြားကိုရောင်းခဲ့ပါတယ်၊ ရခိုင်ပြည်သူတွေအတွက် အကျိုးမရှိခဲ့ပါဘူး၊ အခုလည်း ရခိုင်ပြည်သူတွေက အရင်အတိုင်းဆင်းရဲမြဲဆင်းရဲနေမှာဘဲ၊ ဒါကြောင့်မို့ ဗမာစစ်အာဏာရှင်နဲ့ ဘင်္ဂလာအစိုးရတို့ ချုပ်ဆိုတဲ့ စာချုပ်တချို့ကို ANCက ပြင်းပြင်းထန်ထန် ကန့်ကွက်ကြောင်း ပြောလိုပါတယ်။ ဖေါက်လုပ်ဖို့သဘောတူထားတဲ့ နှစ်နိုင်ငံ ပေါင်းကူလမ်းကိုတော့ မကန့်ကွက်ပါဘူး၊ ရေအားလျှပ်စစ် တည်ဆောက်မည်စာချုပ်၊ လယ်ယာမြေ ငှားရန်းသည့်စာချုပ်၊ သစ်ခုတ်ခွင့်သဘော တူညီမှုတို့ကို ကန့်ကွက်ပါတယ်၊ နယ်စပ်လမ်းတွေ ဖေါက်လုပ်လာမည့် အပေါ်မှာမှာ လူထုတို့၏ အိုးအိမ်ပြောင်းရွေ့မှုများ၊ ပေါ်တာခိုင်းစေမှုများအပြင် စစ်တပ်က အမျိုးသမီးတွေကို မုဒိမ်းကျင့်မှုတွေ ဖြစ်ပေါ်လာမည်ကို မလုပ်မိစေဖို့ စစ်အာဏာရှင်ကို တိုက်တွန်းလိုပါတယ်။”ဟု ဆရာ ခိုင်မြ၀ါက ပြောသည်။

မြန်မာစစ်အုပ်စု အနေဖြင့် ရခိုင်ပြည်သူများအပေါ် တစုံတရာ ဖွံ့ဖြိုးတိုးတက်မှုကို လိုလားမှုမရှိသည့် အာဏာရှင်စနစ်အရ လူမျိုးပြုန်းတီးရေး စီမံကိန်းဖြစ်သည်။ ၎င်းတို့အနေနန့် ရခိုင်ပြည်နှင့် လူထုအပေါ် ဘင်္ဂလာ-ရခိုင်ပြည် နှစ်နိုင်ငံ ပေါင်းကူလမ်း မကြီး၊ ရေအားလျှပ်စစ်၊ လယ်ယာ (ဧက ၅၀၀၀၀)၊ သစ်၊ ငါး၊ စပါး၊ ၀ါး၊ ငရုပ်ကောင်းစိနှင့် တခြားမြေပေါ်-မြေအောက် သယံဇာတများကို ၆ နှစ်မျှကာလအတွင်း ကုန်သွယ်လုပ်ပိုင်သယ်ယူပိုင်ခွင့် အလွယ်တကူ သဘောတူစာချုပ်များ ပြုလုပ်ခြင်း များကို ကြည့်ခြင်းအားဖြင့် သွယ်ဝိုက်သည့်နည်းဖြင့် ရခိုင်အမျိုးသားများ မျိုးပြိုန်းအောင် စီမံလုပ်ဆောင်နေခြင်း ဖြစ်သည်။ ယခုလို လမ်းဖေါက်လုပ်မှုမှာ စစ်အုပ်စုအကျိုးအမြတ်သာ ဖြစ်ထွန်းလာမည်ဖြစ်ပြီး ရခိုင်ပြည်နှင့် ရခိုင်လူထုအတွက် ကုန်းကောက်စရာ တခုမျှမကျန်အောင် ဖန်တီးခြင်းများသာ ဖြစ်သည်ဟု ရခိုင်ပြည်နိုင်ငံရေး အဖွဲ့အစည်းများက ဆိုသည်။

ရခိုင်အမျိုးသမီးများအစည်းအရုံး (RWU)မှ ပြောရဲဆိုခွင့်ရှိသူ ဗဟိုကော်မတီဝင် စောမိမိသန်းက အောက်ပါအတိုင်း ပြောသည်။

“RWUအနေနဲ့ ဆက်စပ် ကြည့်ရသလောက် ဘင်္ဂလာ-ရခိုင်ပြည် ပေါင်းကူးလမ်းဖေါက်မဲ့ အပေါ်မှာ လမ်းနဲ့နီးစပ်တဲ့ ကျးရွာတွေက အမျိုးသမီးတွေအတွက် အန္တရာယ် ရှိလာမည့် အခြေအနေ တွေ့ရပါတယ်၊ အခုက ရခိုင်ပြည်ထဲမှာ ရခိုင်အမျိုးသားတွေ လုပ်တဲ့အလုပ် တွေကို အမျိုးသမီးတွေက လုပ်နေရတော့ လမ်းဖေါက်လာရင် အတင်းအဓမ္မ လုပ်အားပေးတာတွေ ဖြစ်ပေါ်လာမှု တွေမှာ အမျိုးသမီး တွေအပေါ် မုဒိမ်းမှုနဲ့ တဆက်တည်းမှာ ကလေးတွေအပေါ်မှာလည်း ထိခိုက်နစ်နာစရာ အများအပြားဖြစ်ပေါ် လာနိုင်ပါတယ်၊ ရေအားလျှပ်စစ် ဆည်ဆောက်လုပ်ရေးတွေကိုလည်း ကန့်ကွက်ပါတယ်၊ အဲတာတွေက သဘာဝပတ်ဝန်ကျင်မက ဒေသခံလူထုတွေကိုပါ သိပ်ပြီးတော့ အန္တရာယ်များတဲ့အတွက်ဖြစ်ပါတယ်၊ ဆည်တွေဆောက်လုပ်ဖို့ RWUအနေနဲ့ တားမြစ်ပါတယ်၊ ကန့်ကွက်ပါတယ်။”

စစ်အုပ်စုသည် ရခိုင်ပြည်မှ မြေပေါ်မြေအောက် သယံဇာတများကိုပြပြီး ဘင်္ဂလာ အစိုးရအား နည်းမျိုးစုံဖြင့် ရခိုင်ပြည် လက်နက်ကိုင် တော်လှန်ရေး အဖွဲ့အစည်းများကို ဖြိုခွင်းရန် ဖိအားပေးခဲ့များမှု အမြောက်အများရှိသည်။

ရခိုင်ပြည်-ဘင်္ဂလာ လမ်းယာယီစတင်ဖေါက်လုပ်မှုအား ၂၀၀၄ ခု၊ ဧပြီလ ၄ ရက်နေ့တွင် မြန်မာနိုင်ငံခြားရေးဝန်ကြီးနှင့် အဖွဲ့ဝင် ၈ ဦးတို့ ရောက်ရှိခဲ့ပြီး ဘင်္ဂလာတာဝန်ရှိသူများနှင့် တွေ့ဆုံကာ ရခိုင်ပြည်နယ်စပ်ရှိ မောင်တောမြို့နယ် ဘော်လီဈေးမှ ပြည်တွင်းသို့ ၆၃ ကီလိုမီ တာ ရှည်လျားသည့်လမ်းနှင့် ဘင်္ဂလာဖက် ရာမူးမြို့နယ်မှ နယ်စပ်သို့ ၄၀ ကီလိုမီတာနှင့် ထိုမှ မြန်မာဖက် ဘော်လီဈေးသို့ ၂၃ ကီလိုမီတာ ရှည်လျားသည့် လမ်းတို့အား အုပ်မြစ်ချဖေါက်လုပ်ရန် စီစဉ်ဆောင်ရွက်ခဲ့ကြရာ ဘင်္ဂလာဖက်မှ လမ်းကြမ်းဖေါက်လုပ်ပြီး လျှက်ရှိနေပြီးဖြစ်သည်။

လွန်ခဲ့သော ၂၀၀၄ ခုနှစ်က မြန်မာ-ဘင်္ဂလာ နှစ်နိုင်ငံ အကြီးအကဲများ အနေဖြင့် အဆိုပါ လမ်းကြမ်းဖေါက်လုပ်ရာတွင် တာကာငွေ ၉၈ ကုဋေမှ ကုဋေ ၁၂၀ ကျော်အထိ ကုန်ကျမည်ဟု ယာတားထားရှိခဲ့ကြသည်။

ထိုအချိန်ကတည်းက ဘင်္ဂလာဖက်မှ အကောင်အထည်ဖေါ်သည့် အနေဖြင့် ရာမူး၊ အိုခီးယားမှတဆင့် နယ်စပ်အဆုံးတောင်ပြိုထိ ၂၀၀၅ ခု၊ ဖေဖေါ်ဝါရီလ ၂၅ ရက်တို့တွင် လမ်းကြမ်းဖေါက်လုပ်မှုကိုမူ ပြုလုပ်ပြီးစီးခဲ့သော်လည်း မြန်မာဖက်မှမူ အခုအချိန်ထိ တစုံတရာ နယ်စပ်လမ်းကြမ်း ပြုလုပ်နေသည်ကို မတွေ့ရသေးချေ။

လွန်ခဲ့သော ၂၀၀၁ မှ ၂၀၀၉ ခုနှစ်အထိ အဆိုပါ နှစ်နိုင်ငံနယ်စပ်တလျှောက် လမ်းကြမ်းဖေါက်လုပ်ရာတွင် ကုန်ကျမည့် ငွေများကို ဘင်္ဂလာဖက်မှ အကုန်အကျခံမည်ဟု သဘောတူခဲ့ကြသည်။

ဘင်္ဂလာဒေ့ခ်ျနိုင်ငံ အနေဖြင့် မြန်မာ-ဘင်္ဂလာ နှစ်နိုင်ငံ ပေါင်းကူလမ်းဖေါက်လုပ်မည့် စီမံကိန်း သဘောတူညီချက်များ အပေါ် အလျှင်အမြန် ဖေါက်လုပ်ရန်စိုင်းပြင်းလျှက်ရှိနေပြီး၊ ဘင်္ဂလာဖက်မှ တာဝန်ရှိသူများ အနေဖြင့် မြန်မာအာဏာပိုင်များကို လုံးဝအားတက်သရောမရှိကြောင်း ဘင်္ဂလာဒေ့ခ်ျနိုင်ငံ သတင်းစာများတွင် အကြိမ်ကြိမ် ဖေါ်ပြခဲ့သည်။

Wednesday, April 6, 2011

ရခိုင်သဟာရအသင်းကြီး

ရခိုင်သဟာရအသင်းကြီး
မှတ်စုမှတ်တမ်း
ဧပြီ ၅၊ ၂၀၁၁

(ရခိုင်သဟာရအသင်းအကြောင်းကို အသင်းတွင် အမှုဆောင်တဦးအဖြစ် ဆောင်ရွက်ခဲ့သူ ဦးထွန်းဝင်း (နယူးယောက် ပြည်နယ်) ထံက မေးမြန်းပြီး စုစည်းတင်ပြပါသည်)

အသင်း၏ မြစ်ဖျားခံရာ - ဗြိတိသျှလက်ထက်၊ ကိုလိုနီခေတ်ကတည်းက Arakan Social Club ဆိုပြီးတော့ စတင်ထူထောင်ခဲ့တာ ဖြစ်ပါတယ်။ အိုင်စီအက်စ် ဦးစိန်ညိုထွန်း၊ ဘီလူးဦးကျော်မင်း၊ ဦးအောင်သာထွန်းဆိုတဲ့ ရှေးက ရခိုင်လူကြီးများ ပါဝင်ခဲ့တယ်လို့ မှတ်မိပါတယ်။ အသင်းတည်နေရာက ဗိုလ်အောင်ကျော်လမ်းနဲ့ ဗိုလ်ချူပ်လမ်း ထောင့်မှာ ဖြစ်ပါတယ်။ ရှေးကကုန်သည်ကြီးတွေ၊ ပညာတတ်ကြီးတွေ၊ အရာရှိကြီးတွေ၊ ရှေ့နေကြီးတွေနဲ့ စုစည်းပြီး အသင်းဖြစ်ပေါ်လာတယ်လို့ ဆိုပါတယ်။

ရခိုင်သဟာရအသင်း စတင်ခဲ့ပုံ
- ၁၉၆၁ ခုနှစ်မှာ ဒေါက်တာ ဦစောမြအောင်က ဥက္ကဋ္ဌအဖြစ် စတင်ပြီး ရခိုင်သဟာရအသင်း အမည်ဖြင့် စတင်ထူထောင်လိုက်တာဖြစ်ပါတယ်။ ရခိုင်သဟာရအသင်းမှာ မြို့နယ်ပေါင်းစုံက လူကြီးများ၊ မြို့မိ မြို့ဖများ ပါဝင်နိုင်အောင် ဖိတ်ခေါ်ဆောင်ရွက်ခဲ့ပါတယ်။ ရခိုင်ဆိုတာက အမျိုးကို အစွဲပြုပြီး ခေါ်ဝေါ်တာ၊ သဟာရဆိုတာက အတူတကွ ပေါင်းသင်းဆက်ဆံရေးလို့ ဆိုလိုပါတယ်။

အသင်း၏ ဖွဲ့စည်းပုံ - ဆောင်ပုဒ်ကတော့ “ကိုယ်ကျိူးမပါ၊ အများကောင်းကျိူးရှာ” လို့ ခေါ်တွင်ပါတယ်။ အသင်း အမှတ်တံဆိပ်ကတော့ လူ ၂ ဦး လက်ချင်းယှက်နေပုံကို ယူပါတယ်။ အဓိက အသင်းလုပ်ငန်းစဉ်ကတော့ ဆင်းရဲနွမ်းပါးတဲ့ ရခိုင်ဒေသခံကျောင်းသားလူငယ်များကို ပညာသင်ကြေး ထောက်ပံ့တဲ့ အစီအစဉ် ဖြစ်ပါတယ်။ စတိုင်ပင်ကော်မီတီလို့ ခေါ်ပါတယ်။ တက္ကသိုလ် အဆင့်မြင့်ပညာများ တက်ရောက်သင်ကြားနိုင်ဖို့ ကူညီကြတာ ဖြစ်ပါတယ်။ အစဦးကာလမှာ အသင်းဝင်များ ဖိတ်ခေါ်ပြီး ရန်ပုံငွေ စုဆောင်းရာမှာ အသင်းဝင်ကြေး ၅ ကျပ်နဲ့ ရာသက်ပန်ကြေး ၁၀၀ ကျပ်မျှ တောင်းခံခဲ့တယ်လို့ အမှတ်ရပါတယ်။

အခြားလုပ်ငန်းစဉ်များ - ရခိုင်ယဉ်ကျေးမှု ထိန်းသိမ်းရေး၊ ပေါ်ထွန်းရေးအတွက် သက်ကြီးပူဇော်ပွဲများ၊ ရခိုင်သင်္ကြန်ပွဲတော်များ၊ ရခိုင်ကျင်ပွဲများ ကျင်းပပါတယ်။ ရခိုင်စာပေများကို ဖော်ထုတ်ဖို့အတွက်ကတော့ စာပေမဂ္ဂဇင်းများ ထုတ်ဝေပါတယ်။ စာအုပ်စာတမ်းများလည်း စုဆောင်းသိမ်းဆည်းကြပါတယ်။

ရန်ပုံငွေသုံးစွဲပုံ စည်းကမ်း - အသင်းရန်ပုံငွေမှာ လုပ်ငန်းစဉ်တခုစီအတွက် ရန်ပုံငွေတွေကို သီးသန့်ထားရှိပါတယ်။ အလုပ်တခုအတွက် အခြားအလုပ်က ရန်ပုံငွေကို မထိရပါဘူး။ အသင်းလူကြီးတွေက အသင်းမှာ လဘက်ရည် သောက်ချင်ရင်တောင် ကိုယ့်အိတ်ထဲက ကိုယ်စိုက်ပြီး သုံးစွဲရပါတယ်။ ပထမဆုံး အသင်းစတင်တုန်းက အသင်းငွေ ကျပ် ၁ သိန်းကို ဘဏ်မှာ စာရင်းဖွင့် အပ်နှံပြီး ထူထောင်ခဲ့တာ ဖြစ်ပါတယ်။

အသင်းအမှုဆောင်လူကြီးများ ရွေးချယ်ပုံ - အသင်းဝင်တွေနဲ့ နှစ်စဉ် အသင်းလူကြီးရွေးချယ်ကြပါတယ်။ အမှုဆောင်လူကြီးများကို ရခိုင်ပြည်နယ်က မြို့နယ်စုံက လူကြီးတွေ အားလုံးပါဝင်နိုင်အောင်၊ အလှည့်ကျ ဦးဆောင်မှု ပေးနိုင်အောင် ရွေးချယ်ကြတာ ဖြစ်ပါတယ်။

အသင်းတည်နေရာ - ၁၉၈၈ အရေးအခင်းမဖြစ်ခင်က ဆိပ်ကမ်းသာလမ်း (ဘားလမ်း) မှာ အသင်းရုံးခန်းတခု ရှိခဲ့ဖူးပါတယ်။ နောက်တော့ ၁၉၉၀ ရွေးကောက်ပွဲ မတိုင်မီမှာ အသင်းရုံးခမ်းကို အဲသည်ကနေ ရွှေတိဂုံဘုရားအနီးက ရခိုင်ဓမ္မာရုံကို ရွှေ့ပြောင်းခဲ့ရပါတယ်။ အဲသည်တုန်းက အသင်းရုံးခန်းရွှေ့ပြောင်းရတော့ အခန်းကနေ ပြောင်းရွှေ့ရတဲ့ အလှူငွေ ကျပ် ၆ သောင်း ရတယ်လို့ မှတ်သားရပါတယ်။ ရခိုင်ဓမ္မာရုံဆိုတာက ရွှေတိဂုံဘုရား အရှေ့ဖက်မုဒ်နဲ့ မြောက်ဖက်မုဒ်ကြားမှာ တည်ရှိပါတယ်။ နောက်တော့ ဓည၀တီ သာသနာပြုကျောင်းတိုက်ကို ပြောင်းရွှေ့ခဲ့ပါတယ်။ အဲသည် ကျောင်းတိုက်ကတော့ ရေတာရှည်လမ်းသစ်၊ ပုလဲ ပိဋိကတ်တိုက်အနီးမှာ တည်ရှိပါတယ်။

လူမှုရေးလုပ်ငန်းများ လုပ်ကိုင်ကြပုံ - ရခိုင်သဟာရအသင်းကြီးနဲ့အတူ ရခိုင်ဒေသက မြို့နယ်များစွာရဲ့ အသင်းအဖွဲ့တွေကိုပါ လက်တွဲ စည်းရုံးပြီးတော့ ကိုယ်စားလှယ်တွေအဆင့်ဆင့် တိုင်ပင်ပြီး ရခိုင်တိုင်းရင်းသားများနဲ့ ဒေသဆိုင်ရာ သာရေး၊ နာရေး၊ လူမှုရေး ကိစ္စအ၀၀ကို တိုင်ပင် ဆောင်ရွက်လျက် ရှိပါတယ်။

ရွှေတိဂုံ ဘုရားဝန်းကျင်က စာသင်တိုင်းပေါင်း ၂၀ ကျော်ကို လှည့်လည်ပြီး သင်္ကြန်ရေသပ္ပါယ်တဲ့ ဘာသာရေးပွဲတော်ကို သီးခြား ရန်ပုံငွေ၊ သီးခြားအလှူခံပြီး ဆောင်ရွက်လျက်ရှိပါတယ်။ အလှူခံရရှိငွေ ဥပမာ ငွေ ၂ သိန်းရလျင် တကျောင်းကို ငွေ ၁ သောင်းစီ ပဒေသာပင်အဖြစ် လှူဒါန်းပါတယ်။

ရခိုင်မိသားစုများ၊ မိတ်ဆွေများအတွက် နှစ်စဉ်ပျော်ပွဲစား နေ့ချင်းပြန် သဘောင်္ခရီးစဉ်ကိုလည်း စီစဉ်ပေးပါတယ်။ ဧရာဝတီမြစ်ဝကျွန်းပေါ် ဖျာပုံ၊ ကျိူက်လတ်ဒေသများထံ အပျော်ခရီးထွက်ကြပါတယ်။ ရန်ပုံငွေ အလှူခံကြပါတယ်။ ယဉ်ကျေးမှုဆပ်ကော်မီတီက ဥာဏ်စမ်းပဟေဠိများ၊ ဟောပြောပွဲများ၊ ကစားခုန်စားပွဲများကို အသင်းသားများ၊ မိသားစုများ၊ မိတ်ဆွေများ ချစ်ခင် ရင်းနှီး စည်းရုံးမှုများ တိုးပွားစေရန် စီစဉ်ပေးပါတယ်။

လက်ရှိ ထူးခြားသော စီမံကိန်း လူမှုရေးအလုပ်များ - ရခိုင်ပြည်ဟာ နှစ်စဉ် သဘာဝဘေးဒဏ်ခံနေရတော့ ဒေသခံများအတွက် နှစ်စဉ်ကယ်ဆယ်ရေး၊ ကူညီရေး လုပ်ငန်းတွေအတွက် သီးခြား ရန်ပုံငွေ ကောက်ခံပြီး လှူဒါန်းခြင်း ကူညီခြင်းတို့ကို ဆောင်ရွက်နေရပါတယ်။

ယခင်နှစ် ၂၀၁၀ ဂီရိမုန်တိုင်းဒဏ်ကြောင့် ရခိုင်ပြည်နယ် ဒေသအတော်များများမှာ စားဝတ်နေရေးလုပ်ငန်းများ နလံမထူနိုင်အောင် ထိခိုက်ခဲ့ပါတယ်။ သောက်ရေသုံးရေ အခက်အခဲများပါ ရင်ဆိုင်နေရပါတယ်။ ကျေးရွာများမှာ ပြန်လည် ထူထောင်ရေးအလုပ်တွေ လိုအပ်နေပါတယ်။ ဒါကြောင့် အသင်းကြီးက ရန်ပုံငွေသီးသန့်ထူထောင်ပြီး စီမံကိန်းများ ချမှတ်ပြီး ဆောင်ရွက်နေရပါတယ်။ ဥပမာ - သောက်သုံးရေ စီမံကိန်း၊ နေအိမ်ထူထောင်ရေး စီမံကိန်း၊ ကျန်းမာရေး ပညာပေးနဲ့ စောင့်ရှောက်မှု စီမံကိန်း၊ ပညာရေးတည်ဆောက်မှုနဲ့ ထောက်ပံ့ရေး စီမံကိန်းများဆိုပြီး ဆောင်ရွက်နေပါတယ်။

စီမံကိန်းများ ဆောင်ရွက်ပုံ - ဆောင်ရွက်တဲ့အခါ ပြည်တွင်း ပြည်ပက ပညာရှင်များ၊ စေတနာရှင်များ၊ အလှူရှင်များ၊ လူကြီး လူငယ်များက ၀ိုင်းဝန်းလုပ်ဆောင်ကြတာ ဖြစ်ပါတယ်။ ယခင်က စတိုင်ပင် ပညာသင်ထောက်ပံ့ကြေးနဲ့ ပညာတတ် ကြီးတွေ၊ လူကြီးတွေ ဖြစ်လာသူ ရခိုင်လူငယ်မျိူးဆက်တွေက လက်ဆင့်ကမ်း ဆောင်ရွက်လာကြတာကို တွေ့ရပါတယ်။

ပညာသင်စီမံကိန်း - သီးခြား ပညာရေးထောက်ပံ့မှု စီမံကိန်းကတော့ ရခိုင်ပြည် ၁၇ မြို့နယ်က ပညာရေးမှူးများ၊ လူကြီးများနဲ့ ဆက်သွယ် အကြံတောင်းခံပြီးတော့ မူလတန်း၊ အလယ်တန်း၊ အထက်တန်းအဆင့်ဆင့် ပညာသင် ထောက်ပံ့မှုတွေကိုပါ တိုးချဲ့လုပ်ကိုင်နေတာ ဖြစ်ပါတယ်။ ပညာသင်ထောက်ပံ့ကြေးအဖြစ် ပျမ်းမျှ တနှစ်စာ ကျပ်ငွေ ၂ သိန်း ပေးနိုင်အောင် ဆောင်ရွက်နေပါတယ်။ အမေရိကန်၊ ဂျပန်က ရခိုင်အသင်းဝင်တွေနဲ့ ဆက်သွယ်ပြီး ကူညီနိုင်တယ်လို့ ဆိုပါတယ်။

ထင်ရှားတဲ့ ရခိုင်အသင်းလူကြီးများ မှတ်မိသမျှ - ဒေါက်တာဦးအေး (ကျောက်ဖြူ)၊ ဦးစံအေး (သံတွဲ)၊ ဦးကျော်ဇံလှ၊ ဒေါက်တာကျော်သိန်း၊ ဦးမင်းကြည် (ကျောက်ဖြူ)၊ ဦးအေးဖေ၊ ဦးခင်မောင်စိုး (လက်ရှိဥက္ကဋ္ဌ)၊ ဒေါက်တာ ဒေါ်နန်းဦး၊ ဦးစံဦးခိုင်၊ ဦးစောလှဖြူ၊ ဦးရွှေဇံအောင်၊ ဒေါက်တာဒေါ်စံကျော့ဖြူ၊ ဦးရွှေသိန်းကျော်၊ ဒေါက်တာအေးထွန်း၊ သူရဦးစောဖြူ၊ ဦးသာကျော်၊ ဦးသန်းစိန်၊ ဓည၀တီကျောင်းတိုက် ဆရာတော် အစရှိတဲ့ လူကြီးလူကောင်းများ၊ ပညာရှိများက ရခိုင်သဟာရအသင်းကြီး ရေရှည်တည်တံ့ခိုင်မြဲအောင် စေတနာရှေ့ထားပြီး ဆောင်ရွက်ခဲ့ကြပါတယ်။ သည့်ပြင်အမည်များ ပုဂ္ဂိုလ်များကိုလည်း ဆက်လက်ကောက်ယူ စုဆောင်းပြီး တင်ပြပါဦးမယ်။

အခြားမဲ့၌မှတပါး အခြားမရှိပြီ

အခြားမဲ့၌မှတပါး အခြားမရှိပြီ

နှင်းတွေငိုတဲ့နေ့ 
မည်သို့ဆိုစေ သည်နေ့သည်လည်း နှင်းတွေပြိုကျလာသည့်နေ့မှန်း မြင်နေရသည်။ ပြတင်းပေါက်က မြင်နေရသည်မှာ နှင်းမိုးတွေ တသဲသဲနှင့်။ လမ်းမပေါ်မှာ သွားနေသော ကားတွေခေါင်မိုးတွေကသာ နှင်းဖြူဖြူတွေ ဖုံးအုပ်ခံရမှုက လွတ်သည်။ ရပ်ထားသော ကားတွေက နှင်းတွေ ဖုံးလွှမ်းထားတာ မြင်ရတော့ စိတ်ထဲမှာ ပျော်စရာလိုလို၊ ပြတင်းပေါက်တွေကို မဖွင့်နိုင်လောက်အောင် အေးစက် နေသည်။ အခန်းထဲတွင် အပူချိန် ပေးထားသောကြောင့် နေရထိုင်ရတာ အဆင်ပြေ နေသည်။ သို့ မဟုတ်က ရေခဲအမှတ် သုညအောက် ရောက်နေသော အမေရိကန်နိုင်ငံ နယူးယောက်မြို့ အအေးဆုံးအချိန်မှာ လူ့တကိုယ်လုံး ရေခဲတုံးကြီး ဖြစ်သွားနိုင်သည်။ ခါတိုင်းလိုပင် မနက်စာ မစားသောက်ခင် သတင်းတွေ ဖွင့်ဖတ်ရန် ကွန်ပြူတာကို ဖွင့်လိုက်မိသည်။ သည်အချိန်မှာ ချက်ချင်းသတင်းပေး ထားသော သတင်းဆိုး တပုဒ်ကို မြင်လိုက်ရသည်။ တေးရေးဆရာ ရွှေကျော်ထွန်း ယနေ့  မနက် (ရ) နာရီမှာ ကွယ်လွန် သွားရှာပြီဆိုသော သတင်းဖြစ်သည်။

စိတ်ထဲတွင် မကောင်း လှတော့ပါ။ အနုပညာသည်တွေ ကွယ်လွန် သွားရှာကြပြီဆိုမှဖြင့် ကျွန်တော့်စိတ်မှာ အထူးနှမြော ၀မ်းနည်းတသ ယူကြုံးမရ ဖြစ်မိသည်။ ဆရာမောင်စံဘော် ဆုံးသွားသည့် သတင်းကို ဖတ်ရတော့ ရခိုင်စာပေနှင့် ပါတ်သက်၍ အထူး ရင်လေးမိစွာဖြင့် နှမြောရလိုက်ခြင်း။ အခြား စာပေသမိုင်း သုတေသီများ ရှိနေနှင့်သော်လည်း စင်စစ် ဆရာမောင်စံဘော်ကို ကွယ်လွန် သွားရခြင်းနှင့်ပါတ်သက်၍ အထူးဝမ်းနည်း ဖြစ်မိသည်။ ဆရာမြထွန်းအောင် ဆုံးသည့် သတင်း သိရပြန်တော့လည်း မျက်ရည်ဝဲစွာ ခံစားရမိသည်။ သမိုင်းသုတေသီ စာရေးဆရာကြီးတို့ ကြွေလွင့် သွားရခြင်းကို ကျွန်တော်အထူး ရင်နာမိသည်။ တားဆီး၍မရသော သေခြင်းတရားကို လက်ပိုက် ကြည့်နေရသော်လည်း စင်စစ် ယင်းသမိုင်းစာရေးဆရာကြီးတို့ ကိုကား မည်သို့ မှ အသေ မစောစေချင်ခဲ့။ သူတို့ လုပ်ခဲ့သော သမိုင်းဆိုင်ရာ အချက်အလက်များကို မည်သူက လုပ်နိုင်ကြပါမည်နည်း ဆိုသော အပူသည် ကျွန်တော့်ရင်မှာ ထာဝရ ကိန်းအောင်း နေခဲ့သည်။ တချို့တတ်နိုင်သောသူများက လုပ်နိုင်ကြပေလိမ့်မည်ဟု ပြောဆိုနိုင်သည့် တိုင်အောင် ယင်းအဖြေဖြင့် အလွမ်းကို မဖြေ ဖျောက်နိုင်ခဲ့။ ရင်အပူကို မချွေးသိပ်နိုင်။

သမိုင်းဆရာကြီးတို့၏ ပေးခဲ့သော အသိပညာတို့ကား လွန်စွာမှာ ကျေးဇူးကြီးလှပါ၏။ ယင်းကျေးဇူးကြောင့်ပင် မျိုးဆက်သစ် ရခိုင်လူငယ်တို့မှာ ရခိုင်သမိုင်းနှင့် ပါတ်သက်၍ သိကြရပြီ။ ဤအသိတရားသည်ပင် သမိုင်းဆရာကြီးတို့၏ ကျေးဇူးကား ဆပ်၍ မကုန်နိုင်ဖြစ်ကြရသည်။ တချိန်တည်းမှာပင် မျိုးဆက်သစ် သမိုင်းစာရေးဆရာ သုတေသီတို့ကိုလည်း မွေးဖွါး ပေါက်ဖွါးရန် အတွက် မြေခံရေခံ မျိုးစေ့ချပေးနိုင်ခဲ့ကြရာ အပူ မငြိမ်းသော်လည်း ဖြေစရာအကွက်ကတော့ ရှိခဲ့ဖြစ်သည်။ သမိုင်းဆရာတို့က သမိုင်းအကြောင်းကို ပြောမှရေးမှ သိခွင့်ရခဲ့သော အကျိုးကျေးဇူးကား ဆပ်၍မကုန်။

ခုတော့ နှင်းတွေငိုတဲ့နေ့မှာ ရခိုင်တေးသီချင်းများကို လွမ်းလွမ်းဆွတ်ဆွတ်နှင့် စိတ်ဓါတ်အားမန်တက်စရာ ရေးဖွဲ့ခဲ့သော တေးရေးဆရာ ရွှေကျော်ထွန်း ကွယ်လွန်သွားရှာပြီတဲ့။ သူ့ သတင်းကို အဆိုတော် ညီမင်းခိုင်နှင့် ဦးဇင်းဘလူးတို့က နိုင်ငံတကာကို သတင်းတွေပေးယင်း သိလိုက်ရသည်။ ရွှေကျော်ထွန်း ရေးခဲ့သော တေးသီချင်းများကို နားထောင် ခဲ့ဖူးပါသည်။ အဆိုတော် မြတ်ခိုင်ကျော်က သူ့သီချင်းများနှင့် ဝေသာလီ အားကစားကွင်းတွင် သီဆိုနေချိန် ကျွန်တော်တို့က လက်ခုပ်လက်ဝါး တီးကာ အားပေးခဲ့ ကြသည်။ ကျောင်းသားအားကစားပွဲတော် ဖွင့်လှစ်ရာ၌ အဆိုတော် နာမည်ကြီး စိုင်းထီးဆိုင်တို့နှင့် မြတ်ခိုင်ကျော်က ယင်းသီချင်းကို စင်ပေါ် သီဆိုနေချိ်န် ယင်းတေးသီးချင်းသံသည် ကျွန်တော်တို့၏ ပါးစပ်ဖျားတွင်မက ရင်ထဲတွင်ပါ မြည်ဟီး ဆူပွက်နေဖြစ်သည်။ တေးရေးဆရာရွှေကျော်ထွန်းကား ယင်သို့ လက်ရာမြောက်အောင် ရခိုင်အနုပညာရှင်တဦးပီပီ ရေးဖွဲ့ခဲ့သူ (၂၁) ရာစု အနုပညာရှင် ဖြစ်သည်။ သူချစ်သောရခိုင်ပြည်နှင့် သူချစ်သောအနုပညာတို့ကို အသက်အရွယ် ငယ်ငယ်နှင့် ကျောခိုင်းထွက်ခွါသွာေးသာအခါ ကျွန်တော့ရင်မှာ အလွန်နာကျင် ခံစားဖြစ်တော့သည်။ အသက်အရွယ်က (၄၅) နှစ်ရှိသည် ဆိုသော်လည်း လူ့လောကမှာ နေထိုင်ရန် သက်တမ်း ရှိနေပါသေးသည်။

တေးရေးဆရာ ရွှေကျော်ထွန်းမှာ ကျောက်ကပ် အစားထိုးဖြင့် နေထိုင်ရသောသူမို့  ယခုလောက်သာ လူ့လောကမှာ နေထိုင်ခွင့် ရသွားရှာသည်ဟု တရားနှင့်သာ ဖြေသိမ့်ရပါတော့သည်။ အို – ရခိုင်သားချေ- စည်းလုံးကတ် – ရခိုင်သားချေ – ဆိုသော တေးသီချင်းမှာ အခုအချိန်ထိ ကျွန်တော့် နားထဲက မထွက်။ မစည်းရုံးနိုင်သေးသော ရခိုင်လူမျိုးများကို စည်းရုံးကြပါဟု တေးသီချင်းဖြင့် လှလှပပ ခံစားဖွဲ့နွဲ့ခဲ့သော တေးရေးဆရာ ရခိုင်အနုပညာရှင် ရွှေကျော်ထွန်းကား သူချစ်သော ကမ္ဘာကြီးက အပြီးအပိုင် စွန့်ခွါ သွားရှာပါပြီ။

သူ့တေးသံတို့သည် သူကွယ်လွန်ခါမှ လူတိုင်းရင်ကို ထိတွေ့ ခံစားနာကျင်စေပါတော့သည်။ သူ့နှလုံးသားမှ စီးကျ ထွက်လာသော ဂီတ အလင်္ကာသည်ကား မည်သို့မျှ မေ့ပျောက်နိုင်သောအရာ မဟုတ်။ အကြောင်းကား ဤသီချင်းကို ကျွန်တော်တို့  လိုလိုချင်ချင် ခုံခုံမင်မင် နှစ်လိုဖွယ် သီဆိုဖြစ်နေကြမို့  နောင်လည်းသူ့ ကိုလွမ်းတိုင်း သတိရတိုင်း သီဆို ဖြစ်နေကြမည်မှာ အသေအချာ ဖြစ်သည်။ ရခိုင် အနုပညာရှင်တဦးဖြစ်သော တေးရေးဆရာရွှေကျော်ထွန်း သတင်းကို ရေးပြီး သတင်းအဖြစ် ရေးသားလိုက်သည့်အခါ စာလုံးပေါင်းတွေက ခဏခဏ မှားနေ၍ တော်တော် ကြိုးစား ရေးသား ပေးပို့ရသည်။ သတိ ထားခါမှ ပို၍ပင် အမှားအယွင်းတွေ ပါနေတတ်သည်။ ကျွန်တော့်စိတ်ထဲ ဂယောင်ချောက်ချား ဖြစ်နေသည်ကို သတိထားမိပါသည်။

မည်သို့ပင်ဆိုစေ သတင်းတွေကို ရေးသား ပေးပို့သည့်အချိန်မှာ ညဥ့် (၁၂) နာရီကျော်သည့်အခါတွင်ကား စင်းလုံးချောသွားသည်မို့  အိပ်ရာထဲဝင်ဖြစ်သည်။

အိပ်ရာပေါ်မှ ပြင်တင်းပေါက်ကို လှမ်းကြည့်လိုက်တော့ ကားတွေက တ၀ီဝီနှင့် သွားနေကြသည်။ နယူးယောက်ညကား လှုပ်လှုပ်ရှားရှားနှင့် ရှိနေသော်လည်း ပင်ပန်းစ ပြုနေသလိုလို။ သတိ ထားလိုက် မိသည်ကတော့ နှင်းတွေက စဲနေစ ပြုနေပြီ။

နှင်းတွေပြိုလို့  နှင်းတွေငိုတဲ့ အချိန်မှာ ကျွန်တော့်ရင်ထဲ အလွန် ခံစားခဲ့ရသည်။ ခုတော့ နှင်းတွေ စဲနေစ ပြုနေပြီ။

နှင်းနှင့်အတူ တေးရေးဆရာ ရွှေကျော်ထွန်း လွင့်ပါးသွားနေစ ပြုနေပါပေါ့လား။

မှိုင်းရီပြာဝေတဲ့ နေ့ 
နောက်တရက်ဆိုလျှင် သူချစ်သော အနုပညာနှင့် သူချစ်သော ကမ္ဘာကြီးမှ စွန့်ခွါ သွားတော့မည့် ရခိုင်စတီရီယို တေးရေးဆရာကြီး ရွှေကျော်ထွန်း တယောက် သူ့ကိုချစ်သောသူများအား စောင့်နေ တော့သည်။ လဲလျောင်း နားနေရာ၌ သူမှတပါး အခြားသူမရှိ။ အို … ရခိုင်သားချေ ဟု တမ်းတမ်းတတနှင့် ဖွဲ့နွဲ့သီဆိုစေခဲ့သော သူချစ်သည့် ရခိုင်သား ချေတို့မှာ သူ့အတွက် အလွမ်းပြေ ကြပါစေတော့ဟု သူကများ ပြောနေလေသလား။ လူ့လောကတွင် သူရှိနေစဉ်က လူ့လောက ကောင်းကျိုးကို သူစွမ်းဆောင်နိုင်သမျှ လုပ်ပေးခဲ့၍ သူကား ကောင်းရာဘုံဂတိသို့  ရောက်မည် အမှန်ပင် ဖြစ်သည်။

ရှင်သောသူများ ပျော်ရွှင်နေထိုင်ကြစေဖို့ရှင်သောသူများ တေးသီဆိုဖို့  သူရေးသားခဲ့သော သီချင်းများကား ရခိုင်မြေမှာ လွင့်ပျံ့နေသည်။ လူ့ လောကသို့  တယောက်ထဲ ရောက်ရှိလာသော တေးရေး ဆရာကြီးကား လူ့လောကမှ စွန့်ခွါ သွားသည့်အချိန်တွင် လက်ထဲ၌ ကိုယ်ပိုင်ပစ္စည်းဆို၍ ဘာမျှ မပါသွား။ မယူသွားခဲ့။

သူ့တေးသံများနှင့် သူပျော်ပါး နေမည်ဖြစ်သော်လည်း သူပိုင်ဆိုင်သည်ဟု လက်ဆုပ်လက်ကိုင် ပြစရာ မရှိ။ သူ့ရင်ထဲမှာတော့ ဒါန ဆိုသော အရာတခုမှ လွဲ၍ မည်သို့မျှ နောက်ဘ၀သို့ ရဲဘော် ရဲဖက်အဖြစ် မယူသွားချေ။

သူကားအနိစ္စတရားကို ပြဆိုခဲ့ပြီ။
သင်္ခါရတရားကို ပြဆိုခဲ့ပြီ။
ဘ၀၏လှည့်ပါတ်ကောက်ကျစ်မူများကို ညွှန်းဆိုခဲ့ပြီ။
သံသရာကို စာဖွဲ့ပြောနိုင်လောက်အောင် သိသွားခဲ့ပြီ။
သူသေသွားပြီ။
တေးရေးဆရာရွှေကျော်ထွန်း သေဆုံးသွားပါပြီ။
သို့ သော် သူ့ နာမည်မသေ။ သူ့တေး လွင့်ပျံနေတုံး။
ကမ္ဘာလောကကြီးမှာ တည်တံ့နေသရွေ့သူ့ တေးသံကား မည်ဟီးနေလိမ့်မည်။
မည်သို့ မှ အစိုးမရသော ကမ္ဘာလောကကြီးမှာ အစိုးရစရာ ဘာများရှိနေပါသနည်း။ လောကကြီးမှာ သူမှမရှိတော့။

သည်တော့ မှိုင်းမှုန်ပြာဝေတဲ့နေ့ပါ။ အရာခပ်သိမ်းသောနေ့ တွေထဲမှာ တေးရေးဆရာကို မသဂြိုလ်ခင်နေ့သည် ပြာရီမှိုင်းမှုန် ရီဝေနေတဲ့နေ့ဖြစ်မှာ အသေအချာပါ။ သို့ ကြောင့် …..
အခြားမဲ့၌ မှတပါး အခြားမရှိပါပြီလေ။ ။

ခိုင်အောင်ကျော် (နယူးယောက်)
၁-၂၀-၂၀၁၁
နေ့ လည်- ၁၁ နာရီ နံနက်-၄၈ မိနစ

ရေလောင်းတတ်ပါစေ

ရေလောင်းတတ်ပါစေ

ကျွန်တော်တို့ ရခိုင်လူမှု အသိုင်းအ၀ိုင်း နယ်ပယ်တွင် “အဆိပ်ပင်ကို ရေမလောင်းပါနဲ့” “အဆိပ်ပင်ကို ရေလောင်းသလို ဖြစ်ခဲ့ရတယ်” “ကျားသေကို အသက်မသွင်းနဲ့ ” စသည့် စကားရပ်ရာများ ကို ရှေးလူကြီးသူမတို့ က နောင်လာနောက်သား မျိုးဆက် အသစ် အသစ်တို့  အတွက် သတိထားနိုင်ရန် သြ၀ါဒ စကား ထားခဲ့ကြသည်။ အဆိပ်ပင်ကို ရေလောင်း၍ ရှင်သန်ကြီးထွားလာလျှင် ရေလောင်းပေးခဲ့သူကို အကျိုးမပြုဘဲ ဒုက္ခပေးမည်၊ အန္တရာယ်ပေးမည် ဖြစ်၍ အဆိပ်ပင်ကို ရေလောင်းခြင်းသည် ကိုယ်ကျိုးနည်းမည့် လုပ်ရပ်ဖြစ်သောကြောင့် အဆိပ်ပင်ကို ရေလောင်းမပေးသင့်ကြောင်း ဆုံးမထားသည့် စကားရပ်ဖြစ်ပါသည်။အဆိပ်ပင်ကို အဆိပ်ပင်မှန်းမသိဘဲ ရေလောင်းပေးမိခဲ့လျှင်လည်း အဆိပ်ပင်ကို ရေလောင်းပေးသူကဲ့သို့ အလားတူ ဆိုးကျိုးများကို ခံစားရမည် ဖြစ်သည်။ ကျားသေကို အသက်သွင်းသူတို့သည်လည်း ကျား၏ ကိုက်သတ်ခြင်းကို ခံရမည်ဖြစ်သည်။

သို့ဖြစ်၍ ကျားသေကို အသက်မသွင်းမိရန်၊ အဆိပ်ပင်ကို ရေမလောင်းမိရန်နှင့် ဆင်ခြင်တုံ တရားလက်ကိုင်ထားပြီး ဝေဖန်သုံးသပ် စဉ်းစား၍ မိမိတို့ ကိုယ်တိုင်၏ အကျိုးစီးပွားများ ဖြစ်ထွန်းအောင် ရွေးချယ်မှု မှန်ကန်စွာဖြင့် ရေလောင်းတတ်ရန် လိုအပ်ပါသည်။

ဥပမာအားဖြင့် ကျွန်တော်တို့ ရခိုင်ပြည်တွင် သစ်ပင်နှစ်ပင်ရှိသည် ဆိုကြပါစို့။ တစ်ပင်က ကျွန်တော်တို့ ရခိုင်ပြည်သူ ပြည်သားများကို အဆိပ်သင့်ပြီး ဒုက္ခပေးမည့်၊ အန္တရာယ်ပေးမည့် အဆိပ်ပင်ဖြစ်ပြီး၊ အခြားတစ်ပင်က ရခိုင်သူ၊ ရခိုင်သားများကို အကျိုးပြုမည့် ပဒေသာပင် ဖြစ်မည်ဆိုလျှင် ကျွန်တော်တို့ ရခိုင်သူ၊ ရခိုင်သားများ အားလုံးသည် မည်သည့် သစ်ပင်ကို ရေလောင်းပေါင်းသင် ပြုသင့်ပါသနည်း။ ရခိုင် တစ်မျိုးသားလုံးကို အကျိုးပြုမည့်၊ ကောင်းကျိုးချမ်းသာကို ဆောင်ကျဉ်းပေးမည့် ပဒေသာပင်ကိုသာ ရွေးချယ်၍ ရေလောင်းပေးရမည် ဖြစ်သည်။ ထိုသို့ ရွေးချယ်မှု မှန်ကန်စွာဖြင့် ရေလောင်းမတတ်လျှင် ကျွန်တော်တို့ ရခိုင်တစ်မျိုးသားလုံး ကိုယ်ကျိုး နည်းရပေလိမ့်မည်။ ယနေ့ကာလသည် ရခိုင် တစ်မျိုးသားလုံးအတွက် ရေလောင်းတတ်ရန် အလွန်အရေးကြီးသော အချိန်ဖြစ်ပါသည်။

(၂၀၁၀) ခုနှစ် နိုဝင်ဘာလ (၇) ရက်နေ့တွင် ကျင်းပ ပြုလုပ်မည့် စစ်အာဏာရှင်တို့၏ လွတ်လတ်မျှတခြင်း ကင်းမဲ့သော ပါတီစုံ အထွေထွေ ရွေးကောက်ပွဲတွင် အဆိပ်ပင်နှင့် တူသော နိုင်ငံရေးပါတီများ၊ ကျားသေနှင့်တူသော နိုင်ငံရေးပါတီများနှင့် ရခိုင်လူမျိုးများအတွက် ပဒေသာပင်နှင့်တူသော ပါတီများ စသည့် အရေအတွက်အားဖြင့် ပါတီ (၁၀) ခု ၀န်းကျင်လောက် ရခိုင်ပြည်တွင် ၀င်ရောက် ယှဉ်ပြိုင် အရွေး ခံမည်ဖြစ်ပါသည်။ အဆိုပါ ပါတီများထဲတွင် မည်သည့်ပါတီက အဆိပ်ပင်နှင့် တူ၍၊ မည်သည်ပါတီက ကျားသေနှင့်တူပြီး၊ မည်သည့် ပါတီက ပဒေသာပင်နှင့် တူကြောင်းကို ရခိုင်တမျိုးသားလုံး ဂဃနဏ ခွဲခြားသိရန် လိုအပ်ပါသည်။ သို့မှသာ ရခိုင်တစ်မျိုးသားလုံးသည် အဆိပ်ပင်ကို ရေမလောင်းမိဘဲ၊ ကျားသေကို အသက်မသွင်းမိဘဲနှင့် ပဒေသာ ပင်ကို ရေလောင်းခြင်းဖြင့် ကောင်းကျိုးတရားများ ရရှိခံစား နိုင်မည်ဖြစ်သည်။ ရခိုင်သူ၊ ရခိုင်သားများ အတွက် မည်သည့် အပင်က အဆိပ်ပင်ဖြစ်၍ မည်သည့်အပင်က ပဒေသာ ဖြစ်သည်ဆိုသည်ကို ဘယ်ပုံဘယ်နည်းဖြင့် ခွဲခြားသိနိုင်ပါမည်နည်း။ မြတ်ဗုဒ္ဓ ဟောကြား တော်မူခဲ့သော မိမိအား ဒုက္ခပေးသူ၊ အန္တရာယ်ပေးသူ (၀ါ) ရန်သူ ဆိုသည်မှာ မည်သို့သော ပုဂ္ဂိုလ်မျိုးကို ခေါ်ဆိုသတ်မှတ် ကြောင်း ဟောကြားချက်နှင့် ခွဲခြားနိုင်ပါသည်။ မြတ်ဗုဒ္ဓက “မိမိ၊ ချစ်သူ၊ မုန်းသည့်သူ၊ သုံးဆူ ကြောင်းကိုးဝ ၊ အတိတ်၊ ပစ္စုပ္ပန်၊ အနာဂတ်မှန်၊ ယှဉ်ရန် အကြောင်းပြ” ဟု ဟောကြားတော်မူခဲ့သည်။ အကျယ်အားဖြင့်ဆိုလျှင် “အကြင်သူသည် မိမိ၏ အကျိုးမဲ့ကို ဟိုအရင်ကလည်း ပြုလုပ်ခဲ့သည်၊ ယခုလည်း ပြုလုပ်နေဆဲဖြစ်ပြီး ၊ နောက်နောင်လည်း ပြုလုပ်လိမ့်ဦးမည်ဖြစ်သည်။” ထို ကဲ့သို့  သော ပုဂ္ဂိုလ်မျိုးကို ဒုက္ခပေးသူ၊ အန္တရာယ်ပေးသူ ဟု သတ်မှတ်ရမည်ဖြစ်သည်။ “အကြင်သူသည် ငါချစ်သောသူများ၏ အကျိုးမဲ့ကို ဟိုအရင်ကလည်း ပြုလုပ်ခဲ့သည်၊ ယခုလည်း ပြုလုပ်နေဆဲဖြစ်ပြီး၊ နောက်နောင်လည်း ပြုလုပ်လိမ့်ဦးမည်ဖြစ်သည်။” ထိုကဲ့သို့သော ပုဂ္ဂိုလ်မျိုးကို ဒုက္ခပေးသူ၊ အန္တရာယ်ပေးသူ ဟု သတ်မှတ် ရမည်ဖြစ်သည်။ “အကြင်သူသည် ငါမုန်းသော သူ၏ အကျိုးကို ဟိုအရင်ကလည်း ပြုလုပ်ခဲ့သည်၊ ယခုလည်း ပြုလုပ်နေဆဲဖြစ်ပြီး နောက်နောင်လည်း ပြုလုပ်လိမ့်ဦးမည်ဖြစ်သည်”။ ထိုကဲ့သို့သော ပုဂ္ဂိုလ်မျိုးကို ဒုက္ခပေးသူ၊ အန္တရာယ်ပေးသူ ဟု သတ်မှတ်ရမည်ဖြစ်သည်။ အဆိုပါ အချက်များဖြင့် ချိန်ထိုးကြည့်၍ ကိုက်ညီလျှင် မည်သည့်ပုဂ္ဂိုလ်၊ မည်သည့် အဖွဲ့အစည်း၊ မည်သည့် ပါတီ၊ မည်သည့်အရာကို မဆို မိမိတို့ အား ဒုက္ခပေးသူ၊ အန္တရာယ်ပေးသူ အဖြစ် သတ်မှတ်ရမည်ဖြစ်သည်။ ဤ သတ်မှတ်ချက်သည် မြတ်ဗုဒ္ဓ ဟောကြားတော်မူခဲ့သော တရားတော်နှင့် အညီ သတ်မှတ် ထားချက်ဖြစ်သည်။

ထိုသို့ဆိုလျှင် ကျွန်တော်တိုရခိုင်ပြည်တွင် ပါဝင်ယှဉ်ပြိုင်မည့် မည်သည့် ပါတီကို မဆို အဆိုပါ အချက်များနှင့် ချိန်ထိုးကြည့်ခြင်းအားဖြင့် မည်သည့်ပါတီသည် ကျွန်တော်တို့ ရခိုင်သူရခိုင်သားများကို ဒုက္ခပေးမည့် အန္တရယ်ပေးမည့် ပါတီ ဖြစ်ပြီး မည်သည့် ပါတီက ရခိုင်သူ ရခိုင်သားများကို အကျိုးပြုမည့် ပါတီ ဖြစ်သည်ဆိုသည်ကို ခွဲခြား သိမြင်နိုင်လိမ့်မည်ဖြစ်သည်။ ရခိုင်ပြည်တွင် ၀င်ရောက်ယှဉ်ပြိုင်မည့် မြန်မာဆိုရှယ်လစ် လမ်းစဉ်ပါတီ တဖြစ်လည်း တိုင်းရင်းသား စည်းလုံးညီညွတ်ရေး (တစည) ပါတီ ကို ချိန်ထိုးကြည့်လျှင် ထိုပါတီသည် ဖြတ်သန်းလာခဲ့သည့် သမိုင်းစဉ် တလျှောက်လုံး ကျွန်တော်တို့ ရခိုင်လူမျိုးများအတွက် မည်သည့် ကောင်းကျိုးမှ လုပ်မပေးခဲ့ပေ။ ရခိုင်သူ ရခိုင်သားများကို နည်းလမ်းပေါင်းစုံဖြင့် မဟာဗျူဟာ ကျကျ နှိပ်ကွက်ခဲ့သည်။ အထင်ရှားဆုံးမှာ (၁၉၆၇) ခုနှစ် သြဂုတ်လ (၁၃) ရက်နေ့တွင် ဖြစ်ပွားခဲ့သော စစ်တွေ ဆန်ပြသနာနေ့တွင် ရခိုင်လူမျိုး (၃၀၀) ကျော် ကို ရက်ရက်စက်စက် သတ်ဖြတ်ခဲ့သည်။ လွတ်လပ်ရေး မီးရှူးတန်ဆောင် အာရှနေ၀န်း ဆရာတော် ဦးဥတ္တမကို ဂုဏ်ပြု၍ အမည်ပေးထားသော ဆရာတော် ဦးဥတ္တမ ပန်းခြံကိုလည်း ကန်တော်မင်္ဂလာ ပန်းခြံဟု အမည်ပြောင်း၍ ရခိုင်လူမျိုး ဆရာတော် ဦးဥတ္တမ၏ ဂုဏ်ကျေးဇူးကို စော်ကားခဲ့သည်။ ရခိုင်လူမျိုးများကို ချိုးနှိမ်ခဲ့သည်။ တစည ပါတီ၏ ရခိုင်လူမျိုးများအပေါ် ညှင်းပန်းနှိပ်စက်ခဲ့မှု၊ နှိပ်ကွက်ချိုးနှိမ်ခဲ့မှု၊ ရက်စက်ယုတ်မာခဲ့မှုများကား ပြော၍မဆုံး ရေး၍မနိုင်အောင်ပင်။ သို့ ဖြစ်၍ တစည ပါတီသည် ကျွန်တော်တို့ ရခိုင်ပြည်သူပြည်သားများ၏ အကျိုးမဲ့ရာ မဲ့ကြောင်းကို ဟို အရင်ကလည်း ပြုလုပ်ခဲ့သည်၊ ယခုလည်း ပြုလုပ်နေဆဲပင်ဖြစ်ပြီး၊ နောက်နောင်လည်း ပြုလုပ်လိမ့်ဦးမည်ဖြစ်သည်။ သို့ဆိုလျှင် တစည ပါတီသည် ရခိုင်သူရခိုင်သားများ အတွက် ကျားသေနှင့်တူသော ပါတီ၊ အဆိပ်ပင်နှင့် တူသောပါတီ ဖြစ်သည်။ ထိုပါတီကို အသက်သွင်းမိလျှင် ရေလောင်းမိလျှင် ရခိုင်တမျိုးသားလုံး ကိုယ်ကျိုးနည်းရမည့်ကိန်း ဆိုက်ရောက်လာမည်ဖြစ်သည်။ သို့ဖြစ်ပါ၍့ ရခိုင် တမျိုးသားလုံးသည် တစည ပါတီကို အသက်မသွင်းမိရန်၊ ရေမလောင်းမိရန် အလွန်အရေးကြီးပါသည်။

အာဏာရှင် စစ်အစိုးရက ကျောထောက်နောက်ခံရော ရှေ့ထောက်နောက်ခံပါ ပြုထားသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း တဖြစ်ပြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီကို ချိန်ထိုးကြည့်လျှင် ထိုကြံ့ဖွံ့ ပါတီသည် စစ်အာဏာရှင်များ၏ သီအိုရီ သဘောတရား အတိုင်း ယူနီဖောင်းချွတ် စစ်ဗိုလ်ချုပ်များ ဦးစီးဖွဲ့စည်းထားသည့် ပါတီဖြစ်သည်။ ရခိုင်သူ၊ ရခိုင်သားများ အပါအ၀င် မြန်မာ ပြည်သူတရပ်လုံးကို ဒုက္ခမျိုးစုံ ပေးနေသော ကမ္ဘာမြေပေါ်က အဆိုးရွားဆုံး၊ အကြမ်းကြုတ်ဆုံး၊ အယုတ်မာဆုံး၊ အရက်စက်ဆုံး အဖွဲ့ အစည်း ဖြစ်သည်။ ဒီပဲယင်း လူသတ်ပွဲ၊ ပခုက္ကူမြို့တွင် သံဃာ နှစ်ပါးအား လမ်းဘေးဓါတ်တိုင် (မီးတိုင်) တွင် ကြိုးတုတ်၍ ရိုက်နှက် ညှင်းပန်းမှု စသည့် အလွန်ဆိုးရွားသော လုပ်ရပ်များကို ကျူးလွန်ခဲ့သူများဖြစ်သည်။ ထိုပါတီဝင်များကြောင့် ကျွန်တော်တို့ အထွတ်အမြတ်ထား၍ ကိုးကွယ်သော ဘုရား၏ သားတော် ရဟန်းတော်များ သွေးမြေကျခဲ့ရသည်၊ ထောင်နန်းစံခဲ့ရသည်၊ အပြစ်မဲ့ ကျောင်းသား ပြည်သူအများ အပြား သေကြေခဲ့ရသည်။ မတရား ထောင်ချ ခံထားရသည်။ ရခိုင်ပြည်သူ ပြည်သားများ အပါအ၀င် မြန်မာ ပြည်သူများအား ထိုပါတီ၏ ဒုက္ခပေးမှုများမှာ ရေး၍မကုန် ဆို၍ မပြီး နိုင်အောင်ပင် ဖြစ်သည်။ သို့ဖြစ်၍ ကြံဖွံ့ပါတီသည် ရခိုင်လူမျိုး အပါအ၀င် မြန်မာပြည်သူများ၏ အကျိုးမဲ့ရာ မဲ့ကြောင်းကို ဟို အရင်ကလည်း ပြုလုပ်ခဲ့သည်၊ ယခုလည်း ပြုလုပ်နေဆဲဖြစ်ပြီး နောက်နောင်လည်း ပြုလုပ်လိမ့်ဦးမည် ဖြစ်သည်။ သို့ဖြစ်သောကြောင့် ကြံ့ဖွံ့ ပါတီသည် ရခိုင်သူ၊ ရခိုင်သားများ အတွက် အလွန်ပြင်းထန်သည့် အဆိပ်များဖြင့် ပြည့်နှက်နေသော အဆိပ်ပင်နှင့်တူသည် ပါတီတစ်ခုဖြစ်သည်။ ထိုကြံ့ဖွံ့ပါတီကို ရေလောင်းမိလျှင် ရခိုင်တမျိုးသားလုံး ပျက်စီးရမည့်ကိန်း ဆိုက်ရောက် လာလိမ့်မည်ဖြစ်သည်။ သို့ဖြစ်ပါ၍ ရခိုင်သူ ရခိုင်သား အားလုံးသည် ကြံ့ဖွံ့ပါတီကို ရေမလောင်းမိရန် အလွန် အရေးကြီးပါသည်။

အဖ ရခိုင်ပြည်မှ ရခိုင့်ရင်သွေး စစ်စစ်တို့ စုစည်းမှုအားဖြင့် ပေါက်ဖွားလာသော ရခိုင်တိုင်းရင်းသားများ တိုးတက်ရေးပါတီကို ချိန်ထိုးကြည့်လျှင် သန္ဓေတည်ကတည်းက အဖ ရခိုင်ပြည်အတွက် ရခိုင်သူ ရခိုင်သားများအတွက် ဟု ကြွေးကြော်ပြီး မွေးဖွားလာသည့် ပါတီဖြစ်သည်။ ပန်းတိုင်ရော၊ ရည်ရွယ်ချက်ရော၊ မူဝါဒရော အားလုံးအားလုံးသည် ရခိုင်ပြည်ကြီး ကောင်းစားရန်၊ ရခိုင်သူ ရခိုင်သားများကို အကျိုးပြုနိုင်ရန်၊ အကာအကွယ်ပေးနိုင်ရန်၊ အလုပ်အကျွေးပြုနိုင်ရန် ဖြစ်သည်။ ရခိုင်တမျိုးသားလုံး၏ ကောင်းကျိုးချမ်းသာ ကို ဆောင်ကျဉ်းပေးရန် ရှေးရှူး ဦးတည်သည်။ ယနေ့  မဖွံ့ ထွား မစည်ပင် သေးသည့် ကာလမှာတောင် ရခိုင်တိုင်းရင်းသားများ တိုးတက်ရေးပါတီသည် ရခိုင်သမိုင်း သုတေသီ ရမ္မာဝတီ အရှင် ပညာစာရ အား စစ်အာဏာရှင်တို့ ကလိမ်ကျ အကွက်ဆင်၍ မတရား ဖမ်းဆီးကာ ရခိုင့် ရှေးဟောင်း အမွေအနှစ်များအား သိမ်းယူသွားခြင်း၊ ရခိုင်ကလေးငယ်များအား ရပ်ဝေးသို့ပို့ခြင်း စသည်များကို ကြေညာချက်ထုတ်၍ ကန့်ကွက်သင့်သည်ကို ကန့်ကွက်၍ တောင်းဆိုသင့်သည်ကို တောင်းဆိုခဲ့သည်။ ရခိုင့် ကမ်းလွန် ပင်လယ်ပြင်မှ ထွက်သည့် ရေနံနှင့် သဘာဝ ဓါတ်ငွေ့အတွက်လည်း လွှတ်တော်ထဲမှာ ရှင်းမည်ဟု အရေးဆိုထားသည်။ ရခိုင်အရေးအတွက် မားမားရပ်၍ ဆောင်ရွက်မှုများ ဖြစ်သည်။ ရခိုင်တိုင်းရင်းသားများ တိုးတက်ရေးပါတီသည် ရခိုင်ပြည်နှင့် ရခိုင်ပြည်သူ ပြည်သားများကို အခက်အခဲကြားက မစည်ပင်သေးမီကပင် အကျိုးပြုခဲ့သည်၊ ခုလည်ြး ပုနေဆဲဖြစ်၍၊ နောင်လည်း ပြုနေဦးမည်မှာ မြေကြီးလက်ခတ် မလွဲပင်။ ရခိုင်တမျိုးသားလုံးကို ယခင်ရော၊ အခုရော၊ နောင်ရော အလုပ်အကျွေးပြုမည့်၊ အကာအကွယ်ပေးမည့် ၊ ချမ်းသာသုခကို ဆောင်ကျဉ်းပေးမည့် ပါတီ ဖြစ်သည်။ သို့ဖြစ်၍ ရခိုင်တိုင်းရင်းသားများ တိုးတက်ရေးပါတီသည် ရခိုင်တမျိုးသားလုံးအတွက် ပဒေသာပင်နှင့် တူသော ပါတီ ဖြစ်ပါသည်။ ထိုပါတီကို ရေလောင်းပေါင်းသင် ပြုစုလျှင် ရခိုင်တမျိုးသားလုံးကို အကျိုး ဖြစ်ထွန်းစေမည် ဖြစ်သည်။ သို့ဖြစ်၍ ရခိုင်ပြည်သူပြည်သားများသည် ရခိုင်တိုင်းရင်းသားများ တိုးတက်ရေးပါတီကို အားပေးထောက်ခံ ရေလောင်းပေးရန် အထူး လိုအပ် ပါသည်။ ရခိုင်သူ ရခိုင်သား အားလုံး ဆင်ခြင်တုံတရား လက်ကိုင်ထား၍ ဝေဖန်သုံးသပ် စဉ်းစားကာ အမြော်အမြင် ရှိရှိဖြင့် အဆိပ်ပင်လား၊ ပဒေသာ ပင်လား ခွဲခြား၍ ရေလောင်းတတ်ကြပါစေ ဟု ဆန္ဒပြုလိုက်ပါသည်။

သန်းနိုင်ဂလေး (မေဃ၀တီ)